قصة ولادتي بأحلــــــــى بنوووووووته بالكووون (( فطووومي ))

كيفكم ياحلوووين وكيف النونوات ؟؟ ان شاء الله بخيييير

اول حاااجه .. اشكر كل وحده ردت علي وهنتني وباركت لي بموضوعي الأول واعذرووني ماقدرت ارد على وحده وحده لانه ماشاء الله تبارك الرحمان الردود كثييير وماتوقعت اني بلاقي ردود بهالقد بس اكتشفت من ردودكم اني عزيزة وغاليه على قلبكم وصدقوووني انكم عزيزين وغالييين على قلببي واحبببببببببببببكم كلكم فديت قلوببكم وان شاء الله بحاوول ارد على وحده وحده بالمووضوع الأول

وحبيت اقووولكم انكم حشتوووووووووني مرررة مرررررررررررررررة وكان نفسي ادخل المنتدى بس مررة مافي وقت اول شي الزوار ولما ينتهي وقت الزياارة تستلمني بنووتتي الأمووورة وبعدها ولدي الغالي ولما اخلص منهم اكوون انا انتهييييت واصير تعبااانه وماأقدر ادخل

وعشاان خاطرعيووونكم راح انزل اكشن ولادتي

بسم الله نتبدي …

الحمدالله كما ينبغي لجلال وجهك وعظيم سلطااانك ربي رزقني احلى بنوووته بالكون بتااريخ 16 / 1 / 1433هـ … 12 / 12 / 2011 مـ ربي يحفظها ويحرسها ويخليها لي ولابوها ولااخوها يااااااااااااااااااااااااااارب

طبعا انا ولادتي ببكري كانت عمليه قيصرريه ومن اول ماحملت قالو لي لو ماجاكي طلق من ربي راح نحدد لك عمليه وكانت تجيني الالام فيها من الشهر الثالث والكل كان مستغرب عشان توني بداية الحمل والمفروض ماتجيني فيها الالام واستمرت الالام لحد مادخلت التااسع كل شهر تزيد والكل مو عارف سبب الالم لحد نص التااسع جاني الم فضييع فيها وماقدرت استحمل وزوجي اصر اني اروح المستشفى ونيموني على طوول وقالو لي لازم يشوفني اخصائي ولما شافني وكشف علي قالي عندك تمدد بالعمليه وهذا طبيعي وسبب الالام انه العمليه من داخل باديه تصير الطبقه خفيفه واحتمال كبيير مااتحمل الطلق ويولدوني قيصريه

وقالي انتي موعد ولادتك 12 / 1 / 1433هـ وراح نعطيك مهله 5 اياام زيااده مانقدر نغامر اكثر وانا طبعا استسلمت وطلعت من الغرفه وانا دموعي على خدي ولما رحت لغرفتي الي جنبي الله يجزاهم خيير قعدو يهدووني والحمدالله هديت ويوم الي طلعت من المستشفى حدد لي الدكتور موعد عند العيادات بتاريخ 11 / 1 / 1433هـ عشان يحدد لي موعد التنويم والعمليه

وعدت الايام والاسابيع >> خلصي علينا بس ههههههههه 😆 👿

المهم كانت نفسيتي طول هالوقت مررة مو حلووة وعلى طول زعلانه ومعصبه
لحد ما جا موعدي ودخلت العياده لقيت دكتورتي والدكتور الي اشرف علي موجود معها وكشفت علي الدكتورة لقيت الرحم مسكر وسوت لي سونار عشان نطمن على الجنين وكان كل شي كوويس الحمدالله وسالتني عن الالام الي تجيني وقلت لها لسى تجي وترووح وقالت لي خلاص يوم السبت تاريخ 15 / 1 / 1433هـ تنوويم ويوم الأحد ندخلك غرفة العمليات مانقدر نطول اكثر قلت لها طييب وسوت لي اوراق التنويم وعطتني اياها وقالت لي اذا جيتي يوم السبت اعطيها الاستقبال واهم على طول راح يصعدونك تنويم قلت لها طيب >> حسيت روحي طالبه بمدرسه وانا كل اشوي طيب وطيب ههههههههههههههههههه 😛

طلعت من العياده وعلى طوول رحت بيت اهلي اخبر امي واول مادخلت لقيتهم كالعاده حزنانين على خالي وجدتي تبكي وامي على السجاده تدعي له ولما قلت لهم حسيت كأن مويه بارده وانكبت عليهم 😎 ووجهم قلب اصفر وامي جلست تبكي وجدتي تهدي فيها وانا طلعت من الغرفه ورحت الصاله جلست وهموم الدنيا كلها فوق راسي حسيت نفسي ضااااايعه ومحد حووولي وكاني في دوامه ومو عاارفه اطلع منها 😛
وبعدها بيوم الحمدالله بديت اجهز امووري واكمل اغراضي الناقصه وانا وامي جلسنا نجهز غرفة الاستقبال وحفيت جسمي وشقرت حواجبي وطلعت السووق اشتري لتروكي ملابس شتوويه عشان البرد جا فجأه هذيك الايام

