قصة ولادتي ..

في الاسبوع الثالث من التاسع قالت لي الدكتورة ابسوي لك كشف فآخر يوم من التاسع واشوف اذا فتح الرحم ولا لا ومابشيك وزن البيبي اليوم بشيكه عالموعد الجاي ونشوف اذا ماجاك طلق لحد الموعد بعمل لك كشف بس ماراح اشرح لك اياه على شان لاتقلقي وتخافي .. >> عاد انا قلت بس على بالها ماعرف اكيد تقصد التحريض اممم طيب رحت البيت وطبعا فيه مغص ونغزات وتعب ومشي كل يوم ساعه المهم جا يوم الموعد ورحت متحملة الالام اللي قبلها على شان اذا رحت تقولي مفتوح 2سم او 3 وطبعا كل مادخلت دورة المياه الله يعزكم اكون متوقعه في كل مرة الاقي دم او تنزل الموية وهذا انا وطبعا مافيه نوم يدوبك ساعتين واصحى المهم نرجع للموعد ..
خخخ دخلت عالدكتورة وقالت لي خلينا نسوي الكشف الداخلي وبعدها نشوف البيبي وعطت زوجي ورقة على شان التامين يروح ياخذ الموافقه فراح هو ودخلت انا معاها الغرفة حقت الالتراساوند وقالت لي ارفعي رجلك وانا طبعا كنت اتشهد خايفة وبنفس الوقت فرحانة لاني متوقعه انه في شئ ايجابي المهم دخلت يدها وخذي نفس نفس اكثر اووووووف فكرتها بتالمني اكثر لكن يدها خفيفة وهي تكشف علي اصلا تتاسف لي وتقولي معلي اعتذر اذا المتك تحمليني الله يخليك مو بكيفي كسرت خاطري المهم طالعتني قالت لي خلينا نشيك عالبيبي وانا ماسالتها شئ جاني جمود وخوف مدري وش بتقول وشيكنا طلع وزن البيبي 3كيلو و900غرام قالت لي البسي والحقيني رحت لها على اقل من مهلي ومتنحه نوعا ما مدري بتقولي في ولاده ولا استني اسبوع زياده ولا ايش رحت لها وقالت لي وين زوجك قلت لها مدري قالت روحي ناديه على شان نتكلم قلت لها طيب وانا ماكله معاي ابي اعرف ايش طلع معاها ..

وانا رايحه لقيته بوجهي واصرخ عليه وين كنت تاخرت قالي اجيب الموافقة قلت له طيب تعال الدكتورة تبيك ماقالت لي شئ طبعا دخلنا وقالت انا فحصت ومع الاسف الرحم نص سانتي وعنق الرحم جدا طويل ماكأنك دخلتي التاسع !!!:D قلت لها كيف يعني هذا عيب في عنق رحمي ولا ايش قالت لالالالا الوحده من تدخل التاسع يبدا عنق الرحم يصغر فكل ماغر ينزل البيبي للحوض ويضغط فينفتح الرحم سبحان الله وانتي بسبب عنق الرحم البيبي مرتفع كثير ومانزل للحوض وبصراحه اللي ماصار بشهر مستحيل يصير بيوم الا بحكمة رب العالمين وغير كذا انا ممكن امدد لك اسبوع زيادة وممكن اعملك حاجات تساعد على الولادة لكنها بدون فايدة وبناخذ وقت عالفاضي فبكرة اجباري تنويم لمصلحتك وانا بخيرك بما ان نسبة القيصرية 65% الى 70% تحبي نعمل قيصرية على طول ولا نجرب الطلق الصناعي واذا مامشى الحال سويننا العملية قلت لها انتي وشش راي قالت انا مابي انصحك بشئ بكرة راح تدعين علي سواء قلت لك كذا ولا كذا اذا عمليه بتقولين ماعطتني فرصتي فالطبيعي واذا قلت لك طلق صناعي وسويتي قيصرية بتقولين تعبتني وخلتني اجرب الاثنين فعندك لبكرة باالليل تعالي وقولي لي وش قررتي ……

وبدا التفكير وبدات الاتصالات ومحد يبي يفيدني ونزلت موضوع وزدت حيرة وخوف وقلق وتعب نفسي ولاقدرت انام وجا اليوم الثاني رحت شريت النواقص وتحممت واستشورت وزبطت حواجبي ورحت المستشفى انا وزوجي ومعاي اختي طبعا دخلت كانت الساعه 2 لان الدكتورة رنا قالت لي تعالي بعد 12 على شان مناوبتها المهم خلصت اوراق التنويم وطلعوني غرفة فوق وعطوني ملابس شكلها حلو مقلم اورنج واخضر وموف درجتها هادية واسولف واضحك مع اختي وزوجي واستنى الدكتورة تجي المهم لطعوني ساعتين تقريبا من كثر الولادات اللي تحت .. جاتني الدكتورة بشرى باكستانية وسالتني كم سؤال وحطو علي جهاز نبض البيبي والطلق وبعدها بشوي جات الدكتورة رنا وكشفت علي من تحت وقالت لي شبه قافل انا بجرب لك الصناعي لحد الساعه 10 اذا فيه اي استجابة ولو بسيطة حنحاول نخليها طبيعي واذا شفنا ان مافيه اي استجابة لاسمح الله قيصرية قلت لها اللي تشوفينه انتي ادرى قالت اوك انا عندي اكثر من حالة ولادة بيحطون لك الطلق وبعدها راح اجي اشيك عليك الساعه 10 قلت لها اوك ..