قصة ولادتي

سلاااااام على كل اللي هنا

مفقوشه ومبقوشه

بحكي لكم قصة ولادتي

أنا لما كنت حامل كنت اقرأ قصص البنات وبصراحه اتشجع للتفكير بشكل ايجابي بتجربة الولادة
مهما كانت الآمها

واتمنى تشوفون قصتي ايجابيه لكم

الإسبوع الماضي
يوم الإثنين
كان عندي موعد متابعه عاديه
وقبل اروح للموعد كنت متهيئه انه بيصير شي جديد وممكن يكشفون من تحت
وبصراحه كنت متحمسه اعرف اذا الرحم مفتوح او لا

رحت الموعد وقالت الطبيبه كشف قلت طيب

وكشفت وبصراحه الكشف يألم شوي

وقالت مفتوح 2 سم
امشي كثير كثير وتولدي الليله بالكثير بكرا

دخلت على البنات بالتجمع والألم يعصرني عصر
ونمت ذيك الليلة بكل رعب ورعب بمعنى الكلمة
وكنت ادعي ربي اني مااولد ذيك الليله ويخف الألم
لحد ماغفت عيني ونمت من التعب والألم متواصل

تنبهت الفجر
وادور الألم مافيه حمدت ربي وشكرته من قلبي
اني ماولدت وانا مرعوبه خخخخ

وقمت من فراشي وانا خفيفه مرررررررره
حتى شكيت ان ولدي بسم الله عليه صار له شي
وماارتحت الا لما حسيت بحركته

يوم الثلاثاء مضى اليوم عادي والم يروح ويجي
مع الم متواصل بعظام الحوض وماكنت قادره امشي بسهوله
على فكرة الألم كان معي قبل بفتره يعني هذي علامة لقرب الولادة

مريت آخر الليل المستشفى اتطمن على البيبي لأني وسوست وقالوا لي سليم

يوم الربوع مشيت مشي اطول من كل مره
وشربت يانسون محلى بالعسل
ونقعت رجولي بمويه دافيه
وشميت حلتيته
ونقعت حلتيته وحطيت منها على فوطه ولبستها ونمت
كانت معي افرازات لزجه مخاطيه والدم نقطه مو ملحوظه

يوم الخميس الظهر قررت انا وزوجي نمشي العصر بمول والليل بحديقه

بس الألم جاني فجأه
سويت زنجبيل مع قرفه وشربت منه شوي ومااستحملت الألم
حسيته سريع بوقته وصرت اكتب عشان احسب له
ولاحظت انه بينهم 10 دقايق تقريباً

قلت احضر نفسي

صليت العصر وتروشت بمويه دافيه على ظهري
وشربت مغلي يانسون مع تمر
ودهنت ظهري وبطني بزيت زيتون مع حبه سوداء
وتوكلت على الله ودخلت المستشفى
قالت لي 4سم ترقيد
وجلست بالألم لحد العشاء وطلعوني غرفة الولادة
وجلست فيها تقريباً 4 ساعات او 5 ساعات

وتمت الولادة الحمدلله
بعد مافتحت لي موية الرأس
واستخدمت لطلق الصناعي اعلى شي
والاكسجين ماشالوه مني عشان نبض البيبي لايقل
وفكروا يشفطوا البيبي بس الحمدلله طلع بآخر ثانيه بسهاله من ربي

معليش طولت عليكم
بس انا بكرية وادري بحال البكريات اللي مثلي
الولادة يابنات والله فرج من رب العالمين
واشد آلام الولادة الطلق
حتى انا من شدته كنت ادعي ربي اني ماادعي على نفسي او على زوجي وولدي
والطلق الصناعي يابنات والله مادريت عنه هو الصدقي ولا الصناعي
يعني انسيه
وصدق اول ماطلع ولدي نسيت نفسي ونسيت الألم وحمدت الله
والخياطه ماتحسين فيها لأنها بالبنج
اما الكمامه كنت اكذب على نفسي فيها وماخففت الألم بالحد اللي يقولون
بس الأكسجين ريحني شوي
ونصيحه امشوا يابنات كثييييييييير
لأنه انا انفتح الرحم وجلست وقت عشان ينزل البيبي للحوض وهذا اللي اتعبني واتعبه

والحمدلله على السلامه

لاوقفوا

نصيحة اخرى

التجمع اللي قبل الأخير للشهور الأخيره كنت انا مسويته ➡
يعني صدق اللي تسويه بتولد ان شاء الله خخخخخ
عقبال ايجاز كانها ماولدت

وبعد الحمدلله ماعوشرت ولدت قبل موعدي بثلاث او اربع ايام

والحمدلله السونار صدق معي من الشهر الرابع للحمل
وبعد حلمي صدق لما فسرته عن جنس الجنين
واحساسي صدق خخخخخخ

والله يخلي لي ولدي
ادعوا لي يابنات ماجاني الا بعد تعب وانتظار عمر

والله يهون عليكم كلكم