قصة ولادتي باحلى كتكوته

السلام عليكم جميعاً:
حبيباتي ابشركم من الله علي ببنوته حلوه حبيت تشاوكوني فرحتي وبحكي لكم قصة ولادتي عسى الله يسهل على كل حامل.
رحت المستشفى وانا بيني وبينكم مافيني الا العافيه مجود الام متكرره معاي من فتره بس طفشششششت قلت بروح واقول فيني اللم والي يصير يصير المهم رحت انا وابو الشباب في السياره ماغير اضحك واسولف واهو يقول والله وجهك مو وجه ولاده تعشينا و رحت الطوارئ قالت لي الرحم مفتوح 1 سم ياسلام احلى خبر اخيرا بتنفك البقشه بس الموضع صار جدي لما سوت لي تخطيط و عطتني اوكسجين حسيت السالفه فيها ان ولما سالت السيستر قالت حركة بيبي مافي ميه ميه قلت يالله سترك طمنتني الدكتوره بس قالت بدخلك تنويم احسن رفضت طبعا قلت بطلع واذا جاني شي زياده رجعت قالت اجل وقعي و خروجك ع مسؤليتك استشرت الوالده قالت اقعدي لا تضرين نفسك وجنينك قلت للدكتوره اذا افضل اجلس عادي بجلس قالت احسن لك اجلسي دخلوني تنوين وانا في بالي ان الموضوع ماراح ياخذ الا ساعات واجلس لكم عندهم يومين كامله والرحم يستهبل ماانفتخ غير 2 سم واخيرا تكرم و انفتح 4 سم نزلوني غرفة الولاده وانا بصراحه خاااايفه احس اني في ثلاجة موتى صدق والله ماادري ليه جاني هالاحساس وتعبت يابنات من الطلق والرحم مازال معاند وتكرم وانفتح 5 بعدين تراجع للاربعه عطوني طلق صناعي وشفت الموت و3 ساعات وانا اتعصر من اللام ولا فيه اي تقدم وكنت بس ادعي ربي واقرأ واستغفر حتى جا الاستشاري وفحصني قال مافيه اي علامة على ان الطفل نازل للحوض عمليه فورا وفعلا سويت عمليه ببنج موضعي والحمد لله تكللت بالنجاح اخصائية التخدير رووعه بس تدعي وتهديني الاستشاري برضوه ممتاز شغله نظيف وسوالي تجميلي .وسبحان الله انا كنت اصلا بولادتي السابقه عايشه نفس الاحداث يعني تكرر الموضوع وانا كنت قايله للدكتور لكن قال لازم نعطيك كل الفرص للولاده الطبيعية الحمد لله الله كاتب كل شي وتوته توته خلصت الحدوته.