قصة ولادتي ببنوتي

كيفكم فراشات ؟؟

اليوم بحكي لكم قصه ولادتي بسدوم حبيبه مامتها

كان عندي موعد عند الدكتوره يوم السبت18رمضان وسوت اشعه وقالت مويه الجنين ناقصه وانا في نهايه التاسع وقالت إذا ماولدتي خلال يومين راح نولدك وعطتني موعد تنويم يوم الاثنين20رمضان رجعت البيت ومافيه اي بوادر ولاده بس الالام بسيطه من بدايه التاسع تجي وتروح يوم الاثنين اتصلت على المستشفى الساعه تسعه اسال فيه سرير ردعلي واحد قال لا مافيه رجعت تمددت وماجاني نوم حدي غفوات الساعه 11:30اتصل المستشفى اول ماتحرك من السرير نزل علي افرازات معها دم رحت رديت قالوا تجين الحين رحت صحيت زوجي وافطرت ولبست كنت باخذ ولدي عمره ثلاث سنوات وثمانيه شهور بس زوجي قال ماراح يصحى الا الساعه3وبرجع اخذه اوديه لاهلك مادري اشلون طاوعني قلبي اتركه<<< لااحد يلومني جاني برود..:P
حركنا للمستشفى الساعه 12:30
دخلت الغرفه الساعه1:15وراح زوجي للبيت واتصل علي يقول لقيت الولد صاحي بس جالس يلعب<<< الحمدلله ماتروع…
جاني دكتور وجلس يسأل كم سؤال وانا كان معاي طلق بس مو منتظم الساعه اربع جات دكتوره وكشفت وقالت مفتوح2سم وحطت تحميله طلق ليش ماادري رغم اني معي طلق وراحت وزاد الالم بس مومنتظم وانا صابره حتى الممرضه تشوف الجهاز وتقول فيه الام قوي انتي قويه<<< انتفخ راسها
جت الدكتوره الساعه11وكشفت قالت2سم ماراح اعطيك تحميله لان طلقك قوي بتوسع الرحم ودخلت يدها مره ثانيه ياهو الم جتني الصيحه وتجلس تهدي فيني وتقول بتجي الساعه3تكشف مره ثانيه اذا ماانفتح بتعطيني تحميله ثانيه
جاني زوجي الساعه11:30وجلس الى الساعه12وخفف عني وبعد ماطلع جتني الممرضه وقالت نبض الجنين فيه مشكله والدكتوره تقول لازم تسوي كشف عاد انا وقتها ابي الحمام وقلتلها قالت لا سوي حمام هنا عاد انا وجهي الوان وتجيب علبه واسويها وبعدها كشفت عاد يدها كبيره بس كانت خفيفه وقالت مفتوح4سم يالله غرفه الولاده اول مادخلت عطتني لبس ودخلت الحمام وغيرت كانت الساعه وحده والساعه وحده ونص جاء دكتور وعلى طول جاء بيكشف قلت ابي ابره ظهر قال اوك بس اول بنفتح المويه لان حركه الجنين فيها مشكله يمكن تبرز ودخل يده وفتح المويه وبعدها راح والطلق كل ماله يزيد وإذاجت الطلقه استغفر وادعي واركز في الدعاء والصلاة على الرسول وانسى الطلقه ؛ ودخل طبيب التخدير وعطاني ابره الظهر كانت الساعه ثنتين ونص والحمد لله بعدها ماحسيت باي الم والممرضه كل شوي تجيب كيس ثلج وتحطه على رجولي وتسال تحسين ببروده اقول لا وتحطه على بطني وتسأل واقول لامااحس وتحطه على صدري وتسأل واقول ايوه وتقول كويس لانه إذا جاء على الصدر بيوصل للرئه وفيه خطوره

الساعه اربع ونص جت دكتوره وكشفت قالت اربع ونص إلى خمسه عاد انا وجهي كذا:P…. معقوله من الساعه وحده مافتح الا واحد سنتي
وراحت قالت الممرضه مدام نامي قالت متى الولاده قالت الصباح وانا اللي احط راسي وانام غفوات بس <<<< ماكنت احس باي الم
والساعه سته شفت الممرضه تحط كيس مغذي وسالتها قالت هذا طلق صناعي والساعه سبعه قالت مدام انا فيه روح خلص دوام وجوني ممرضتين وهنا بديت احس بالالم وكل شوي يزيد بس اخف من الم الطلق واقول للممرضه فيه الم تقولي هذا بيبي بيطلع وتسأل فيه يسوي سوا سوا براز اقول لا الساعه ثمانيه بديت احس بالدفع واقول للممرضه فيه دفع تقول سوا سوا براز اقول ايوه تقول خلاص قرب ولاده والدفع كل ماله يزيد الساعه ثمانيه وثلث رفعو رجولي وقالت يالله إذا جاء الم ادفعي وإذا راح استرحي ودفعت مرتين وماكان عندي الا ممرضه وحده وشوي جت الدكتوره ومعها ممرضات وادفع ويشجعون فيني يابطله والساعه8:38
دفعت وشرفت عروستي سديم وشفتها يوم اطلعت وهي تصيح مشهد حلو نسيت كل الحمل وتعبه وقصت الدكتوره الحبل واخذتها الممرضه ونظفتها وانا بدت الدكتور تخيط ولماخلصت عطوني بنتي وقالوا رضعيها ياربي لك الحمد