عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم عليكم ورحمه الله
اليووم جايبه قصة ولآدتــي ببنوتتي 
برمضآن
الله يحفظها ويخليها لي ولابوها
كتبتها بالتفصيل لاني كنت احب القصص وانا حامل 😆 idea:
قبل الولادة بايام
* الآربعآء رحت مستوصف ابي اتطمن على النونو
الا وقالت انتي مطووفه لازم السبت تروحين لدكتورتكـ تعطيك طلق صناعي وبغت تكشف مارضيت طلعت من عندها رحت امشي على البحر مشيت مشيت الين تعبت
ورحت لاهلي الا امي الله يطول في عمرها سوت لي بلح طبخته وصفته واعطتني اشربه شربته اذن الفجر رجعت بيتي نمت ومافي اي بوادر
** الخميس الا صاحب زوجي دق وقال نبي نطلع سوا للمجمع قلت فرصه نمشي وطلعت انا وزوجته ومشيت في سوق الاندلس طبعا تسوقنا وتقضينا ولفيت المجمع لف مارجعنا الا الفجر
ومن كثر مامشيت ذا اليوم زوجي يقول اكيد اليوم تولدين
ورجعت بيتي وبرضو مافي ولاده ولا وجع الا ظهري خفيف لاني اراقب الالم يختفي سبحان الله
*** الجمعه رحت افطرت عند اهلي وكثرت بالتمر والرطب
وطلعنا بعد التراويح مع امي وخواتي للمجمع يتقضو للعيد وانا مرافقه معهم ومارجعنا الا 3 وبرضو ظهري بس واضن انه من المشي
ورجعت بيتي وشربت حليب وشووي قرفه
وجلست اعمل تمرين القرفصاء
وشربت عصير مع نص ملعقه صغيييره خروع
طبعا ماطعمت بالخروع خووافه وماسوا شي
طبعا كان عندي موعد الساعه 10 ورحت مواصله
دخلت الا قالت مطوفه لكي اسبوع لازم نكشف وكشفت قالت يالله ولاده 4 سم ماشاء الله
وحاولت فيها قلت بجيكم بالعصر ابي اريح واناام تعبانه مارضت تقول مسوليه
كلمت زوجي انبسط يقول واخيرا
وجاء عمل اوراق الدخول وطلعت قسم الولاده يخوووف بصراحه صيااااح وونين 😆 🙂
حطو التخطيط على بطني الساعه 1 ونص
ومافي طلق
الاخفيف
وجاءت الدكتوره قالت امشي انتي بعد وحده
وقمت امشي الا اسمع هذه تصيح وتقولها دفي دفي ويشجعونها الا سمعت صوت نونتها قلت جاء دوري 💡
طبعا جلست امشي واستغفر الساعه 4 العصر
نادتيني قلت ماابي ماكو اي الم
قالت بسرعه يالله علشان شووي وفي ولاده
وقامت قاست قالت 5 سم
واروح وانسدح الا الممرضه تجهز العده تخووف بصراحه 
وركبت المغذي وقالت تبين كماام وجابته لي
وضربتني ابره بالمغذي طلق صناعي
وتبدا مرحله الالم الحمدلله على كل حآل
الالم يروح ويجي وزادتني جرعه وفكت مويه الجنين بحديده مثل المصااص جلست اصيح يوم شفتها وجهاز التخطيط بوقت الالم مزعج مايمديني اتلوى واصيح اقول فكيه مارضت قلت طيب ماابي اولد خلاص لانهم عذبوني هي تفتح برجولي وانا قابضتها من الالم
والساعه 6 الا قلت ابي الحماآم قالت يالله هنا ادفعي ودفعت ودفعت الي
تعبت وشرفت احلى بنوته وارفع راسي اشووف البنوته خخخخخخخ فديتها تدنن
ونظفت بطني ونزلت المشيمه
وقامت خيطتني الله يسامحها كبرت الشق
وقامت السستر خذتني ونزلتني على غرفة التنوويم
ّّّللفائدهـ….!!
~~الطلق الصناعي ابد مايخووف مثله مثل الطبيعي الصناعي احلى لانه اسرع
~~ المشي زين انا من نهاية الثامن وانا امشي مشي الله لايوريكم
مترت مجمعات جده
واكل رطب
~~ اهم شي خليك كتوومه لاتصيحين خذي نفس عميق يخف الالم
~~ انا ماعلمت احد ابداا غير زوجي الي يدري
امي دقت علي كم مره مارديت وتفتكر اني نايمه لاني مااصحى الا المغرب
ويوم ولدت كلمت امي وماصدقت تو الفجر عندهم
ومن فرحتها جلست تصيح يالبى قلبها
الله يشفيها ويخليها لي
ماحبيت اني اشغلهم ويجلسو يقلقوو
صح تعبت تعب بعد الولاده لانه عندي فقر دم بس يوم اشوف بنوتتي انسى الالم والتعب
الله يكتب لنا الاجر
والله يسهل لكل حامـــل الولاده ويرزق كل محرووومه الذريه الصالحهـ يارب
