قصة ولادتي بــ ميار عمري

في يوم السبت51 رحت المستشفى بتطمن على وضع الطفله لانها كانت بالعرض
سوو تخطيط وكان معايا طلق بس الرحم مسكر
قالت رووحي واذانزل معاكي شيء تعالي
رحت البيت ومر الاحدوشربت خرووع على المغرب وما ابتدى مفعوله الا الساعه 12 اليل
ومن هنا ابتدئت
مانومت كوويس كنسلت المحاضرات وماداومت وطول الليل وانا رايحه
جايه على الحمام
رحت الصباح عند ماما وحسيت بالالام ولفيت نفسي بالبطانيه ونمت
على الساعه 12<<(مدري اش حكايتي مع الرقم دا)
نزل مويا
بسيطه طنشت الموضوع وصليت الظهر وحسيت شيء نزل
الا الاقي دم هنا عنوني احوولت بدا الجد
قلت يمكن يتهيئا لي ونزل مره تانيه وتالته
قلت لماما قالت كلمي زوجك يجيب اغراض المستشفى خلاص عندك ولاده ان شالله
لما قلت لزوجي حسيته بيطير من الفرحه
جا من الدوام واتغدينا عند اهلي ووقف الدم
ماما شافت زوجي تعبان من الدوام قالت روحي بيتك وخلي زوجك ينام
واول مايقوى الالم او ينزل شيء صحيه عشان اوديك المستشفى حاسه انو عندك ولاده ولازم يكون نايم كويس
رحت بيتي ونام سي السيد
واناحاسه بطلق بس على خفيف
قمت اقربع بالبيت وانظف وامسح الين الساعه 5 العصر
خلاص ماقدرت صحيت زوجي ورحت لماما قالت اطلعي اشربي شاي وبعدها نرووح
طلعنا وبعد صلاة المغرب رحت المستشفى ومشيت نص ساعه
ولما وصلت المستشفى قلت لها على الدم والمويا قلت ممكن تكون افرازات
لانو الرحم مقفل رووحي امشي ساعتين وتعالي
ورحت لهم قالو 1ونص سم
ياربي كل هالالم وبس واحد ونص
قالت لي
روحي بيتكم ارتاحي واذا زاد الدم ونزل مويا تعالي
رحت البيت وشربت حلبه وحطيت بمنديل مره وحلتيته
ولما جات الساعه 11 ونص رحت امشي ويادوب مشيت نص ساعه واشم في
الحلتيته والطلق احتمى ماقدرت اوووقف واكمل
شالني زوجي في السياره وطيران على المستشفى
ولما قالت لي بفحص من تحت قمت انزل في الملابس كاني هايدي متلبسه عن البرد هههههههههه كاني بطريق
وقاست قالت ولاده 4 سم ماشالله
وطلعت فووق مافي اسره فاضيه بغرفة الملاحظه ودخلوني الكشك على طوول
وماما ياقلبي راحت تسووي الاوراق وماتدري فين دخلووني ولما قالولها كشك الولاده وهيا تجلس تبكي
وانا اتالم بس بصوت واطي <<<شاطره سمعت نصيحة البنات لما يقولوا لاتجهدي نفسك بالصراخ
وشووي جات واعطتني كمام وبدت تسحب دم مالقيت وريد كل دمي نشف من الالم ولاحظو ماقلت خووف لانو والله مو خايفه
بس ابغى اخلص
قلتلها برووح الحمام قالت لحظه اسويلك حنقه شرجيه وانا اقولها ابره لااااااا امانه الا الابره قامت تضحك يارب يسعدها
ويشرحلها صدرها تقول يعني مو خايفه من الولاده خايفه من الابره
المهم حطتها وكانت قمة في الوناسه روووووووعه الجزء اللي تحت سار باااااااااارد
ولما رجعت من الحمام اعطتني الكمام قالت لما تحسي بالطلق حطي الكمام
قلتلها طيب هادا حق ايش قالت حق تنفس الطفل واذا قطعتيه بيتعب طفلك<<صدقت على نياتي
جلست اتالم بالكشك ساعه والرحم نفسه 4 سم ورجعت وانتو بكرامه واقولها مين بيمسحه قعدت تضحك الدكتوره السعوديه تقول اكيد
مو انتي
ولما فضيت غرفه بالملاحظه نقلوني لها واول ماشفت ماما قمت بالروووب الختيييير اللي كان يكشف اكثر مما يخفي
وابكي اقولها بروووح البيت خلاص ما ابغى اولد ياماما انا تعبت <<<وانا والله جيعانه ما اكلت شيء من يوم الاحد
ونوموني على السرير واحتمى الطلق وشفت الموت بعيوووني من الالم يسالوني يقولولي اش تحسي فيه اقول ما ادري
