قصة ولادتي بوردتي لولي

راح اقولكم ولادتي كيف كانت اول شي فحطت الين ماولدت تعبت مررره خلص التاسع وانا ماولدت شربت اي شي تتوقعونه او يجي في بالكم كان كل الي يدق ها ولدتي اصلا مااخلي مجال لااحد من يوم احد يدق على طول اقول لسه ماولدت المهم من دخلت التاسع وبدا الطلق معايا رحت الدكتوره قالت عندك طلق بس الرحم ماانفتح لسه طبعا كل يوم انواع البكي انا بعيد ه عن اهلي هم في جده وانا في مكه ادق على ماما وابكي انا تعبانه مااتحملت نزلت جلست عند اهلي ومن يوم احس بالم على طول اروح يقولو مافي ولاده اخر زياره الدكتوره قالت لازم نسوي تخطيط للجنين بعدها قالت في طلق والرحم مفتوح 1سم قالت تعالي بعد يومين ونشوف وبعدها صرت بس امشي وادعي ان شالله ينفتح اكثر رراجعتها بعد يومين الي هو يوم الثلوث قالت لسه الرحم 1سم ونص: بكره تجي خلاص نعطيكي تحاميل طلق قلت ان شالله وبدا الخوف زوجي الله يسعده وداني مطعم وبعدها على البحر يغير من نفسيتي شوي رجعت البيت وفتحت المنتدى اشوف كيف التحاميل اثارها وزي كذا الاشوي واحس شي نزل مني اقوم مفجوعه اشوف احسب نفسي تبولت على نفسي واجري على الحمام الله يكرمكم والمويه تنزل مني ورحت على ماما ابكي اقولها شوفي اش نزل مني وابكي بعدها صحيت زوجي وداني المستشفى على طول دخلوني وكشفو عليا قالو 2سم ونص هذا كان وقتها الفجر المهم وتجي ماما وخالتي واختي دخلوني غرفة الولاده ودخلو معايا عشان مستشفى خا ص سمحو بالعايله الكريمه كلها تدخل وجلست اتالم من الفجر الين المغرب والرحم مو راضي ينفتح ومررره تعبت كل شوي يقيسو يقولو لسه لسه الين قريب المغرب قاسو قالو خلاص 9سم ولاده يوم حسيت خلاص جا وقت الجد ابكي اقول لخالتي قوليلهم بكره يولودوني الدكتوره تضحك تقول خلاص ولاده:( طبعا ماما من قالو ولاده خرجت لان مرره تعبت وزجي خرج من المستشفى عشان سمع صراخي اعطوني الكمام واحس نفسي معاهم وانا ماني معاهم من الكمام وارجع افوق ويرجعو ياخذوه وابكي اقولهم هاتو يقولو لادفي وادف دفه قويه بس الدكتوره الله يسعدها مرره صبوره المهم ماصحيت الابعد ماولت واسال ماماانا ولدت خلاص كل شوي اكرر نفس السؤال كاني ماني مصدقه والحمدلله ولدت وجبت احلى ورده في حياتي الله يحفظها لي يارب عقبال الي ماولدو