قصة ولادتي تقطع القلب

مساء الخير يافراشات
اخباركم اتمنى من رب العالمين يفرجها على كل وحده حامل
الحين صارلي اسبوعين من ولدة والاحد الجاي بمشي بالثالث
طبعا انا كنت احسب حملي صح بس الدكتوره كنت تقول لا وتحسب من عندها
اهم شي قبل الولادة باسبوع كنت عند اهلي وكان المعروف اني على نهاية الثامن وكنت احس بمغص بين فتره والثانيه
واقول لمي بس امي تقول بدري وكان بطني نازل وامي تقول لاتوسوسين باقي بدري
بعدين رحت بيتي وكان عندي موعد وطلع اطلق على خفيف بس مبين والرحم مفتوح سانتي
قلت لدكتوره خاطري اروح اراتاح عند اهلي بالدمام
قالت لاتروحين مكان لانو في اي لحظه بتولدين المهم رحت البيت وبديت اجهز ولا علمت احد عرفت انو حزتها اني في اخر التاسع
وزوجي يهدي فيني وجا يوم السبت الصباح الساعه 6 قمت اتالم بس ماكنت متوقعه انها ولاده ولا كنت ادري
شلون الام الطلق
قومت زوجي الساعه 7 وماكان مصدق وبسرعه على المستشفى وكنت في حاله يعلم فيها رب العالمين
وقعدت في المستشفى تنويم وزوجي يسالهم بتولد وهم مايعطون خبر جت الدكتوره وقالت عندك الرحم مفتوح 2 سانتي قلت لها
خلاص بروح البيت وبرجع لما يشتد قالت لا مافي طلعه وانا حزتها في حزن والم بس ادعي للي حولي
واللي ذبحني قالو لزوجي اطلع برا وطلع صار يجيني دقايق ويطلع ومره مايسمحون له
والمصيبه ان الغرفه اللي كنت فيها بس سريرين والوحده تولد فيها طبعا ولدة وحده كانت جنبي وبينا ستاير
وانا أتالم من صياحها وقعدة في رعب ارتحت لما خلصت وشوي وحده بتولد في غرفه ثانيه
عشت عذاب نفسي
انفتح الرحم 3 سانتي وشوي قالت الدكتوره خلاص بنعطيك طلق صناعي على الصبح وانا كنت على مسكنات
وعلى الساعه12 اخر الليل زاد الطلق وروحي احسها بتطلع جت الدكتوره المناوبه قالت التخطيط مش كويس
قلب البيبي ضعيف جداونزل الحبل السري قبل الراس
وسالوني وين زوجك قلت راح البيت
قالت اتصلي عليه لا زم عمليه واتصل بسرعه وفي خلال 5 دقايق وصل زوجي ووقع الاوراق ونزلت المويه
وزاد الالم وزوجي معاي بدون اي وعي صياح لدرجه ان زوجي ماقدر يستحمل قعد يهاوشهم على التاخير
بس كله مقدر ومكتوب ونقلوني وانا كان خاطري اوصي زوجي بوصايا ان كان بيصيرلي شي
بس طلعوه وانا حتى ماشفت وجهه مع الالم نقلوني للعمليات
والساعه 12 وربع زوجي شاف عبدالاله الحمدلله بخير وسليم
وانا لسى مخدره كامل قمت الصباح اسالهم عن طفلي مايجاوبون اسالهم وش اللي جبت قالو ليه ماتعرفين قلت كانو يقولون ولد
سكتو وربي عشت لم اكثر من الولادة لانهم عيو يوروني ولدي الالما جا زوجي وقال انه بخير والحين جايبينه
الحمدلله شفته وارتحت وماصدقت
الله يخليه ولا يحرمني منه يارب
والله يفرج عليكم