قصة ولادتي بنانا دلوعه ماما وغنوجه بابا لعيون الي طلبوهاا مني

انا الحمد لله ولدت يارب لك الحمد والشكر يوم 1432/6/30

وكان اول يوم اختبار ليا هههههههه البنات بالقاعه يختبروا وانا بغرفة العمليات بس خيره يارب تكون ليا ولنونتي طبعا طول حملي كنت ادعي مااولد الا بعد الاختبارات وفي يوم قمت بالليل وحسيت بمغص خفيف وكان الوقت على 3 ونص الفجر تقريبا ودعيت دوة من قلب
وقلت يارب انت وحدك تعلم ماهوا خير لي يارب سهلي الوقت واليوم حتى لو كان قبل اختباراتي والحمد لله ولدنا بسلامه يارب لك الحمد

نجي للقصه ^_^

يوم الثلاثاء كنت معصبه مررررررررررررررررررررررره المهم قمت قلت خليني اخذ شور بمويه دافيه مايله للحاره اريح اعصابي وقمت اخذت شور والله وطالعت بالصابون تبع الجسم قلت ماابغى استخدمو كان بالخوخ والحليب قلت بستخدم الي بالنعنان حااار ويريحني هههه
واستخدمتوا وخرجت من الشور ولبست وشربت كوفي ورحت عند اهل زوجي وقعدت شويتين عندهم الا احس بمغص خفيف مرره دا الكلام على الساعه 11 ونص وكل مغصة والثانيه بينها ربع ساعه الى نص ساعه يعني مو منتظم وكان كل ماتجيني طلقة اكتب بالجوال الوقت علشان اعرف وماقلت لااحد
ورجعت بيتي واقول لزوجي احس بمغص وهوا يقول بتولدي ان شاء الله مبسوط والمهم كل مالو المغص يزيد وماما كانت نايمه ماابغى اتصل عليها واصحيها واخاف يكون بس تعاديل المهم صبرت الين 6 الفجر وماني قادره انام وكل ماله الالم يزيد واتصلت عليا ماما لانو شافت مني مسجاات وانجعت عليا وكلمتها قلتلها الي صاير معايا
بس وقتها خف الالم وقلتلها بنام دحين لانو خف الالم وبس الين 10 الصباح ورجع الالم وماني قادره انام وساعتين وراح الالم قلت بنام تاني علشان لو كنت ولاده اروح وانا فيني حيل مو اني اروح وانا مواصلة ومهلوكه وبث نمت الين العصر وقمنا انا وزوجي فطرنا واحس بالالم بس مستحمله لاني ماابغى اروح المستشفى ويبهدلوني
بعديت على المغرب زوجي كلم الدكتور تبعي وقله لا خليها تجيني على العياده لاتروح المستشفى حتتعب هناك خليها تجيني وانا اشوف فيها ولاده او لا ورحت له هوا عياده خارجيه اتوقع الكل يعرفه اسمه طافش صلاح دكتور ممتاز بمعنى الكلمة ومحترم جداااااا جداااااا جداااا المهم نرجع لحكايتنا رحت له وكشف عليا وقالي
مفتوح واحد سانتي ونص بث وربي مرررره اتحطمت دا الالم كله ومفتوح واحد ونص بس وربي خرجت ابكي بعدين رحنا انا وزوجي عند اهلي وقعدت عندهم وهوا راح والالم كل ماله يزيد وكل شويه اقول لماما حموت من الالم وشربتني مغلي كمون وطول الوقت اكل تمر على الساعه 11 مارضيت اكل ولا شي لاني حسيت نفسي حولد
وادا اكلت وجاتني ولاده ماراح يعطوني بنج وانا اتقطع الم وماما واختي يسوو التوزيعات حقتي بسرعه بسرعه هههههههه لانو ماخلصتها مااتوقعت ولادة حتجيني وصبرت الين الساعه 2 الليل مررررره ماقدرت استحمل خلاص سرت ابكي من الالم وشربتني ماما زهورات امكن محد يعرفها بس هيا مخلط بابونج وياناسون ودي الاشياء
بصراحه بعد مااخدتها خدرتني يعني ريحت اعصابي بس الطلق موجود وبعدين ماما كلمت عمتي تسئلها كيف اسوي اوديها او لا ماما ماكانت عارفه تسوي لانو كلنا جابتنا قيصري وماتعرف الطلق ودا الكلام قالتلها عمتي حطي لها فكس وادا ماقدرت تستحمل على طول وديها المسشتفى وحطيت الفكس وادا انتي شاطره اقعدي
وه ياويلي على المغص تحسي نسمك يروح وبيغمى عليك بس كلو باجر ان شاء الله وكلمت زوجي وقالي مسافة الطريق بس وعلى بال ماهوا بيجي سرت امشي وادعي امشي واقرا الزلزله و سوره مريم وادعيه واستغفر الين ماجا زوجي ورحنا المستشفى
واول مادخلت دخلوني انتظار الولاده وحطو عليا التخطيط تبع القلب وتخطيط الطلق وقالولي في طلق بس مو حق ولاده لسى وانا سرت ابكي مره تعبت بعدها بساعه جات كشفت عليا وحده سوريا قمة اخلاق والله تتاكل اكل ماشاء الله عليها مررررره لزيزه كشفت عليا اقلها ها بشري تقلي مفتوح من 4 الى 5 هانت وانا اقول جا الفرج
ان شاء الله قرب الفررج وسرت اقلهم بس ابغى مسكن قالولي دحين ننقلك على على غررفة الولاده ونعطيكي كل الي تبغيه وجاتني ممرضة صغيره هنديه تجنن كتكوته واقلها اديني مسكن وتمسح على راسي وتقلي كل شي انتي تبغي انا يديكي بس ابغى احط في يد انتي مغدي
قلت لها اوكي وماما كانت تصلي وتدعيلي ربي يسعدها والممرضة حطت لي المغدي ونقلوني غرفة الولاده قلت لهم ابغى امشي ومشيت ربع ساعه قلت لهم معد اقدر امشي خلاااااااص
وودوني الغرفه وربي جاني خوف ههههههههه لمن دخلتها اقولهم بطلت ماابغى اولد وانسدحت فوق السرير واول ماانسدحت اعطوني الكمامه قالولي كل ماتحسي بالم اشفطي وبيخف ان شاء الله والله على طول حطيتها فيني ومافكيتها واحس نفسي مدروخه
وقلت لهم شيلوها ابغى مسكن خلاص اعطوني ابره مسكنه بالعضل وابره تانيه بالممغدي واقلهم كدابين دي مو مسكنه ماحست الالم راح يقولولي شويه وبتحسي وجات السوريه كشفت قالتلي من 6ن و الى 7 مفتوح وفتحت ليا موية الراس واتصلو على الدكتورر يجي علشان خلاص حولد دا الكلام الساعه 6 او 7 الصباح ماافتكر

