عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يقولكم اليوم قصة ولادتي طبعا كانت بتاريخ 25/2
انا بكرية ومااعرف اي شي عن الولادة..
كانت دكتورتي محددتلي الولادة 10/2 بس جلست لين 25 في الفترة الي بين التاريخين اكتأبة من الناس وكلامهم باني طولت وكل الي كانوا معي حوامل ولدوا الا انا احس الدنيا ضايقة فيني وكنت دايم افكر وفي نفس الوقت خايفة على البيبي يجيه شي لان الدكتورة قالت لازم اروح المستشفى لان مطوفة انا رحت قبل موعد ولادتي باسبوع وطلعت على مسؤليتي لان ماكان في طلق وخفت يلعبون فيني المهم يوم 24 كان يوم الجمعه رحت سوق عشان امشي فيه مشيت 3ساعات متواصله رجعت البيت قلت لامي مااحس باي شي شكلي ماراح اولد قريب وقررت اروح المستشفى بكرة اخليهم يعطوني طلق وامي كانت معارضة وخايفة على نمت الليل ولافيني شي توعيت الساعة 6 الصباح على شي فيني قمت اركض الحمام الا ومويه تنزل كثيرررة مرةكانك فاتحة حنفية ناديت امي وقلتلها طبعا امي فرحت مرة وقالت جاك الفرج انشاء الله وقومت الوالد ودوني المستشفى لان كنت عندهم لان زوجي كان مو موجود لاني ساكنه بمكان واهلي بمكان المهم رحت المستشفى ولا فيني اي الم كشفت الدكتورة قالت 2 سانتي ونص قالت لازم تنومين لان الموية الي نزلت كثير ونخاف على الجنين بعدها كان الم يروح ويجي كل ساعة بعد الظهر كشفت قالت لسى 2 ونص تحطمت قالت خلاص بنوديك قسم التنويم فوق لاني كنت عندهم في الطوأرى تحت وكانت امي معي الله يخليها لي يارب رحت فوق وجلست لين العصر جت وحده تسولف مع امي وتسالها قالت لامي حطي لها في الفوطة وانتم بكرامة شوية حلتيت بس انقعية في مويه شوي بعدين عطيها تحطه سويتها قبل المغرب بشوي بعد المغرب زاد الالم وكان يجي كل نص ساعة واحيانا كل ربع ساعة ويروح شوي يخف واحس انه يغمى علي وشوي يجنني واللي موترني جهاز نبض الجنين الي حاطينه على بطني
قبل العشاء جاء الوالد الله يخليه وشافني ابكي مااقدر يتحمل جلس يقراء على شوي بعده طلع وانا احس اني بموت كنت اقول لامي انا بموت خلاص قوليلهم يسون لي عمليه كانت تقول سمي واقري الله يهون عليك انتي بس ادعي طبعا جلس الالم لين الساعة 10 ونص ماقدرت استحمل بداء يروح ويجي كل دقيقة قلت لامي خلاص انا احس بشي بيطلع مني نادي الدكتورة جت تكشف قالت 8 سانتي يالله تحت امي وانا فرحنا واخيرا جاء الفرج بداو يجهزوني وكشفت قالت خلاص 10 ولادة قالت اذا جاك الالم ادفعي كنت ادفع لين خلاص بيطلع واوقف احس اني خلاص مافيني حيل وهي تقولا لالاتوقفين المهم كل ماجاني كنت ادفع لين خامس مرة وطلع احلى يزون في حياتي فديته الساعة 11 ونص بعدها ارتحت بقوة وكنت اطالع فيه فديته وجابته لي الممرضة حبيته بعدين اخذته تلبسه بعد ماطلع حطولي ابره في الغذي عشان المشيمة تطلع نص ساعة وطلعت الحمدلله بسهوله وبعدهاعطوني ابرتين وجلست شوي و سوولي خياطة تجميلية جلست فيني حوالي نص ساعة بس الحمدلله كانت زينة وايدها ماتوجع والامور تمام التمام وتوته توته خلصت الحتوته
اعذروني على الاطالة…
