قصة ولادتي ولله الحمد..

::السلام عليكم جميعآ.. ان شاء الله طيبين.
الله يقومكم بالسلامة الي باقي ما ولدوا.. والف مبروووووك للي ولدوا
مااطول عليكم .. قصتي تبدأ يوم الثلاثاء 24/7 تقريبأ على الساعه وحده باللليل وتجيني الآم كل خمس دقايق وطنشت وقلت اكيد كالعادة يضحك علي .<<<<خخخخخخخخ
وانتظر يروح بس ماراح قلت والله شكل السالفه جد.. صحيح الالم مو قوي بس منتظم كل خمس دقايق وابد ماوقف وقمت امشي وامشي وسويت لي كوب قرفه واشربه واكمل مشي وقلت اروح انام لي شوي عشان مااكون مرهقه ورحت احاول انام بس ماقدرت لان الالم منتظم .. ورحت قلت لأمي قالت يالله ع المستشفى قلت لا بصبر لين يأذن الفجر ونروح لأن الالم مو قوي واقدر اتحمل قالت خلاص .. واجلس امشي وادعي ربي واستغفر لين قرب اذان الفجر ورحت اخذت لي دوش..ونظفت نفسي..قلت طيب نصلي الفجر ونروح..وصلينا ومشينا وجيت المستشفى كشفوا علي قالوا مفتوح 2سم..قلت اجل مطووووووووووووله..وقالوا بكيفك بتقعدين او تطلعين ولما تتعبي اكثر ترجعي بس ان شاء الله خلال 24ساعة بتولدي قلت خلاص بجلس اخاف يصير شي ومشوار بين البيت والمستشفى خلاص بااجلس واتوكل على الله.. وطلعوني التنويم وحطوا لي جهاز التخطيط حق الطلق ونبض الجنين وماصدقت فكوني منه.. وعلى الساعه 8 حسيت بشي طلع مني اروح الحمام الا هي مويه خفت بصراحه وبعدها زاد الطلق عندي صار كل دقيقتين تقريبآ وانادي الممرضات قلت خلاص مااقدر اتحمل بولد.. وكشفوا علي قالوا 4سم.. خلاص جهزي نفسك تنزلين ع الولاده فرحححححححت مررررررررره وشوي ونزلوني ع الولاده وانا استغفر وادعي ربي ييسر لي..وحطوني انتظار الولاده وركبوا لي المغذيات والابر واقعد اقول للممرضه لحظة شوي خلي الطلقه تهدأ وحطي المغذيه ماقصرت الله يسعدها قالت طيب .. وبعدها زااد الالم وانادي الممرضه وجت كشفت قالت 5 سم انتظري شوي احسن من تدخلين غرفة الولادة وتسمعين الصياح وتخافين اذا خلاص بتولدين على طول ندخلك وتولدين بسرعه احسن لك صح؟.. قلت خلاص طيب.. وانتظر شوي الا واحس بدفع قوووي من تحت النونو بيطلع.. واناديهم وقالت خلاص يالله ولاده .. ودخلوني غرفة الولاده وجهزوني وجت الدكتورة وقالت انتي في حس الم دفي .. هنديه الدكتوره ..قلت طيب وتجي اول طلقه وادف وقالت خلاص راس بيبي قريب اذا جاء الم دفي قوووه .. ويجي الالم وادف ويطلع الراس وادف مرره ثانيه اقوى ويطلع روووووووووح قلبي الله يحفظه لي الساعة 10 تقريبآ ..واخذوه على طول ع الحضانه يقولون اتبرز في بطني وبعدها تجي المشيمه اللي عذبتني بس لاتخافون انا حاله نادره ➡ <<<خخخخخخخ
قالت الدكتورة اذا في الم طلق دفي عشان مشيمه.. ويابنات سبحان الله اول ماطلع ولدي ماعاد حسيت بشي ولاالم ولا شي كل شي انمسح .. واقول للدكتورة مافي الم وتستغرب وتحاول تطلعا هي بلا فايده
وتروح تنادي لي استشاريين وجوني اثنين وانا ارتجف من البرد ..ويحاولون يطلعون المشيمه ولانفع..قالوا خلاص عمليه انصدمممممممت:).. وجابوا لي لبس العمليات وجهزوني وحالوا محاوله اخيره بعدين جلسوا يمكن ساعه مدري ليه ينتظرون تطلع وانا اقعد ادعي ربي انها تطلع وارتاح .. وشوي رجعوا لي وحاولوا فيها والحمد لله طلعت بعد تععععب .. وجت الدكتوره خيطت وخلوني يمكن ساعه في غرفة الولاده بعد ماخلصت عشان يتأكدون من النزيف بس الحمد لله عدت على خيييير وطلعوني التنويم وجابوا لي ولدي على المغرب تقريبآ وطلعت اليوم الثاني والحمد لله..
والله يقوم باقي الحوامل بالسلامه يااارب ولاتخافون كلها ساعات وتحسين بااحلى لحظه بحياتك..ونصيحه كثروا استغفار ودعاء وربي يتيسر كل شي سبحاان الله..
طولت عليكم ..آسفه بس حبيت انقل لكم كل شي لأني كنت احب اقرأ قصص الكروشات في الولاده فأكيد الكل مثلي .. الله ييسر لكم جميعآ