احس اني ما ادري <<<<والله الاحساس ماينوصف
قاست الرحم قالت ماشاء الله 6 سم
وكل ماله يزيد الالم وانادي على الممرضه الله يسعدها كمان قلتلها برجع قالت رجعي خدي راحت على الاخر رجعي واذا عندك شيء تاني سويه
وكل مابين دقيقه والتانيه يزيد الالم وكل مافك حطيت الكمام ورحت بعالم تاني شكيت بالموضوع<<<شغلت مخي
قلتلها هادا ليش قالت هادا عشان البيبي قلتلها طيب مافيه هوء كثير زووديه قالت لاهوا يزيد من نفسه
وتقطع علينا الحديث طلقه واااااااااه منها
وياقلبي على ماما كل شووي وهيا
عندي تقرى عليا واقولها خلاص يا امي انسي اجيبلكم تاني انا تعبت
قالت مو مشكله بس اول مايجيك الالم قوولي يارب هونها
ولما قاست الممرضه قالت 7 سم ماشالله
وانا ماغير اشمشم في الحلتيته والاكسجين
وجات دكتوره مصريه اول ماشافت شكلي قالت اش هادي مرره صغيره انتي اش بتجيبي اذا هادا حجمك
وقاست الرحم وفكت مويا الجنين وحسيت براااااااااااااحه
وبدا الالم الدفع ولا ارادي حسيت نفسي ابغى اسوويها
وحست من قدام ومن ورا
ودمعت عيوني قلتلها حوست الدنيا انفجعت قالت ايش طيب يالله اكشفي اكيد ولاده
ولما كشفت على دخلت ماما الغرفه وهيا تقوولي ولاده ولاده يالله قوومي وانا اقوووم
واقربع لهم جهاز التخطيط<<<مستعجله
وهيا تضحك عليا وتقول اهم شيء لاتنسيني من الدعاء
ودخلوني الكشك وماما توصي الدكتوره السعوديه اللي كانت معايا
بالاول وتقول امانه معاك امانه تصبرينها وتقري عليها
وقامت ماما توصيني لاتصارخي ولاتبكي
ولما انسدحت على السرير ويجي الالم وجات دالمصريه وواقفه تطالع
والدكتوره السعوديه تشتغل ومسكت رجولي ووجلست تعلمني اش اسووي واتقول اهم شيء لاتصارخي
وانا ادب ماصرخت غير مره وحده وبعدين سكتت
وجات الطلقه الاولى وانقطع نفسي وخربتوجات الطلقه الثانيه وبرضوا راح نفسي
ولما جات الطلقه الثالثه وانا اشفط نفس
والسعوديه تقوولي اعملي زحيييير <<كان ودي اضحك بس لا الوضع ولا النفسيه تاهل
هاذا كله والدكتوره المصريه واقفه تطالع والسعوديه تضغط على بطني
ويشجعووني كلها ايوا شاطره خلاص شفنا الراس خلاص يالله يالله بقوة لاتقطع
النفس ولاتصارخي وانا ولله الحمد ماصارخت الا مره بس كنت اجرب صووتي
واول ماطلع الرس لسى الجسم جوا بس حسيت ان الراس نزل وانا اقوول للسعوديه
امانه رووحي لماما وقوليلها تقوول اصبري اكمل لك ولما طلعت وانا ارفع راسي لهم واقوولهم هاتوها ليا بحظنها
والاندنوسيا اخدتها ومارضيت تجيبها ليا
وجلست ادعي للدكتوره السعوديه
وكانت ولادتي الساعه 3:23صباح الثلاثاء 81
حطت ابره بالمحلول تقول عشان المشيمه تطلع
وتركوني 10 دقايق وجو نزلو المشيمه ولاده تاااااااانيه اها منها
وبعد كدا جات الخياطه جا الموووت جا الالم
والم موطبيعي لما جات الخياطه الخارجيه
وكل ما اتالم تقول الدكتوره السعوديه
طالعي في بنتك وادعي لهاوانا اطالع فيها
واقولهم طيب جيبوها ليا
بس ماجابوهاانتهيت حمدلله من كل شيء وجلست
ساعتين بالكشك اطالع بنتي جنبي وبعدها طلعوني فوووق
وطبعا فووق عاملات النظافه الله ياخدهم مايمشوا الا بالفلوس
وحمدلله يارب طلعت من المستشفى بخير وصحه
واكتشفت بعد كدا انو الكمام كان مخدر<<<صباح الخيرات
طبعا انا ولدت بمستشفى الولاده بالمدينه
بس حمدلله ربي سخرلي بنتين سعوديات قمة في الاخلاق والتعامل

وربي يهون على الجميع ان شالله