قصة ولادتي مثل ماوعدتكم حبايبي

بسم الله الرحمن الرحيم
يشرفني ان اقص عليكم قصة ولادتي المشوقه:)
فالبدايه بدت معاناتي من دخلت الشهر التاسع وانا ثقلانه حييييييييييييل ويجيني مغص والام ورحت يوم
جالي اسبوع من التاسع وكشفت الين الرحم مفتوح 1 ونص سم وقالت امشي واكلي تمر وصرت امشي فاليوم
ساعه وبعض الاحيان اكثر وبعد اسبوعين من التاسع جاني الم ورحت للمستشفى ودخلوني وحطو جهاز النبض
على نصف ساعه وجت الدكتوره تكشف وكان الرحم مفتوح 2ونص سم قالو ممكن ولاده الليله او بكره الصبح
قالت الدكتوره اذا بيتك قريب تقدرين تطلعين واذا بيتك بعيد لازم تنويم لين تولدين قلت لا بروح وطلعت رحت
امشي قلت يالله الليله ولاده كنت زهقانه ابي اولد ابي افتك ويمر الليل ويجي الصبح لا ولادة ولا شي
والصباح يختفي الالم بالمررررررررره صرت نشيطه الولد هون لا يطلع ههههههههههههههههههههههههههه غير رايه 😆 idea:
ويمر الاسبوع الثالث من التاسع بسلام وندخل الاسبوع الاخير من التاسع واروح اكشف قالت الدكتوره
الرحم مفتوح 3سم والجنين نازل تحت وعنق الرحم متوسع غريبه ماجاك طلق 😥 كل الدكاتره استغربو حالتي
مفتوح الرحم لكن مافي ولاده احبطوني زهقت وضاااااااق صدري 😆 hy: وتعبت حيييييييييييل من الراس كان
حاااااااشرني ومضايقني من تحت كنت احس فيه لاجيت اجلس حتى ان الدكتوره لما كشفت علي
لمست الراس دليل انه نازل حيييييييييييييل ومر الاسبوع الاخير بسلام وبطلت فيه مشي بالمره مامشيت تعبت
من المشي كسر رجولي من غير فايده قلت ماراح اولد الا بيومي المكتوب وخلصت التاسع ودخلت العاشر
وادوني مهله اسبوعين لاني بكريه وزاد الاحباط عندي ومر اسبوع وكشفت الين الرحم مفتوح 3ونص
لكن مافي طلق قالو روحي لين يجي طلق قلت عطوني طلق صناعي رفضو قالو مو الحين
ورحت ومر الاسبوع ودخلت الاسبوع الثاني من العاشر وفي اخر ايام الاسبوع كان يوم الثلاثاء الظهر دخلت
الحمام وشفت افرازات مخاطيه مخلوطه بدم بس قليل قلت اخيرا ولاده فرحت بس خفت في نفس الوقت:) وكان زوجي
توه جاي من الدوام ونايم قلت بروح اسوي الغداء واتحرك ولاني رايحه الا العصر حتى احس بطلق
ورحت اسوي الغداء وغسلت ملابسي ونظفت البيت وغسلت المطبخ وتروشت واذن العصر ورحت اقوم زوجي
للغداء وتغدينا ولا قلت له شي يوم خلصنا قال يالله عالممشى قلت اوك بس تراء بعده بروح للمستشفى
قال ليه قلت له السالفه ورحنا نمشي ربع ساعه ورحنا للمستشفى وكان الصمت سيد الموقف ماتكلمنا انا صرت افكر بالولاده
وزوجي ساكت بس مدري وش يفكر فيه ودخلنا المستشفى ودخلوني وحطو جهاز النبض قالو الجنين نايم;)
وصارو يقلبوني ويشربوني عصير عشان يتحرك يالله قاااااام ابو الشباب وجت الدكتوره تكشف قالت الرحم مفتوح
4سم ولاده لازم تدخلين قسم الولاده الحين قالت تبين ابرة الظهر
قلت لالالالالا قالت الم قلت اتحمل قالت خلاص وطلعت وانا تنزل دموعي غصب وانا اقعد ابكي 💡 جاني
خووووووف واذا مرني احد مسحت دموعي سويت نفسي ماابكي اخر شي جابو ملابس الولاده
ورحت البس فالحمام وكلمت زوجي قلت تراء بدخل غرفة الولاده ودخلتها الساعه 10 بالليل وعطوني حقنه شرجيه تنظف البطن
وحطو بعده مغذي لان فيني التهاب قالو لازم مضاد بالمغذي 4 ساعات وصرت كل ربع ساعه افك المغذي
واروح امشي واقراء قران لين جت الساعه 3 فالليل وانا على هالحال وجاني الدكتور الساعه 3 ونص وفتح موية الجنين
