عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ابشركم الحمد لله ولدت بفضل ربي ورحمته
ويوم عديت خمس ايام كان عندي موعد يوم الاثنين 30 او29 شهر عشره والله ما اذكر المهم رحت لدكتوره قالت لي انتي عديتي التاسع بخمسه ايام قلت ايوه قالت ابسويلك كشف فررررررحت بصراحه لاني ابي اولد وهذا الحمل لي مو اول واحد لا الثاني والحمد لله ومجربه الكشف وكشفت علي وقالت مفتوح 2 سانتي ونص كويس يمكن اليوم او بكره ولاده انا بصراحه فرحت
بصراحه خفت قالت الدكتوره متى اخر مره اكلتي قلت الصباح الساعه 7 وكانت الساعه 12 عاد تركوني ساعه وكل شوي ادق على زوجي وزوجي يدق علي وش صار؟ عاد يقولي اني وديت بنتي لغرف الحضانه الاطفال واستانست المهم طلعت بعد ساعه وكان معي شوي الم قالت لي الدكتوره اذا جاك طلق قوي تعالي او دم ,طلعنا من القسم وقعد زوجي يفرفر بي بالاسياب المستشفى ضيعنا المخرج مشيت بصراحه كثير تعبت المهم وبعد عناء لقينا المخرج وكان معاي الام شويه رحنا جبنا غداء من هرفي ورحنا البيت بصراحه ما كان لي نفس رحت الحمام والا اشوف دم 
وتعشينا ويسالني زوجي هاه راح الطلق قلت يجي ويروح المهم دخلت على النت
وراح زوجي الدوام وقت يابنت قومي نضفي البيت يمكن يحمى الطلق عندي وكل الوقت كانت معي طلوق مستمره بس خفيفه قعدت انضف الشقه ويوم خلصت رحت الحمام والا اشوف السداده الرحم نزلت كويس واروح اكمل التنضيف والله انه يجيني الطلق اقعد شوي ويروح واكمل تنضيف جاء زوجي الساعه عشر ياعمري قلقان علي وجايب معه دونات عاد كنت جوعانه اكلت وقلت اذا صلينا الضهر ابروح عند اهلي عاد رحنا عند اهلي وسوتلي امي حلبه وقعدت اشرب منه وبعدين قعدت اصعد الدرج وانزل والله ان اضحك ولا اخواني وراي
الطلقه يتحجر الطفل خافت امي قالت صلي المغرب ودقي على زوجك ,دقيت على زوجي ورحنا على طوووول المستشفى قعدت امشي قبل ما ادخل القسم بعدين تعبت خلاص ورحنا القسم ودخلت الغرفه جت قاست قالت 4 سانتي خلاص ترقيد لبسوني لبس المستشفى واعطوني الحقنه الشرجيه وبعدين قعدت استنى
معي زوجي وكل شوي تجيني الطلقه اسكت وزوجي يسولف يبي ينسيني الام المهم قعت من الساعه7 الى عشر وبدا يحمى الطلق قالت السستر روحي امشي احسن قال زوجي ايه احسن اول ما قمت على السرير جتني ذيك الطلقه القويه سكتت بعدين رحت الحمام كنت حسرانه:Dوبعد ما طلعت من الحمام خلاص بدا الطلق يحمى قالت السستر روحي امشي عييت قلت مااقدر وبديت اتلوى من الالام وزوجي ياعمري اول مره يشوفني كذا خاف 😡 وقعت اقول لسستر ابي بنج وراحت اعطتني الكمام الاكسجين خلاني زي السكرانه من الام بس اهز راسي وبعدين خلااص ماابيه ماصار يسوي شي ولا كشفت الله يهديها استغفر الله قعدت اقول كلام من الام والله قلت ليش ياربي ليش:(استغفر الله الله يتوب علي والله ماكان قصدي من شدت الام وحسيت اني ابي الحمام حسرانه هنا زوجي طلع 💡 قالت عادي سوي بالسرير قلت لالا جت الدكتوره وكشفت قالت يوووووه10 خلاص ولاده حطولي حقت الرجلين ورفعت رجولي ولمى تجيني الطلقه ادفع بقوه والسسترات ياحليلهم يشجعوني يالله يالله كويس حماس بصراحه الى ما طلع ولدي وسمعت صياحه يابعدي ;)والحمد لله جبته 1-11 الثلاثاء الساعه 12 ونص
بصراحه المستشفى كان قمة العنايه والاهتمام
اسفه طولت عليكم بس اسمحولي 😆 idea:
ومشكورين والى لقاء ثاني ان شاء الله والله يسهل ولادت كل بنت
