قصة ولادتي بأحلـــــ جنى ــــى ,,

كيفكم كروشات ؟؟

بطب في القصة على طوووول ..

قمت يوم السبت الظهر متأخر واحس بخمووول في جسمي مب طبيعي واحس بشعور غريب
قلت لابو الشباب يجيب الغدا من برا وبعد ماتغديت رحت اغسل يدي واحس بشي مثل فقاعات المويه

تنزل معي خفت انها تكون ولادة <<<لاني خااااايفة من شي اسمه ولادة
وتقلب وجهي وقال رجلي وش فيك قلت لا لا طبيعي واروح ادق على اختي وتقولي اذا استمر روحي للدكتورة
واستمر ينزل مثل الدورة لدرجة اني كل شوي اغير الفوطة
ورحت المغرب للدكتورة وكشفت وقالت الرحم مسكر <<< وانا قمت اصيح من الكشف الله يهديها تكشف بسرعه تقول هذا يساعد الرحم ليفتح ..
وقالت لازم اسوي سونار نتطمن على مويه الجنين وسوتلي وقالت المويه موجودة وهذا مؤشر ولادة
وانا راجعه البيت بس ابي اصيح ما ابي اولد مع اني خلصت التاسع بس مرررررة خايفة <<< هذا اول طفل لي..

رجعت للبيت وما تعشيت مالي نفس.

مانمت الا الساعه 2ونص كله افكر بالولادة وكان ما معي الم بس الافرازات اللي تنزل ونزل بعد معها شي بني وشوي دم …

قمت الفجر بصلي ولقيت شويه دم (وانتم بكرامه) وماصليت رجعت للفراش ابي انوم وماجاني النوم
الى الساعه 7 وقومت رجلي للدوام وانا احس بوجع مثل الدورة خفيف

وقلت لرجلي لاتبعد خلك قريب
وكلما الوجع ويزيد واكلم اختي قالت اشربي دارسين وكلي تمر رطب وسويت اللي قالته
وشوي الا الوجع يقرب من بعض يعني كل عشر دقايق ويوم جت الساعه 9ونص وادق على رجلي

وقلتله يجي وجا الساعه 10 ورحت لمستوصف اهلي عشان اشوف الرحم مفتوح ولا لا

والافرازات صارت ثقيله يعني مثل المخاط( وانتم بكرامه ) واعذروني على الوصف

وكشفت الدكتورة وقامت تسوي حركه دائرية باصبعها جوا وانا باموت من الوجع واصيح واقولها خلااااص 😐

قالت اساعدك وانا اصيح وقالت مفتوح 3 سم روحي امشي وبعد الظهر روحي للمستشفى

وانا خلاااااااااااااص بصيييييح خااايفة من الولادة

ورحت للعثيم مول امشي فيه وكلما جاء طلق وقفت اتعصر وجلسنا نمشي الى طفو انوار السوق

يمكن الساعه 12 ونص ورحت للمستشفى ( اليمامه ) رحت للطوارئ وقلت ابي تخطيط (لان الدكتورة كاتبتلي تخطيط) وقالوا انتظار السراير مليانه …

واجلست في الانتظار من 12ونص الى 3 العصر لانهم يقدمون االي فيهم ولادة وانا طووول الوقت امشي في الانتظار ,,,,

واخيرا تجرأت وقلت فيني طلق وابي الدكتورة تكشف ومسكت دور ثاني مع اللي بيكشفون وانا طووول الوقت خايفه ما طفشت بس اشوف اللي يشيلونهم بالسراير واصيح اقول بيصيرلي مثلهم 😛

وخلاص حسيت اني بموت من الوجع واخيرا نادوا اسمي ورحت وقالت شيلي ملابسك الداخليه
كانت ممرضة متدربه سعودية كانت عسل ….

ويوم كشفت الدكتورة قالت 2 سم بنسوي تخطيط ونشوف مستوى الطلق اذا كان قوي بكتبلك تنويم والا تطلعين وتجين اذا زاد الطلق ..

وحطوالتخطيط وقالت الطلق خفيف اذا زاد ارجعي وانا اتوجع واقول وهو فيه وجع اكثر من هذا ,,,,,