عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخباركم فراشااااات وحشتوني عن جد .. 😈
اليوم حابه اسرد لكم قصة ولادتي << الصعبه >> بولدي زيزو 👿
طبعا انا خلصت التاسع واخذت من العاشر 6 ايام ويوم الاربعا كان زوجي بيسافر لجده لان عند اختبار وبيجلس يومين هناك فاخذني ووداني عند اهلي عشان لو لا سمح الله جتني ولاده وكان قلبه حاس ياعمري يقول صبري يومين لين اجي قلت لاو الله مارح اصبر الود ودي اولد اليوم قبل بكره قال الله يهون عليك انشا الله ومن جيت عند اهلي وانا اقول لهم بشرب خروع ➡ خلاص طفشت ابي اولد وامي تقولي لا خاف يضرك ويضر الجنين صبري راح الكثير ما بقى الا القليل قلت ما عد فيني افكر بشرب وتوكل علا الله وفعلا الاسبوع الاخير من ولادتي كنت تعبانه للاخر بس ابي اتخلص من كرشتي ماعد صرت افكر با الي في بطني وتوكلت علا الله وشربته الساعه 4 الفجر وجلست امشي واقراء ادعية الولاده لين اذن الفجر وصليت وانسدحت عند قناة بدايه اسلي نفسي شوي وبديت احس بالام خفيفه في بطني وظهري كانها الدوره الله يعزكم بتنزل علي قلت شكلها هذي الي يسمونها تساليف وشوي الالم كل ماله يزيد واكثر حده بظهري وادق علا اختي الكبيره واقولها عن الاعراض قالت اذا حسيتي انها زادت فهي ولاده وفعلا انا سكرت السماعه والالم يزيد وبقوه واحس نفسي ودي اروح الحمام الا واشوف الدم واطلع الا امي بوجهي قلت يمه شكلها ولاده قالت يا الله نروح المستشفى وكانت الساعه 8ونص الصباح وانا احس نفسي ما عد اقدر الالم كل ماله يزيد واحس بدفع واول ما دخلت المستشفى حطت علي الممرضه جهاز النبض وكشفت علي قالت يا الله انتي في ولاده الحين انتي 6سم قلت الحمد لله وطلعتني غرفة الولاده وانا ألمي جدا فظيع لدرجة اني ما اقدر افتح فمي بكلمه بس ابكي :);)ودموعي تمشي بسرعه مثل المويه واعطتني كمام قالت خليه معاك لان انتي فيه طلق قوي انتي فيه اشرب قرفه ولا خروع هزيت راسي قالت هذا مافيه كويس يخلي الم قوي بس ما فيه ولاده وقاست الرحم قالت انتي لسى 6سم واعطتني ابره مهدىء قالت خلاص انتي الحين يخف الم وللاسف الالم نفس ماكان ورجعت الممرضه وسالتني بعد نص ساعه انتي ما في خف الم هزيت راسي لا ➡ 😐 😀 قالت انا في اعطي مره ثانيه مهدىء بس انتي ما في شرب شي مره ثانيه وانا ودي اعطيها كف طفشتني بكثر القرقه تحسبني ريقه لها والحمدلله خف الالم بس لدقائق تقريبا وعاد الالم وكان بزياااااده وكشفت علي بس ما قالت لي كم سم وانا ما ودي اسالها واتحطم بس استغفر وادعي بقدر الاستطاعه لان من قوة الالم نسيت الادعيه بس اناظر لسقف واقول يااااااااارب الطف بحالي يااااااااااااااارب ونفسي كان مرره طويل بصوت عالي وجت قالت اعطي ابره ثاني في الورك الم انتي قوي كثير واعطتنيها ودقت علا القابله تجي وجت وكشفت علي وجلست عندي قالت الالم لسى قوي هزيت راسي وجلست تسال كم عندك من ولد ولدت طبيعي ولا قيصري قبل كذا وانا اناظر فيها لكن مني قادره ارد وعودت وسكتت قالت اذا بغيتي تدفين بلغينا وجو معها ممرضتين ووقفو عندي وقاست لي القابله قالت خلاص انتي تبي تدفين قولي وشوي الا احس بدفع وجلست ادفع لكن من غير صوت والكمام علي وانتبهت لي الممرضه قالت يا الله يا الله بيبي فيه قريب وانا اقول يا الله الفرج من عندك 👿 واخذت مني الكمام قالت يالله دفي وانا مني قادره اسوي شي احس بدفع لكن حيلي طايح مره واحس انه بيغمى علي وجلست تعلمني الطريقه علا الرغم اني ولدت قبل كذا بس ولدي هذا احس ولادته غير مررره صعبه وتقولي خذي نفس طويل بعدين دفي وانا احاول واحاول لكني عجزت وشوي واضغط علا نفسي وادفع بقوه ويالله يارب لك الحمد ولدت وجبت زيودي ➡ بصحه وعافيه الساعه 2 الظهر لكن ما سمعت صوته ساكت واخذته وقصت سره ورحت توزنه وتنظفه وبدا يصيح لكن الشي الي استغربته ولدي كان مره نظيف كانه متروش ؟؟؟ وقالت لي القابله لسى انتي ما خلصتي باقي مشيمه يالله حاولي تدفعين مثل قبل شوي والحمدلله تخلصت منها بسلامه وجلست عندي الالقابله تعطيني تعليمات قالت ما عد تشربي شي مره ثانيه لانه عسر عليك الولاده كثير دخلو معاك وخلصو قبلك وثاني شي ان الحبل السري كان ملتف حولين رقبة الجنين من قوة الطلق لكن الحمدلله عدت بسلام ونصحتني عند الولاده بالمشي والتمر فقط غير كذا يسبب مشاكل لك وللجنين ..
وهذي قصتي اكتبها لكم وانا اناظر زياد حبيبي الله يبلغني فيه ويا اخوه ياااااارب
ويجعلهم ياااااااااارب من ائمة الحرم ياااارب وحفظة القران اللهم امين
