عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير
كيفكم يا كروشات خخخخخخ والله أنكم تحزنوووووون الوحدة تمشي وكأنها بطريق ههههههه
يلا هانت ولا تزعلون وانصحكم تعيشون هاذي الفترة وتستمتعون فيها قد ماتقدرون عشان تصير ذكرى حلوة في بالكم أفضل من أنها تكون ذكرى سيئه اااااااااااه قصتي قصة بدايتها فلم رعب ونهايتها سعادة وراحة لاتوصف سبحان الله ربي سهل ولادتي وهذا رحمة منه صحيح اني مريت بمواقف صعبة لكن في النهاية جاني الفرج ما اقول غير يارب لك الحمد ولك الشكر على نعمك …. واليكم قصتي بختصار
في اخر زيارة لي لعيادة الحوامل رحت عند دكتورة شكلها مخرفة خخخخخخخ:( لأنها قالت لي أني خلصت التاسع لي 4 ايام ( بعدين أكتشفت ان كلامها مو صحيح ) المهم يوم قالت لي كذا انا انفجعت وصار وجهي كيذا >> 😈
وقالت لي لازم نسوي لك موعد ل الطلق الصناعي وانا هاتيك يارعب وربي خفت خوف مو طبيعي 😆 🙄
المهم قالت من الحين ليوم الموعد لو ماولدتي تجين ونديك الطلق الصناعي وانا خلاص قفلت الدنيا بوجهي وسرت اشوفها سودا وكنت مرة خايفة و مو مستوعبة أني راح أولد قريب كنت خايفة مرة 😛
المهم قررت أني ما أقول لأحد ابدا ابدا حتى أمي ماقلت لها ولا اخواتي
وسرت حبيسة غرفتي بس اتذكر اني بولد اجلس ابكي وادعي ربي انه يخفف علية
الين جا موعد الطلق الصناعي اااااااااااااااااااااااه يذاك اليوم ماراح انساه الين اموووووت
لبست وجهزت نفسي واستشورت شعري وجهزت اغراضي ونظفت البيت وكل شي 😡 وتوكلت على الله ورحت موعدي ودخلوني قسم الولادة علطول ولأول مرة أدخل قسم الولادة في حياتي واسمع الحريم والصراخ ورب البيت كأنه مستشفى مجانين من جد عقدوني حسبي الله ونعم الوكيل
انا يوم سمعت صراخهم كذا جلست أبكي وربي يابنات وصلت فيني أني دقيت على زوجي بالجوال و هو كان برا ينتظرني وجلست أبكي و أقول خلااااااااااااااااااااااااااااص ما ابغا أولد وابكي وقلت له يلا نرجع البيت بس طبعا رفض وبشدة
بالأخير أستسلمت ورحت على سرير الولادة و لبسوني لبس المستشفى وكل شي وهاتيك ياتخطيط ومادري شو وااااه بس
وفي ممرضة سعودية طول الوقت وهي جنبي وانا اسألها فين الدكتورة متى تعطيني الطلق الصناعي
وهي تقول انتظري شوية عندها حالة ولادة تخلص بعدين تجيك وانا انتظر وابكي من كل قلبي وكل ما اسمع وحدة تصرخ اجلس ابكي المشكلة أنهم حطوني بغرفة مشتركة فيها حرمتين يولدون وانا الثالثة يعني قمة الرعب في ذيك الغرفة والقرف
فجأة دخلت الدكتورة علية و أول ماشفتها خفت وبكيت وجلست تقرأ في ملفي وطولت وهي تقرأ بالملف وبعدها قالت لي ان لازم اسوي تحليل دم عشان الهيموجلوبين وصلحوا لي التحليل وبعد ساعة جت النتجيجة أن عندي فقر دم ولزم ينقلون لي دم لأن ولادتي ممكن تجي بأي وقت
وتركوني بقسم الولادة من 8 صباحا اليييييييييييييييين 5 عصر الين لقيو لي سرير فاضي لأن المستشفى زحمة وكل ذا الوقت وانا اسمع صراخ الحريم واه ياقلبي بس
وبعدها نقلوني على قسم التنويم وبعدها بيوم خرجوني من المستشفى واعطوني مهلة زيادة لمدة عشر ايام لأنهم يقولون اني لسا ماخلصت التاسع حسب السونار
وبعدها بيومين نزلت علية مويات واتصلت بزوجي وجا ورحنا على المستشفى علطوووووووول ورجعت القسم الكئيب من جديد قسم الولادة
ودخلوني المرة ذي غرفة الولادة لحالي وماكان في زحمة على حظي
ولقيو ان الرحم مفتوح عندي 2 وجلست انتظر الييييييين اليوم الثاني وصار مفتوح 5
وبعدها طلبتهم ابرة الظهر لاني كنت خايفة وبدأت أحس بلألم
وجابوا دكتور التخدير وأعطاني ابرة الظهر وشوي شوي الين سرت خلاااااص ما أحس بشي
وماصلحوا لي قص العجان بس هو البيبي يوم خرج شق المنطقة والحمد لله على كل حال
وجبت أحلى ولد بالدنيا الله لا يحرمني منة يارب ويرزقني برة لي
نصيحتي لكم
ابرة الظهر مررررة تريح وتشيل عنك الألم بس راح تتبهذلون كثيييييييييير من ناحية الكشف اه يارب لا تحرمني الأجر
والنصيحة الثانية لا تقضين فترة النفاس لحالك لأن راح تتبهذلين بهذلة مو طبيعية يعني لازم تروحين عند أمك او أختك أو انك تجلسين في بيتك بس تجيبين لك شغالة تساعدك وخلي زوجك ياخذ اجازة عشان يساعدك
والنصيحة الثالثة والأهم اذا رحتي تولدين لاتاخذين أحد معاك غير زوجك وبسسسسسسسسسسس ولا تقولين لأي احد حتى امك لاتقولين لها وخليها مفاجئة أححسن
والنصيحة الرابعة لاتصرخين لأن حرام في بنات بكريات راح يسمعونك وممكن تعقدينهم وتخوفينهم اكثر واكثر
