قصة ولادتي

سلام لكل الكروشات والمفقوشات
بحكيكم قصة ولادتي المفاجأه بالتفصيل
يعني هاتو الفشار والعصير
انا كان المفروض اولد يوم 25 شوال هذا على كلام الدكتوره واقصى حد الى 3 القعده
لكن ولدت يوم 8 القعده والحمدلله في مستشفى الدار بالمدينه عند الدكتوره نجوى الله يسعدها فين ماتكون
كلمت الدكتوره يوم الاثنين قالت لي اشربي خروع وشربت قاروره كامله<<<<مقرررررررررررررررررف
واشتغل مفعوله اسهال الله يكرمكم من الاثنين الى الثلاثاء لكن بدون طلق مع انو الرحم فاتح 1 سنتي وشويه
ويوم الاربعاء شوفت علامة الولاده واااااااااااااضحه اللي هي افرازات بيضاء مع بني غامق
ونفس الشي الخميس والجمعه اختفى كل شي واتصلت عليها فالت لي تعالي السبت اشوفك
روحت السبت الصباح ولا اخذت معايا شنطتي ولا شنطة النونو على بالي برجع:(
كلمتها لما وصلت المستشفى قالت اطلعلي فوق طلعت وعلى بالي بتكشف بس
اول مادخلت قسم الولاده حسيت بخوف لكن مو كثير لاني مامعايا طلق بس تحجر بالبطن شافوني الممرضات انتي اللي مطوفه اسبوع ضحكت قلت ايوه قالو تعالي وعاى غرفة المخاض الاوليه هنا بديت ابرد من الخوفجات ممرضه كشفت لقت نفس الشي الرحم 1 وشويه فاتح
لكن عنق الرحم سميييييييك جدا <<<وهذي كانت المشكله الاولى
اخذتني على غرفة المخاض وقالت بنحط مغذي وسالتها انتو بتولدوني اليوم قالت لا بس عشان تتغذي وخلاص وعرفت انهم يكذبو وهيأت نفسيتي وبديت اخاااااااف وجلست اقرأ قران كانت الساعه 9 الصباح وبدأ الالم شويه كان خفيييييييييييف وقتها ماما نزلت تحت تسوي اوراق الدخول وكده
وجات الدكتوره حقتي تبغى تكشف وكشفت وهي تكشف خرجت موية البيبي وصرت وقالت لي اتمشي شويه لانو راس البيبي بعييييد
اتصلت على ماما الله يحفظها وبكيت من الخوف قلت لها تعالي اطلعي بسرعه انا خايفه موية النونو خرجت
وجات ماما وتهدي عليا
ومعاها ولدي مسكين مو فاهم شي
قلت لماما اتصلي على بابا يجي دحين ياخذه وعلى طول جا جلس عندي شويه واخذ ولدي وراح
كلمت زوجي وقلتله لانه هو مو في وطوالي كلم امه وجات
وجالسه ادعي واكل رطب شويه جات الممرضه اعطتني ابره تلين عنق الرحم شويه وانا امشي وادعي لانو الالم مازال خفيف والرحم فتح 2 سنتي وجات الدكتوره تكشف مره ثانيه وهنا الصدمه الثانيه البيبي راح على جنب وحاطط يده جمب راسه واصابيعه اعلى من راسه وشويه نادت دكتوره ثانيه وانا خوفت اكثر والممرضات كل شويه وهما حاطين ابره في المغذي ولا ادري ايش هي؟؟
وجات الدكتوره التانيه كشفت وقالت لي على الوضع وقالت مافي اي خوف او مشاكل بس اتمشي
وانا امشي والطلق شد وكل شويه على الحمام
بعدها دكتورتي نزلت عندها عياده وجلست معايا المناوبه عنها ولما شافت وضع البيبي كتبت في الملف على طول قيصري وراحت على الاستشاري شاف الملف ووقع على طول قيصري بدون كشف
بس منتظرين دكتورتي توقع وبس والالم شغاااااااااااااااال بموت
بعدها بشويه جات دكتورتي ومع كل طلقه صارت تدخل يدها وتحاول تفتح الرحم اكثرلانو سميك
وفي وحده من الطلقات قالت بحاول محاوله اخيره وبعدها خلاص وانا اوريهم كيف يكتبو كده وانا مو في فهمت انو قيصري تخيلو بعد ده كله الالم
ودخلت يدها الى الكوع بدون مبالغه عشان تدخل يد البيبي على جوه ماقدر اوصف لكم مقدار الالم
من قوته بعد ماخرجت يدها اغمى عليا
وقالت لي لاتمشي ابدا حتى الحمام بمكانك خليكي<<<<احراااااااااااااااااااااااااااج
بعدها الطلق صار ورى بعض ماالحق اخذ نفسي وحسيت اني بروح الحمام هذا الكلام صار الساعه 8 العشاء ومارضيو اروح الحمام على طول غرفة الولاده الرحم فتح 6 سنتي
واخذوني ومع كل طلقه الدكتوره المناوبه تدخل يدها وتلعب مادري ايش تسوي مو عارفه اتحمل الم الطلق ولا الم يدها الكبيره قلت لها امانه لما اولد ابغى انام مابغى احس بالم الخياطه قالت كويس قلتي دحين نطلب دكتور التخدير وانا اكلم الممرضه اامنها الدكتور مايشوفني من تحت وراحت الله يسعدها جابت لي طرحتي
وياريتني ماطلبته عذبني هو والكمامه هو يحط الكمامه وانا اروح فيها
وماافتح عيني الا الساعه 9 ولسا ماولدت الم وانا اترجاهم اقولهم خلاااااص افتحو بطني مو قادره
والدكتوره حقتي جات مادري متى وتقولي خلاص يلا ساعدينا هانت ومع كل طلقه تقولي ادفعي وادفع وادفع مافي فايده اخر شي دكتور البنج صار مع طلقه يحط الكمامه وانا مااقدر ادفع من قوة البنج
مخه غبي كيف ادفع وانا متخدره صار هو يضغط على بطني بكوعه وبكل قوته والبيبي مصر مايطلع وقام ينكت فوق راسي يقول البنت ديه دماغها خفيفه اوي
وانا اسمعه وادعي عليه بقلبي ويضغط على بطني ويقول انا بلعب حديد في بطنها<<حسبي الله عليه والدكتوره تقولي ادفعي وانا طنااااااااش خلاص قلت اكيد بموت خليهم مع نفسهم
اخر شي قدرت اشيل الكمامه واصرخ لاتحطهااااااااا
وجات اقوى طلقه على وجه الارض والممرضه اللي جمبي الله يسعدها ضغطت على بطني بيدها وانا يقولو لي ادفعي بقوه وانا ادفع لكن مو بقوه لاني فاقده الامل ومن قوة الطلقه اتشاهدت اول مانطقت الشهاده
سالتها قلت لها هو طيب قالت ايوه بعدها ماادري عن الدنيا والبنج خلاني اهلوس هلوسات الله لايوريكم 3 ساعات هلوسه
خخخخخخخخ
والحمدلله يارب على النعمه
الله يسهلها على كل حامل
والله يرزق كل محرومه يارب
دعواتكم تعني لي الكثير لاتحرموني منها