عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
وطبعا فهذي الفترة انا جالسة اسمع صوت رنان >>صوت وحده جالسه تطلق ((رحمتها:ق1
قالو لي بنعطيك مسكن .. انا قالو لي مسكن ونشبت لهم ابغى مسكن وين المسكن جيبو المسكن ومن الالم جلست اطلع حرتي بالافريقية اللي عندي هي تخفف الالم وتلمس ظهري وانا اصييييح شوي تهدي علي وتمسج فخذي ويدها الثانية فيدي فمن زود الالم قمت ولويت اصبعها >>>ههههههههههه
وانا اقولها لا مو على فخذي ارجعي لظهري وجيبي المسكن قالت استني تجي الدكتورة وتكتب لك المسكن .. وجلست احتري واحتري وكل شوي يكشفون يقولون 6سانتي 8سانتي بعدين يقولون 5 سانتي >>>ااااااااااخ تعبت نفسيا وبغى يغمى علي >>>بديت ادوخ
عاد جابو منديل فيه مويه وحطوه على وجهي >>>ينقال لها بصحصح
الى ان جأ الفرج وجأ المسكن عطوني الابره واحس بعدها ارتحت شوي بس طبعا الالم يروح ويرجع وان رجع قالو لي اخذي نفس وعلى هالحال الى ان فتحت لي الدكتورة موية الراس
وبدا يزيد ويزيد وبعد لعبو باعصابي يقولون لي توك 7 سانتي بعدين يقولون 9 سانتي..
ويوم جت الساعه 5 بدا الالم يزيد والجهاز اللي عندي قام يطلع اصوات
تقولي لازم تتبولين >>وانتو بكرامة
وانا ماني قادرة اسوي شي عاد سوت لي قصطرة وبعدها قالت لي اذا حسيتي كأنه بتتبرزين قولي لي >>>وانتو بكرامه
الساعه 5 وربع كشفت علي ولقته مفتوح 10 سانتي بعدها حسيت باللي قالت عنه قلت لها برااااااااااز براااااااااااز والله العظيم >>>الا هو بيطلع
وطلع حمودي الساعه 5,25 دقيقة
وسمعت صياحه بس انبهت على رجلينه ان فيهم ميلان فقلت بنفسي يمكن علشان توه طالع ..
جلست شوي الى الساعه 6 بعدين جابته لي وقالت لي رضعيه
رضعته
والساعه 7 ونص رقوني للغرفة الى اهلي يستنوني هناك
جلست سوي الا امي شافت حمودي وقالت وش فيه رجلينه كذا .. سكتت انا .. وقالت لي اسأليهم بكره ..
من بعدها ماقدرت انام جلست افكر فرجلينهم وش فيهم
..
يوم الجمعه..
جاني د.الاطفال الساعه 6 الصباح وقالي انه البيبي هذي وضعيته من يوم كان فبطنك ويمكن يحتاج لجبس او احذيه ترجع رجوله طبيعيه
احس اني ماقتعنت من كلامه وحولوني على د.العظام علشان يشوفه ..
طلعت من المستشفى يوم الجمعه المغرب ومن بعدها وانا بحاله مايعلم فيها الا الله
افكر بحمودي .. وشلون بيكبر وهو على هالوضعية
الحمدلله على كل حال وقدر الله وماشاء فعل .. شي اهون من شي
رحت امس المستشفى وقالي انه يحتاج لجبس من 6 الى 8 جلسات بعدها يلبسونه احذيه بعدها يعطونه جهاز
وانشاالله نسبة النجاح من 80 الى 90%
بس مدري ليش ضايق صدري احس انه ضاق من بعد ماقالي انه تشوه خلقي
اكيد الكل بيقول ليش تفكرين مدام انه الحمدلله
بس الوضع يتعب الكل جالس يلومني انا وبس
مارتحتي وماريحتيه
وترضعين ولدك طول التسع شهور اللي انتي حامل فيها
وكل يوم وانا اصيح من كلامهم ويزيد علي لما اشوف رجلينه
الحمدلله ربي قدر ولااعتراض على امره
الله يكون بالعون وتكفوووووووون يابنات ادعوله
………………….
وهذي قصتي مع حمودي ….
اختكم .. وكأنني لم أكن
