قصة ولادتي بنورعيوني عبودي.. بمستشفى الحبيب حياكم .

كروشات شخباركم 💡

اشتقت لكم مرررررررررررة اخيرا” اليوم بكتب لكم عن قصه ولادتي

بنور عيوني عبودي ..الله يحفظه ويخليه

..

كان اخر دخول لي للمنتدى هو يوم السبت ودخلت كالعادة للتجمع وسولفت مع الكروشات
سني سمايل نيو لفار وخلود
وكنت اقول لهم ان في شويه رطوبه بس من غير الماوطلق والالم الي يجيني خفيف مرررة

😥 وكنت مرة نفسيتي تعبانه وطفشانه 😡 ابي اولد بأي طريقه 👿

وبدت التجارب … ماخليت شيء ماشربته

شاي اخضر & قرفه & حلبه
والمشي لين اهلك وتتكسر رجولي ..

رحت يوم الاثنين للطوارئ لاني حسيت بشويه رطوبه زايده ..كشفت علي الدكتورة
وسوت لي تحلليل مويه الجنينوكنت متأمله انها مويه راس البيبي نزلت وخلاص بيكتبون لي دخول
بس للأسف قالت : لاء
هذي مش مويه الراس والتوسع بس واحد سانتي وان بدري على ولادتي
😥 وقتها كنت بالاسبوع 39 وبدخل الاربعين ..

تحطمت تحطمت وشوي واصيح ..:P

رجعت لل:(بيت ونويت اخربها وماخليت احد مادقيت عليه وقررت اتصلت على زوجي
وقلت له خلاص لازم تجي يوم الاربعاء عندي تمشيني لاني مررررررة مكتأبه ومتضايقه وصحت وانا اكلمه

كسرت خاطرةوقال خلاص جايكم الاربعاء.

سكرت منه التلفون .. ولاتدق عمتي تقول انها عازمتنا على العشاء يوم الاربعاء في بيتها ..
وقلت خلاص تم اهم شيء بغير جو ..

صار يوم الاربعاء .. ورحتمن الساعه 5 وتروشت وكشخت 😥 😆 hy:
منها للعزيمه ومنها لزوجي حبيبي يجي ياخذي من بيتهم .. ➡

وقبل لانروح صحت // وقلت لأمي هونت منيب رايحه الحين يضحكون علي ليش ماولدت 😆 hy:

وتهاوشني امي وتقول عن الهبال يلااا مشينا ..والله ورحنا خذينا حلى من سعد الدين ورحنا لبيتهم
وتفاجاء انو عمي جاي من الشرقيه ..ويسلم علي ويقول ها طولتي خخخ

مالك نيه تولدين ..؟

وشتغلت السوالف وكلها عن الولادات ..والحمل والنصايح وش اسوي عشان اولد

قعدت وتعشيت لين تخمت .. 💡

وجاء زوج واخذني وحنا بالطريق .. قال شرايك نروح اليوم للفندق وبكرة نروح للمملكة نكمل اغراض
ونشتري الفستان والشنطه الي تبينها ..

قلت اوكي .. ورحنا للعيا ..وحجزنا لنا شقه بفندق الضايفه مسافه 2 دقيقتين عن بوابه طوارئ الولادة تحسبا” لاي طاريء ..دخلنا للشقه .. نشوفها وبصراحه موذاك المستوى بس قلنا عشان القرب

دخلت وعلى طول لدورة المياة .. وحسيت ان المويه زايدة غيرت ملابسي الداخليه وطلعت لزوجي وقلت له بروح للطواريء اتطمن ..
ودخلت علي الدكتورة ..وكشفت وقالت : لسه بدري توه 1سم
والمويه موميه البيبي بس تخطيط نبض الجنين والام عالي مرة وسوت لي دخول وعطتني مغذي واكسجين وقالت بنعيد التخطيط اذا ماتغير بيعطوني طلق صناعي .. 😐

وماتغير التخطيط ..ودخلوني .. ونمت بغرفه الولادة وصورتها لكم بنزلها بموضوع مستقل
وجتني الدكتورة المناوبه اردنيه اسمها ( د/ ازل ) وسوت لي سونار وهنا انصدمت قالت لي من متى المويه معاك ؟

قلت لها من يومين وجيت لكم وكذا كذا صار .. قالت المويه نازله باقي 3 فقط
يعني لازم ولادة ..

وعطتني تحميله طلق صناعي .. وبداني الألم شوي شوي وكل ساعه يسون لي فحص مهبلي
والتوسع يزيد .. وبعدها قالت لازم اعطيك طلق صناعي 2 بالمغذي

وعطتني وهنا بداني الألم القوي ..ويجيني زوجي وانا اصيح وصرخت عليه لاتقول لي جيبي غيرة;)
وراح اخذ ولدي حمودي لبيت اهلي ورجع عندي معاه امي ..لاني ماعلمت احد اني بولد .
دخلت امي وهاوشها لاتشوفين .. وطلعت ودخلت زوجي ..وقعدجنبي ومسك لي كمام المخدر
وفجأة حسيت الراس بيطلع وقول له طلع طلع

💡

وراح يركض وينادي الدكتورة وجتني دكتورة سودانيه اسمها ( اوسيلا ) ومعاها دكتورة اسمها شرين
وماشاء الله ممتازات مرررررررررررررررررررررررررررررررررررررررررررررررة قليله عليهم

وقالت لي باقي 5 سم لسه بس انتظري وانا اصرخ ابي عمليه انا المسؤله
وهي تقول طيب طيب تسكتني .. اتصلوا على على دكتورتي شكران العراقيه وكانت موموجودة في الرياض.. وقالت لي السودانيه تبين اولدك ..
قلت ايه تعالي بس خلصيني .. 😎

وقعدت معاي لين ولدت الساعه 8 وعشر المغرب يوم الخميس 28/5/2009
وجبت احلى ولد عبودي ..

وبعد ساعه صعدوني لغرفتي .. وصورتها لكم وبنزل الصور بموضوع ثاني

وللقصه بقيه ..

سامحوني على التاخير والله يقول الكل بالسلامه

💡

لي عودة ان شاء الله

😳