ويوم جا يوم الجمعه رحت لأهل زوجي اسلم عليهم واجلس معهم وبعدها رحت عند اهلي ونفس الشي جلست معهم اشوي وسلمت عليهم وطلعت وطبعا امي وجدتي كانو يبكون وانا معهم وحطيت تروكي عند امي عشان موعدي الصباح وضميييته من كل قلبي وبوسته وقلت له انا رايحه الطبيب اجيب النونو وقال طيب ولما طلعت من الباب سمعت صريخه يبغى يجي معي ووجع قلبي اكثثر واكثثثر بس قويت قلبي اشووي وطلعت من البيت ورحت شقتي نظفتها ورتبتها لحد ماصارت الساعه 4 الفجر وبعدها جلست على النت وكلمت بنات التجممع فديييت قلبهم وماقصروو قعدو يدعون لي من كل قلبهم ويوم جات الساعه 5 ونص استودعتهم الله ورحت اريح اشووي بس طبعا وين يجي النووم جلست افكر طوووول الووقت واتقلب على السرير يمين ويسار افكر وطبعا الوسواس عامل عمايله فيني وفجأه رن المنبه الساعه 7 وقمت ترووشت ويوم طلعت نشفت شعري بالاستشوار

وقالو لي لازم يجي احد ويتبرع بالدم وانا لما سمعت سالفة الدم وقف قلبي من الخووف وصار وجهي كذا 👿 هههههههههههههه
ولما شافتني الممرضه كذا قالت مدام مافي خووف بس هذا لازم عشان انتي يسوي عمليه لازم دم والي فهمته من السالفه انه الوحده ماتدخل غرفة العمليات الا لما يجي احد ويتبرع بالدم لبنك الدم عشان محتاجين مرررة وبعدها ارتحت
وراح زوجي وتبرع لهم بكييس دم ولما انتهى جاب لهم ورقه من قسم التحليل انه تم التبرع وقالو لنا انتظرو اشووي .. وجلست مع زوجي وانا دمووعي اربع اربع وكل ماتذكرت ترووكي ابكي اكثر واكثر وزوجي يهدي فيني واشووي نادو على اسمي واخذوني وصعدوني فوق لغرفتي وجلست ادعي واقرأ قران .. وجاو اخذو مني تحاليل كثيييرة وجاتني دكتورتي وسوت لي سونار وقالت لي وضع النونو كووويس وخيرتني قالت لي تبين البنج نصفي او كلي …؟
قلت لها وش الاحسن .. قالت لي البنج النصفي احسن واريح لك مايجيك لا كحه ولا بلغم .. اما الكلي راح يسبب لك تعب اكثثر ومنها الكتمه والكحه والبلغم وفعلا انا مجربته بترووكي مرررررررررة تتعذبت وحتى النظر يصير مو راكز مرررة اتذكر اني ارسلت رساله لزوجي ونص الكلام مو مفهوم والحروف منكوسه ههههههههههههههه

المهم قلت يادكتورة توكلي على الله واكتبي لي بنج نصفي واسالتني لو كان عندي تكسر او ربو … الخ قلت لا الحمدالله واكتبت بملفي اني طالبه بنج نصفي وقالت لي من الساعه 12 باليل صوومي عشان الصباح ندخلك غرفة العمليات
قلت لها طيب وبعدها جا وقت الزياارة وجا زوجي وجلس معي وقعدت اسولف معه واوصيه على ترووكي ولما جات الساعه 6 ونص جات امي واخوي وجلسو اشووي وبعدها مشوو وجات ام زوجي وابو زوجي وجلسوو معي لحد ماانتهت الزيارة الساعه 8 ونص ومشيوو كلهم طبعا مع كل واحد بيمشي ابكي واوصيه واهم يبكون معي حتى زوجي الي كان ماسك نفسه دمعت عيووونه ومشوو كلهم وجلست لحالي والي معي بالغرفه الله يسهل عليهم يااارب قعدو يهدون فيني مع انهم بكريات ولسى توهم بالشهر الثامن