والمويه تنكب واحس بالحراره سبحان الله المويه حاااااره قالو خلك على ظهرك والطلق يبدى مفعوله
وانا اقوم اصاااااااااااااااااااااااايح 😡 قلت ابي ابرة الظهر نادو الدكتور قالو
شوي قلت لا الحين وانا ابكي ويجيني دكتور التخدير واخيرا يعطيني ابرة الظهر
يووووووووووووووه يالالم وانا اقوم ارجف قال الي فيك خوووووووووووووف قلت مافيه ابرة للخوف ههههههههه :Pقال اقري قران
احس ان مخي وقتها ماهوب معي صرت اتكلم من غير وعي وهم يسوو لي قصدرة بول ويحطو الاكسجين ومغذي صرت كلي اجهزه وقصدره فالظهر
وعندي دكتوره افريقيه الله لايوفقها في هالليل يوم جت الساعه سبع وتكشف للرحم مفتوح 7 سم ويجي الالم احس كني بتبرز قالت ادفعي اذا جاك الطلق
وادفع وهي جالسه على الكرسي قالت بطلع شوي قلت اجلسي
قالت ماراح اطول وتروح 😡 اشوي وتجي والساعه 8 ونص تكشف للرحم فاتح 10 سم قلت خلاص ولاده
قالت لا بروح افطر وانتي ادفعي قلت لالالالالالالالالالالالالالالالالالالالالالالالالا لالالا تعالي وهي تطلع وتتركني وانا
اسكر رجولي وانام على جنبي عشان مايطلع والله خلاص وقتها انقهرت منها وهي تشرف وانا ادفع والم قووووي وانا اروح ابكي قالت
ماراح اسوي شي وانتي تبكين اسكتي وانا ازيد بكي 😎 💡 وهي تروح تجلس قالت اسكتي واجي وانا ازيد
فالبكي والله شكل اهل الرياض وقتها سمعو بكاااااااااااي 😎 وانا الف راسي على جنب صرت ما اناظر فيها
وهي تقوم وتجي قدامي وتروح تسوي روجها آه يالقهر وانا ابكي قهر منها وتروح تجلس عالنت وتسفهني
اخر شي خلاص بولد قلت اتحمل واسكت عشان اولد وانا اسكت قلت خلاص تعالي وهي تشرف الحيوانه الي مافي قلبها رحمه
وانا ادفع باقو ماعندي خلاص كان همي اني اولد وافتك قلت كلها كم دقيقه اتحمل وادفع واقول الله لايوفقك ادعي عليها وادفع آه بس وهي تسوي لي توسعه شق وانا اصيح الين ولدي يوم
طلع اخيرآ وماعاد ادري وش صار اغمى علي مافتحت الا ولدي على سريره جنبي الساعه 10:29صباحآ بتاريخ 3/3 قلت بكلم زوجي
وانا اخذ الجوال وادق على زوجي يوم قال الو وانا اروح ابكي واسكر الجوال
وهو يدق وانا اعطيها الجوال قلت علميه وهي تكلمه قالت انت مييييييييين شوفو اسلوبها بس قال
فدتك الروح ولدت هههههههههه اما فدتك الروح لا قال اسمي بس نكتفي بالنك قالت ايه قال وش جابت قالت انت وش تبي وزوجي
يعصب قالت انا ابي بنت انت وش تبي آه يالقهر قاطه الحرمه وش هالميانه فالاخير قالت لا جابت ولد
بعد ماهاوشها زوجي وهي تسكر سولفت الحرمه وخلصت قالت خياطه
وهي تروح تخيط وانا فاتحه فمي وراسي على جنب تخيلو شكلي بس هههههههههههههههههههههههههه
اكسر الخاطر وتخيطني وتناظرني وتضحك علي وانا ماني بيمها وتخلص خياطه وتقوم تنظف المكان
وزوجي يجيني الا الشعر منتفش والحاله حاله بين التعب علي وهم ينقلوني للملاحظه واجلس فيها للعصر والم الخياطه يزيد والله اني ماغير واقفه ما اقدر اجلس ولا
انام لان كان في بنج وراح مفعوله وقتها وحسيت بالم مضاعف ويجيبون لي فيفادول واكل ثنتين وشوي شوي ويخف الالم وينقلوني للجناح
واليوم الثاني العصر اطلع من المستشفى
وهذي قصتي ومعاناتي وتراني فيه اشياء ماقلتها تداركن للوقت

وفي الختام اقول الله لايوفق مارشين الافريقيه الي ولدتني
ودعواتكم لولدي بالصحه والسلامه