وانا خلاص حموت من الام وبس سرت انام من المسكن واصحى على الطلقه وبس اقول يارب رحمتك واسعه ارحمني ودخل زوجي عندي وشافني اضغط على يد ماما واقول يارب رحمتك حبيبي انا اول مادخل وشفته اقله انا محتاجتك لاتروح وتسيبني وابكي وهوا معايا يبكي واقله مااقدر استحمل وهوا يقلي لا انتي تقدري لاتقولي كدا
تقدري تستحملي انتي اقوى من كدا ربي يهونها انتي بس ادعي وصار هوا وماما يبكو وانا ابكي واتعصر الم وبعدها بنص ساعه بدا مفعول المسكن من جد وجا الدكتور وصح افتكرت ثيل مااخد المسكن جا دكتور التخدير وقالي اكلتي شي قلت لها لا مااكلت ولاشربت وانا كدابه شربت مويه واكلت تمر قبل دا الكلام ب 3 ساعات قلي طيب وحسيت
انو ماراح يخدرني وهوا عندي سبحان الله من الكمامه دخت ورجعت الله يكرمكم كل الي ببطني وقالي كدا اوكي حديكي مخدر المهم لمن جا الدكتور قال ولاده خلاص
وركبو لي تبع الرجول ولبسوني زي الشراريب الين حوضي برجلي الاثنين مرررررره عجبتني لانها مابينت رجولي وفخدي وزي كدا المهم بديت احس انو شي بيدفع وانا سرت انام واصحى على الدفع
واعطاني ابره موضعيه ماحسيت فيها لانو مخدره من الابره المسكنه ودكتور التخدير واقف فوق راسي ومدخل الابره بالمغدي يستنى الدكتور يعطيه اشاره ويفرغ الابره في المغذي وقبل مايطلع الراس قله يلا خدر وخدرني شويه بس وقلي ادفعي ودفعت وقلها يلا خلاص خدر تاني وفرغ الابره كلها وانا بعدها نمممممممممممممممممممممممممممممممممممممت م
ماادري عن الدنيا وماما طلعت لزوجي تبكي مرره وهوا يقول صار لها شي لاتفجعيني تقله لالا ولدت الحمد لله وصار يقول يارب لك الحمد ويحضن بماما ويبكو الاثنين ورجعت ماما غرفة العمليات ومعاها زوجي وانا نايمه ولسى الدكتور ماخيطني وقلت له قبل ماالولد ابغى تجميلي
والحمد لله سوالي تجميلي وماصحيت ياحبيباتي الا بعد ساعه من الولاده وانا مرره متخدره ويحطو النونو في صدري وانا ماني حاسة بشي ويقولولي جبتي بنوته وانا احس صوتهم زي الصدا واشوفهم ناس كبااااااار واحس نفسي كاني بصدفه في البحر
وبث الحمد لله تمت ولادتي على خير

معليش مرررره طولت عليكم بالكلام بس لانو في بنات كثير قالولي نبغى بالتفصيل لانهم بيولدو بنفس المستشفى
والله يابنات المستشفى قمة في التعامل من ناحيه الدكاتره والممرضات مررررره لزيزين وانا دكتوري اعطاني ابره مخدره ومسكنه بس مااعرف الكل كدا او لا
وولدت عندهم على حساب التامين بس الدكتور اخد بيده 3500 غير عن حساب المستشفى هوا حسابه خارجي

ونصيحه كلو تمر طول الشهر التاسع ولااسمع صوت وحده فيكم وهيا تصرخ لانها حتتعب على الفاضي والولاده تساهيل بس انتو ادعو وربي يسهلها عليكم يارب