ولما جات الساع 12 جات السستر واعطتني حبه للمعده وقالت لي ابلعيها ولا تاخذين شي بعدها يعني صوومي واخذتها وتوكلت على الله وصمت وقلت بنام لي ساعتين وبوقت المنبه عشان اصحى قبل صلاة الفجر واصلي الوتر وادعي ربي واستغفره وادعيه بتسهيل الولاده .. طبعا انسدحت واتقلب يمين ويسار يمين ويسار النوووم جافيني مو راضي يجي وجلست اقرى قرآن وفجأه حسيت اني مرررررررة تعباانه وجاني نوووم مو طبيعي وحطيت راااسي ونمت وكانت الساعه 1 ونص وماصحيت الا الساعه 4 الفجر على صوت المنبه وصحيت ورحت اتوضى واصلي الوتر وجبت لي ادعيه لتسهيل الولاده وجلست ادعي ربي واستغفره وطلعت الصدقه كلها بنية تسهيل الولاده وفجأه وانا ادعي جاتني السستر السعوديه ربي يجزاها الف خييير قالت لي لو خلصتي صلاه اضغطي الجرس عشان اجي واجهزك لغرفة العمليات قلت لها طيب وبعدها اذن الفجر وصليت ودعيت ربي وضغطت الزر عشان السستر تجي
ولما جات اعطتني ثوب العمليات مفتووح من ورى وقالت لي البسيه ولبسته وركبت لي المغذي وقالت لي نامي واذا جا وقت العمليه حطيت لك القسطرة قلت لها طيب
وبعدها انسدحت ع السرير قريت لي قرآن ونمت ولما جات الساعه 8 اتصل زوجي علي وقالي متى راح يدخلونك العمليات وسولفنا اشوي وسكر وبعدها اتصلت امي وكلمتني وقالت لي الخبر الي صدمني بس بنفس الوقت فرحت له انه خالي بينقلوونه اليوم واخييرا وقلت لها اجل يا ماما مراح اقولك اني بدخل غرفة العمليات ولا تتصلين ثانيه خلاص لاني ادري انك راح تصيرين بين نارين وقالت لي ادعي لخالك يابنتي لاتنسينه قلت لها لاتوصين حريص وكل هذا واهي تبكي وانا دموعي خلاص بتنزل وودعتني وسكرت السماعه وانا ع طوول قمت ابكي بهستريه حتى السستر سمعت صوتي من برا فكرت اني اتوجع وقلت لها ع الي صار وهدتني الله يجزاها الف خيير
ولما جات الساعه 11 جاو الممرضات 3 فلبينيات و السستر السعوديه وقالت لي يالله اشوي ونوديك غرفة العمليات وركبو لي القسطره ولبسوني حقت الشعر ولمو اغراضي وملابسي وقالت لي يالله اعطيني الجوال وقلت لها لا استني بكلم زوجي اول
توني مسكت الجوال الا اتصلت بنت خالتي وقالت لي ها ماولدتي واهي تضحك بس باين انها قلقانه علي قلت لها الحين بيدخلوني فجأه سكتت وانا سكت وجلست ابكي وشكلها كانت تبكي بس ماتبي تبين لي وقالت لي يالله تولدين بسلامه وان شاء الله نص ساعه الا وتسمعين صوت النونو قلت لها اميين يااارب لاتنسيني ادعي لي قالت لي حبيت ابشرك خالي الحين رايح ع المطار قلت لها وكيف اوضاعه قالت لي وضعه مستقر الحمدالله وقلت لها يجي بسلامه وودعتني وسكرت وبعدها ع طول اتصلت ع زوجي واهو كانه حاسه قلبه وبهدوء وجع قلبي قالي هلا قلت له بيدخلوووني وقالي ياعمري انتي تولدين بسلامه قلت لها ادعي لي الله يخليك طلع لي صدقه بنية اني اقوم بسلامه انتبه ع نفسك وع تروك وقالي لاتوصين حرريص وان شاء الله كلها ساعه وتشوفين النونو بين يدينك قلت له ان شاء الله ولاتنساني من دعائك قالي ولا يهمك روحي وانتي مطمئنه ولا تقلقين على شي وانا هذاني جاي بالطريق المستشفى ومراح امشي الا لما اتطمن عليك وع بنتوتتنا وبعدها اطمئنيت ودعته وودعني وسكرت وانا قلبي يوجعني ودموعي اربع اربع وجات السستر واخذت اغراضي وجوالي قفلته واعطيتها اياه وودته الامانات
وجات السعوديه وقالت لي ها جاهزة قلت لها جاهزة واخذتني بالسرير وودتني غرفة العمليات ولما دخلت الغرفه حسيت ببرودة مو طبيعيه وجسمي يررررررجف ونقلوني ع سرير العمليات وقالت لي دكتورت التخدير لساتك تبين بنج نصفي ولا كلي ؟؟
