قصة ولادتي<< الحمدلله الذي احياني

السلام عليكم ورحمة الله وبركاته 😆 hy:
راح ادخل بالتفاصيل ماراح اطول عليكم الله يسلمكم من دخلت التاسع وكان معاي طلق لاكن يجي ويروح على فترات اخذت التاسع كله على هالموال تعديت مو عد ولادتي وزااادت الالام لكن كل ما رحت الرحم مسكر والجنين بعيد عن عنق الرحم كل من شافني قالي وجهك شاحب واصفرررررر بتاريخ 23/3 بالليل الالم زاااد بشكل رحت لمستوصف قريب قالت الطلق حامي لكن الرحم مسكرطلعت وقعدت امشي وامشي واذا جت الطلقه وقفت وقمت ادعي رجعت البيت واخذت ملعقة عسل مع حبه سوداء وامي الله يحفضها قاريه لي بمويه زمزم سورة مريم والزلزله والفتح وايات واذكار الولاده رشيت على بطني وشربت المويه حاولت انام ما قدرت غصب عني يطلع صوتي من شدة الالم صحيت زوجي:( قالي يالله قلت ما ابي استعجل قال اقول انتظرك انا بالسياره لا تالدين عندي وابلش فيك 😡 دخلت الحمام اكرمكم الله على اذان الفجر لقيت سدادة الرحم نازله قالت الحمد له يعني الرحم بادي يفتح 😈 دقيت على دكتورتي وانا متفقه معاها انها تولدني قالت وهي نايمه عاوزه ايييه ➡ قلت انا فلااانه فيني ولاده وملفي معاك قالت انتي متاكده انها ولاده الاخت ثلاث ارباعها نووم ➡ اخذ زوجي الجوال منها وقالها يالله بصراخ وهواش 😛
المهم طلعنا للمستشفى ولقيتها تنتظرني عند الباب <<< ماينفع الى العين الحمراء
كشفت علي سئلتها الرحم فاتح ماترد على بس تقلب بطني وتقرى قران المهم عطتني ابره من هنا انا قمت اصارخ من هنا اثاريه طلق صناعي 👿 الله يسامحها المهم على الساعه سبع وربع بديت اشد واصارخ الدكتورهتقولي دفي وثنتين من الممرضات يضغطون بطني انا مافني شده نهائي ما قدرت ادف تدرون ليه ؟ فقر دم حاد فيني المهم حاولو بالشفط يطلعون البنوته وكانت تعبانه بالحيل الحبل السري ملفوف على رقبتها وماتتنفس هم بلشانين فيها وانا قمت انزف من هنا جاني نزيف حااد :Pحاولو يتداركون الموضوع انا قلبي مع بنتي هل هي حيه او لا يصرخون علي يقولون لا تفقدين الوعي خليك معانا وارد واقول بنتي طييبه <<< الله يجزي والدينا الجنه) المهم اعطوني اكياس الدم والمغذي من هنا وجابو سرير كله ثلج ودخلو جوى الرحم ثلج عشان يوقف النزيف تخيلو وحده والده تبي شي يدفيها وتصير كلها ثلج وبردااانه 😆 idea:كل شوي جايبين ثلج ويحطون زياده والحمدلله وقف النزيف وبنتي جاء استشاري الاطفال قال تداركناها بلحظه الاخيره ولله الحمد وهي تنفسها صعب لكن الحمدلله على كل حال
واسفه طولت عليكم
لكن نصيحه اخويه للحوامل عليكم بالعصيرات لا يصير معاكم نقص بالحديد لا يصيبكم مثلي نصييييحه تحاشو فقر الدم