عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله نبدأالرحله مع قصة ولادتي ببنوتتي الصغيرونه اللي خلعت قلبي من مكانه==كل وحده تركب السياره وتربط الحزام
والله ياقماري كانت موعد ولادتي على حساب الدكتوره 20-5 ..المهم في يوم 3-7 كانت شبكة بنت عمي وانا وكرشتي حضرنا الحفله وكنت مؤدبه مارقصت بس جالسه مع الحريم وكل وحده تسألني عاد خبركم بلقافة الحريم عن موعد الولاده على اساس انو باقي لي 17 يوم عاد خلصت الحفلة ورحت لبيتي ونمت وعلى الساعه 7:30 الا احس نفسي حشرانه ابغا الجمام وانتو بكرامه وانقز من السرير على الحمام وقبل ما اوصل الا احس اني عملتها في نفسي (لاتفهموني غلط) واطالع غلى فخوذي الا اشوف دم احمر صافي واصيح على زوجي من الفجعه طبعا مافي شي يعورني بس خوف لاني ما استعدديت لها
قام اخو العرب وشافني وهو فرحان وخايف ومو عارف يتصرف عاد كامت امي وحكيت لها الحكايه وقالت لي يابنتي هذي ولاده واستني شوي ويجيكي مغصرحت سويت لنفسي حليب بالقرفه وتمر وبدات الالم يبنات مغص مو طبيعي الله يكتب لنا الاجروشوي ارتاح وشوي يجي المغص بصراحه ماقدرت اتحمل واكلم امي قالت اذا ماتحملتي نروح للمستشفى بس بيبهذلوكي خليكي شويوانا من شدة الالم اتوقعت ان الرحم خلاص مفتوح والبيبي نازل
رحت المستشفى ودخلت الطواري وكشف علي الدكتور وقال لسه 2 سم 😈 كل هذا الالم على 2 سم وبقي لي 7 سم يالطيف
وطلعوني للتنويم الشي الغريب حطو لي جهاز النبض وانا اتلوّى من الالم اسمع الجهاز (تيت تيت) انذار وانادي الممرضه وتشوف الجهاز وتروح والا شوي الجهاز يدق انذار .. انا خفت الجهاز بصوت انذار شي يخوف وتجي الممرضه واقولها نادي الدكتوره مو قادره اتحمل وتجيني سودانيه الله لايبارك فياه هي ويدها الثقيله وتدخل يدها تشوف الرحم بكل قوتها كنها تهندس في جهاز واصرخ عليها بشويش لاكن ماكلم الا جدر
وتقول 4سم يالله عللى الكشك
(انا مره قد قريت موضوع عن ولاده وتقول انه مايعور الكشف على الرحم وبس يدخلون اصباعين قد دخل اللي اكبر منهاا يعني حاطه في بالي انه مايوجع والشي الثاني احسب الرحم اسفل ماتوقعت انها فوق في البطن وهذي اللي زاد الامي في الكشف)
نزلت الكشكوعند راسي ممرضه فلبينبه مره طيبه لما اتألم تقول لي خذي نفس رايقه وتجي تكشف عليا واقول لها نادي لي دكتور ماابغا دكتوره لاني خايفه من السودانيه والممرضهمستغربه مني اغا دكتور ويجي يكشف الدكتور اخصائي وشوي ال يقول لي 4سم يعني مافتح اكثر بس الغريب اشوف وجهه انقلب ويروح ويجي استشاري وشوي الا 6او 7 دكاتره فوق راسي حسيت انه في شي غلطوقال واحد فيهم بافتح المويه وفتحا ووراني طلعت المويه خضرا وراني هياوقال كذا نزل في البيت قلت لا نزل دم احمر وشوي تبدأ الحركه المخيفهوواجد منهم معصب ويقفلو رجولي ويقولي لا تشدي ولاتدفعي وانا زي الاطرش في الزفه مو عارفه ايش اللي صايروشوي الا الدكتور يجمع الممرضات وتهزيئوكل وحده تبرر موقفها طبها التهزيئ عربي على انجليزي طلع الغلط تنهم ماسوو لي اشعه في التنويم فوق
والا الدكتور يقولي لازم قيصري لان المشيمه انفكت والبنت تتنفس من نفسك مو من المشيمه بالاضافه انها برزت وعايشه في بيئه ملوثه عاد انا فرحت انه قيصري لانا الطلق كره حامي وقلت موافقه بس اول بنجوني واوقع وهاتك ابر وقصطره وطلق الله يكتب الاجر
دخلوني غرفة العمليات وانا بكا ابغا بنج وبعدين خلصو الاوراق الين مابنجوني ولاحسيت بنفسي الا في غرفة التفويقوبعها طعوني للغرفه واستقبلتني امي وهيا تبكي وزوجي الرايق اللي بكاميرته يصورني والحمد لله
بس كان فسي اشوف انتاجي واسأل عن بنتي الا يقول زوجي في العنايه بكيت بكيت خفت عليها والدكتور قال لزوجي 24 ساعه اذا ماتحسن وضعا ممكن تضيع مكم لان كان التنفس عندها سريع
واموت بكا لما الممرضات يجيبو الاطفال لامهاتهم وانا انتظر بنتي وبعد 4 ايام الا جابو الصغيرونه لي وابوسها وابكي عليها ياقلبو ➡
والحمد لله اللي احسن خلقتها ومن يوم شفتها بعافيتها نسيت الامي
واتفقنا اننا نسميها ضيّالله يرزقنا برها وتكون معينه لدينها
وهذي ولادتي والحمد لله على انه في اشياء محذوفه مافيني من كتب
