عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم كروشات إن شاء الله بخير
بنااااات أبشركم الحمدالله ولدت بسلامه وبعد تعب تسع شهور وخوف وقلق لان الجنين مثل ماقلت لكم كان منقلب الحمدالله وماشاء الله تبارك الله ربي اللي قادر على كل شيء أنقلب الجنين في بطني وتهيىء رحمي للولادة الطبيعية وجلست أنتظر ولدتي 
ويوم وأنا نايمه كنت نايمه بيت أهلي لان زوجي عنده عمل وبالضبط الفجر أختي كانت تصلى وتستعد للمدرسة حسيت الله يكرمكم أني محشورة ورحت الحمام والله يكرمكم ماوصلت وأستغربت كيف بللت ملابسي 
بعدها غيرت ملابس ورجعت أكمل نومي ولما انسدحت وأحس مره ثانية أني محشورة وركض على الحمام انشدهت مرة ثانية وش السالفه قلت يمكن من الثقل الحمل بعدين شفت الله يكرمكم نقطة دم قلت لا هذي ولادة رحت لأمي وقلت لها باللي صار وقلت لها بس مافيني الم ولادة قالت : أمي روحي أمشي في حوش البيت وأذا جاك الم وقفي وأقري المعوذات وأنفثي على بطنك قلت: طيب قالت : لاتنسين تأخذين جوالك معك قلت ليه قالت علشان أدق اطمن عليك وأنتي وراى البيت قلت طيب
يابنااااات جلست أمشي وماحسيت بشيء واقرا ولاجاني شيء بس أحس ماي ينزل علي وامي كل خمس دقائق تدق هاه جاك ألم أقولها:لا قالت اجل كملي قلت لها يايمه زهقت قالت أقول أمشي 
<<بنااات كان برد موت ونزل مطر بعد << خلص حنانك يايمه
بعدين حسيت بألم وقام يزيد علي أشوي أشوي بعدين قلت لأمي نامي مافيني شيء علشان ماتحاتيني
ورجعت الغرفة بعد ماراحت أختي وأعيالي المدرسة ومسكت القران وجلست أقرأ سورة مريم وبعدين سورة البقرة << يامبرد إعصابي صح
بعدين قام يزيد الالم أتألم أشوي واقرأ أشوي ودق علي زوجي طبعاً أمي ماقصرت دق عليه قال أجيك قلت أيش فيكم مافيني شيء قال أقول هذي ولادة مو دلع قلت له لاتقول حق أمي اذا زاد الالم بدق عليك تجيني قال طيب
بعدين سويت لي دله قرفه 
وجلست أشرب واتام والخادمه تطالعني تقول مدام كلام ماما قلت لها لالا مافي ألم << وأنا كذابه 
بعدها جلست بالغرفه << وش تستنين حضرتك الاسعاف مثلاً
وجاني أبوي مع عكازه الله يحفظه يقول يابنت فيك شيء أوديك مع السواق قلت مافيني شيء <<<كذااااااابة
بعدها دق علي زوجي قال بسرعة طلعي أنا برى أنتظرك أنتي كذااااااااابة جالسة تتألمين ماتبغين تروحين
بصراحه بنات كنت أتألم بس مأبغى أروح بدري ويلعبون فيني <<< زين ماولدت بالبيت
بعدين رحت المستشفى وقالت الدكتورة الرحم مفتوح 3 سم قلت كل هالالم و3سم عسى ماتكلفت ومارضيت أولد بالولادة والاطفال لاني متعودة على ولادة المجمع العسكري بالظهران وجلست أمشي أشوي
وحنا بالطريق تذكرت كلام وحدة بالمنتدى ناسه أسمها الله يجزاها الجنه تقول الزعفران يهيج الطلق وشربت ماي وزعفران << بلوع الكبد كأنك تأكلين خيوط وزوجي يقول وش هالخبال وياااابنااات ربع ساعه بالتمام والطلق يشد علي جالسه أصيح في الانتظار أنتظر دوري وزوجي كل أشوي يقول مادخلتي
قلت له مستشفى أبوي هو يكفيني اللي فيني<< تتهاوش وهي تطلق حمدالله والشكر
مو مني من حر مافيني
المهم دخلت وقالت الدكتورة نفس الشيء 3 سم وبسرعه ودوني قسم الولادة
تخيلوا كل ماشتد الطلق وجلست أصيح تقول الممرضه لزوجي زوجتك دددددلع ويجلس زوجي يضحك 
وقوله ليت اللي فيني فيك ويقولي خلك باللي انتي فيه << 😎 محد حاس فيني وينك يايمه
وجلست أطلق تعبت قلت لدكتورة عطيني ابرة ظهر قالت : لالا مانصحك فيها بتعبك وباخر ولادتك <<<كذاااابة في الموعد قالت بعطيك علشان ترتاحين 😛
وبعد عنا ولدت وجبت أحلى نوافي بالدنيا الله يحفظه يارب هو وأخوانه
بناااات انصحكم بالزعفران ممتاز وقت الطلق …
وأسفه على الاطاله<<< زهقتينا قلتي قصة حياتك 😀 😆 idea:
