عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته .. كيفكم ياحوامل انشاءالله طيبين .. انا وعدتكم اني اكتبلكم قصة ولادتي اللي جات عكس ماتوقعت بالمررررررررررررررة والحمدلله عدت على خير ..
بداية القصة انو كانت عندي مراجعه يوم السبت 7-8-2010 عند الدكتورة فاطمه النمر في الاطباء المتحدون وقالتلي انو انا عديت التاسع واربعة ايام وماجاتني اي بوادر ولادة عملتلي فحص نسائي وكان اول مره اعمله وااااااااااااااااه يألم مرررره وقالتلي اجيها بعد يومين طبعا خلصت ورحت البيت عالظهر وكنت مواصله ماجاني نوم الليلة الي قبلها بس اتقلب كني حاسة اني باولد سبحان الله واول ماوصلت بيتي قلت لزوجي باروح انام الا وانا واقفه تجي ذيك الموية الي تنزل مني وانا انفجعت وعلى طول دقيت على ماما وقالتلي لو نزل منك ثاني وبكميات كبيرة روحي المستشفى قلت طيب قمت اصلي الظهر الا وانا اصلي تنزل المويه وانا انسدح عالسرير تنزل المويه وشويه نزل معاها دم انا هنا انفجعت مره وقالتلي ماما روحي المستشفى خلاص قمت اخدت شاور دافئ والمويه والدم مو راضي يوقف مني وتواعدت مع اهلي نتقابل في المستشفى ولمن رحت هناك دخلت عالطوارئ وكشفت عليا دكتورة هناك دخلت شي طويل مره يوجع على اساس تبغى تشوف طبيعة المويه وقالتلي هذي موية الراس وقالتلي خلاص لازم تجلسي في المستشفى عشان المويه مو راضيه توقف وانا مو حاسه لا بطلق ولا بالم ولا باي شي ماشءالله وودوني على غرفة الولادة وحطولي التخطيط واعطوني الملين وجلسو يستنو الطلق وهذا كان تقريبا العصر وجلست استنى العصر المغرب العشاء الليل ومافي اي اثر للطلق والرحم بس فتح واحد سنتي وكل شويه وحده تكشف عليا وانا اتأألم وجو قالولي خلاص لازم طلق صناعي وانا رااافضه وطول الليل وانا استخير ربي وخلاص اعصابي توترت لمن جات الساعه خمسة الفجر يوم الاحد 8-8-2010 قررت اني اعمل الطلق الصناعي لعل وعسى يفتح الرحم وقلت باتحمل الالام وعطوني التحميلة الساعه 6 الصباح وقالولي بتجلس 6 ساعات وخلاص بدأت الالام واااااااااااااااااااه كنت باموت ومعايا كمان كمامة الاكسجين وكل مااشم ابدا اهلوس وادخل عالم ثاني لمن خلاااص الالام صارت قووووووية مره عطوني مخدر ونمت وماصحيت الا عالساعه 12 الظهر على صوت الدكتورة تقول انو الرحم مو راضي يفتح ورجع قفل بعد ماكان فاتح واحد سنتي بــــس وقالتلي الجنين بدأ يتعب والمويه بدأت تقل ولازم عمليـــــة خلاص انا سمعت الجنين تعبان خلاص صرت ابكي واقولهم ايوه ابغى عملية وماما صارت تبكي مسكينه تخاف من العمليات وماقد جربتها اساسا وخلاص صرت اقول لها ابغى عمليه بسرعه كنت مره خايفه عالبيبي واخدوني على غرفة العمليات واعطوني كمامة ودخلت في غيبوبة ماصحيت منها الا بعد ماصحتني الممرضة تقولي مدااام انتا في جيب بيبي خلاااص هههه طبعا حسيت كانه حلم وجات ماما واخويا يطلبو يبغو يشوفوني وطلعوني لهم وقالتلي ماما مبروووك جبتي نونو زي القمر وشويه زوجي جا يوريني صورته حبيبي كنت طبعا دايخه من البنج والحمدلله على كل حال عن جد ماكنت متوقعه هذي الاحداث تصير معايا كنت متوقعه اولد طبيعي عادي زي ماما ومااحتاج لا طلق صناعي ولا عملية وكل شي صار فجأة ومااقول غير ياااارب لك الحمد على نعمة الصحة والعافيه لي ولطفلي والله يوعدكم بولادة سهلة وميسرة واطفال اصحاء …………..
