عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصة ولادتي كانت ماساه حقيقيه كنت في رمضان وكنت رايحه اتقضى للبيت وحسيت بالم بس ماقلت لزوجي قلت يمكن تعب من المقاضي جاء وقت السحور قاعده اتسحر مع زوجي واحس الالم يزيد وكان هو وراه دوام قلت ماراح ازعجه خلصنا سحور ونام هو بالصاله كانه حاس فيني قمت اغسل المواعين واشطف المطبخ لاني حسيت ان معاي ولاده واذا جاتني الطلقه انتظر اشوي واذا راحت اكمل شغلي لحد ماخلصت على الساعه 4 الفجر تقريبا الساعه 6 ماقدرت اتحمل رحت صحيت زوجي ورحنا للمستشفى وانا مو قادره امشي المهم قالو لي مفتوح واحد سانتي ياربي كل هلالم واحد سانتي قالو لي انتي معك طلق بس اذا تبين تطلعين على مسؤوليتك قال لي زوجي لاتطلعين خلك احسن المهم خلوني بغرفه على كنب وانا ميته من الالم بعدها ودوني غرفة تنويم ومااحد جاني منهم من 6 الى 2 الظهر تخيلو والالم يزيد مو طبيعي جاتني دكتوره بعد انا ماطلبتها قالت لي توك 2 سانتي وراحت
وانا اطلب دكتوره مااحد عطاني وجه الى المغرب تخيلو وقت اذان المغرب جلست ابكي واقول للي جمبي فيني ولاده احس اني بولد كانت حرمه كبيره في السن قالت يابنتي انتي تعرفين وش هي الولاده والله يابنتي لو فيك ولاده كان صراخك وصل كل مكان قلت لها والله فيني ولاده وانا عندي بنت مو بكريه واعرف الولاده بس انا خايفه ومتحمله الالم المهم جاتني ممرضه وقالت مافي دكتوره تخيلو كان وقت فطور ومش فاضيين لي؟
المهم قلت للمرضه تلرى بولد كيفكم ماني قادره قالت بكشف عليك هي ممرضه وخدمة غرف مو قابله عشان تكشف قلت لها لاماتكشفين انتي روحي نادي دكتوره او قابله مافي احد لازم انا اكشف المهم اكشفت علي وماكان في احد معها وجلست تكلم نفسها بلغتها وكانها مستغربه تتكلم وتشيل ايدها وترجع تكشف بعدين صرخت عليها قلت لها ايش فيه اصرخت على الممرضات اللي بره قالت تعالو جيبو السرير التحرك بسرعه قلت ايش فيه قالت 6 سانتي تخيلو ومااحد درى عني المهم ودتني بسرعه لغرفة الولاده ونيمتني على السرير وقامت تجهز للولاده قلت لها مين بولدني قالت انا تخيلو صرخت بوجهها قلت لها روحي نادي دكتوره المهم كلمت تيلفون وبعد فتره جاتني دكتوره نفسها بخشمها مررره وقامت تتكلم مع الممرضه بالانجليزيه وتقول لها ان قدامي نص ساعه علشان اولد المهم انا زاد علي الالم بنفس الوقت صارت تناظر فيني من بعيد وتقولي يلا ادفعي ساعدي نفسك تقريبا كان بيني وبينها ثلاث امتار تخيلوا وتقولي يالله ادفعي ايوه ادفعي كأني اولد بالبيت والله العظيم واناابكي حرام اللي تسوونه حرام عليكم عطوني بنج قالت ماينفع انتي الان ولاده لو طلبتيه فبل كان عطيناك طيب انا ماجاني احد علشان اطلبه المهم جلست احاول اولد نفسي وارتاح لاني مره تعبت قعدت اشد واشد جاتني وسوت توسعه وطلعت راس البيبي باقي الجسم ماقدرت قالت لي لي يالله ادفعي تخيلو حلس اولدي فتره راسه بره وجسمه داخله حسيت انا في خطر دفعت بكل قوتي وطلع وهو مره مزررق 😆 idea:
بكمل لكم بعد اشوي لاني تعبت
