قصة ولادتي من اولها لأخرها

السلام عليكم
كيفكم خواتي الكروشات والرشيقات اللي بالنفاس ؟؟؟
وحشتوني كلكم خصوصا اللي بالتجمع لمى كنا حوامل السابع والثامن التاسع ,….. انا لي 22 يوم والده تاخرت عليكم معاي التهاب بجرح العمليه
مااطول عليكم وبحكيلكم ماحصل معاي 😆
طبعا انا دخلت العاشر ب3 ايام وبدأت بوادر الولاده
الله يكرمكم نزل معاي دم خفيف ومافي الم ولا طلق الكلام هدا المغرب المهم جمعت اغراضي ورتبت بيتي واستعديت وشربت زيت الخروع 👿 طعمه يجيب العله واستنى استنى ياربي وين المغص وين الطلق مافي شي ولا بطني فوووق لسه البيبي مانزل بالحوض ,,, لمى صارت الساعه 4 الفجر قلت يله اروح المستشفى واللي فيها فيها طبعا المستشفى ملوا مني كل التاسع وانا رايحه جايه على الطوارئ …… لمى وصلت حطوا جهاز الطلق قالوا في طلق خفيف وغير منتظم ولمى جت الدكتوره تفحص وسعت لي انا فاتح من اسبوع 1سم هي وسعت الى 3 سم وهي توسع مابقى احد ماسمع صراخي من الالم ,,,,, قالت لي الدكتوره لازم تاخدي ابرة الظهرررر 😛 😎 انا خفت من الابره ومن جهه ثانيه الالم يموووت احترت وسكرت الدنيا في وجهي تمنيت امي معاااي بس قلت مابخوفها علي نقلوني لغرفة مخصصه للولاده الطبيعيه جهزوني بالحقنه والمغدي وجتني استشاري تخدير تعطيني ابرة الظهر وانا ميته خوووووووف طمنتني واقنعتني فيها واخدتها وانا ارتجففففففففففف من الخوف كيف دخلوها مااادري وجات الساعه 7 وكل شوي تجي دكتوره تفحص وبالاخير جا دكتور وانا تحطمت ماابغاه يولدني لمى قلت للدكتوره ماابغى الدكتور يولدني قالت انتي محظوظه هدا احسن دكتور عندنا وهو رئيس القسم وهو اشطرنا كلنااا ماتخافي رضيت وسكت بصراحه كنت ميته خووووف لحظااات صعبه والموت بين عيوني وقاعده افكر اوصي مين يربي ولدي امي ولا ام زوجي خخخخخخخخخخخخخخ المهم حطوا لي طلق صناعي وفتحوا المووويه وانا ماني حاسه بشي من ابرة الظهر وشوي تغيرت وجهيهم وكثر كلامهم الدكتور والدكتوره والممرضات وتجمعوا علي وكل شوي احد يفحص انا قلت في شي اكييييد طلع البيبي حاط يده على راسه ومو راضي يحركهااا والرحم فاتح 5 سانتي وكل ساعه يفحصوني الى ان وصلت الساعه 10 قالوا خلاص النبض ضعف والبيبي ماحرك يده لازم قيصري انا هنا جتني حاله من الرعب والخوف والرجفه كل مشاعر الخووووف جتني بس اللي هون علي وجود زوجي معاي لحظه بلحظه والادعيه اللي كتبتهم من منتدى الفراشه
وقعت ودخلت غرفة العلميات وزوجي معاي وطبعا على ابرة الظهر ماتبنجت كامل كنت واعيه بالعمليه واسمع كلام الدكاتره وسوالف زوجي وكلامه لي ,,, هههههههههههههه والدكاتره والممرضات يطلبوني ادعي لهم وانا مافي غير ادعي وابكي دموووووووووووووووووووووع ليش ماادري رغم اني مو حاسه بشي
وشوي واسمع صراخ ولدي الغالي وارتحت من الالم والحمل والثقل والحموووضه اللي خلتني اعوف كل شي
والحمدلله على كل حااااااااااال
والله يسهل عليكم جميعاااا 😛