قلت لها نصفي قالت توكلنا على الله وجلستني وقالت مدي رجولك ع السرير ونزلي ظهرك وسويت مثل ماقالت لي وبعده جاتني السستر الفلبينيه ومسكتني من كتوفي ونزلتني اكثر وطول هالمده وانا اسمي بالرحمان وجات غزتني 3 ابر في نهاية ظهري على جنب وكانت ماشاء الله عليها يدها خفيفه وابد ماحسيت الا بنغزات بسيطه جدا حتى اخف من ابرة المغذي ولما خلصت قالت بسرعه انسدحي ع ظهرك وانسدحت
وجاو حطو الستارة وع طول بدأو بالعمليه وانا طول هالوقت ادعي لكم وادعي لخالي وادعي لنفسي ولزوجي وطالعت الساعه لقيتها 12 بالضبط
وجلست الدكتورة تسولف معي وكل اشوي يقولون النبض كم والضغط كم واشوي سمعت صوت مرررة صغييير واشوي واسمع صوت بنوووتتي الامورة ولاشعوري اول ماسمعت صوتها جلست ابكي من الفرحه واحمد ربي وجات السستر واخذتها وشفتها من ورى ظهرها لقيت لها شعركثير ماشاءالله وانا اتأملها وابي اشوف وجهها والدكتور الي سوى العمليه قالي مبرووك بنوووته قلت له الله يبارك فيك وطالعت الساعه لقيتها 12 و 10 دقايق بالضبط وفجأه حسيت الدنيا تدووور حولي وراسي يلف لف قلت لدكتورة التخدير راسي يلف وانا ابي اشوف بنووتتي بس مو قادرة حدي بس اسمع صوتها وقالت لي لازم تنامين عشان ترتاحين في ناس كذا كثيير لاتخافين قلت لها طيب وانا بس ابي ارتاح ابد مافكرت بشي ثاني وحطت لي مخدر ونومتني وبعدها حسيت كأن احد يصيحني ولما فتحت عيني لقيت نفسي بغرفة العمليات بس مافيها الا السسترات وممرض سعودي واحد لله يجزاه الف خيير وطالعت الغرفه لقيت مناشف كثيييرة فيها دم وثوبي الي لابسته مغيرينه وقالي راح ننقلك غرفة الملاحظه وشالوني من سرير العمليات ودوني الملاحظات وشفت الساعه لقيت 12 و 40 دقيقه يعني عمليتي اخذت ساعه الا ربع بالضبط وحسيت اني مررررررررررررررة بردانه واقول لسستر الي تلاحظني طبعا غير الي كانو معي بغرفة العمليات اقولها برررد اعطيني بطانيه تقول مافي حسبي الله ونعم الوكيل وجا الممرض وقالي كيفك ان شاء الله مو حاسه بشي قلت له بردااااااانه مو قادرة اتحمل وجسمي ينتفض نفض مو طبيعي وقالي قلتي لهم قلت له اي قلت بسس تقول مافي قالي كيف مافيه وراح بسرعه وجاب لي بطانيه مرررررة ثقيله ووحده خفيفه وبعدها حسيت بدفا وقالي حاولي ترفعين رجلك وحاولت بس ماقدرت قالي طيب اصابع رجلك وحركة اصابع رجل وحده وقالي اشووي واجيك يبغى لك وقت على مايفك البنج وجا بعدها قالي تبين تكلمين اهلك قلت له اي وانا مبسووطه اني بكلمهم واعطاني جواله واتصلت ع زوجي واول ماسمع صوتي جلس يبكي من الفرحه ويقول الحمدالله على سلامتك ومبروك ماجبتي بنووتتنا مثل القمر شفتيها وقلت لها ماشفتها قالي طيب انا الحين عندها بصورها لك واذا جيت وقت الزيارة وريتك اياها قلت له طيب
وسالت الممرض متى توديني غرفتي قالي بعد ساعه ولما جات الساعه 3 جاني وقالي حركي رجولك وحركتها وقالي رفعيها ورفعتها طبعا كل هذا بصعووبه وقالي جاهزه بننقلك على غرفتك قلت له جاهزة وودوني غرفتي واستقريت هناك
ولما جات الساعه 4 جا زوجي واهله واهلي وباركو لي وتحمدو لي بالسلامه والي عرفته وقت الي قلعت طيارة خالي نفس الوقت الي دخلت فيه غرفة العمليات

تمممممت بحمد الله

طبعا انا ولدت بمستشفى الولادة والاطفال بالأحساء وهذا ثاني ولاده اولد فيه وماني ندمانه ابد عنااااايه واهتمام اكثر من الاول وبصراحه الظليمه شينه مااظلمهم كل اشوي تجي ممرضه تسألك تحسين بألم تبين شي ولو حيتي بالم بسيط ع طول تجي الممرضه وتعطيك مسكن

واخيييييييييرا
الله يسهل على كل حامل ويتمم حملها ع خيييير يااااااااااارب والله يرزق كل محرومه وكل من تتمنى الحمل بالقريب العاجل يااااااااااااااااااارب