عالم البنات النسائي كل ما يخص المرأة العربية من ازياء وجمال والحياة الزوجية والمطبخ
* بسم الله الرحمن الرحيم *
……..قصة ولادتي الحلوووة ……..
في نهاية الشهر الثامن رحت موعد المتابعة كالعادة وقلت للدكتورة أنا بسافر الشرقية أولد عند أهلي قالت لي انتي بكرية وعلى وشك دخول التاسع يعني أحتمال ولادتك بأي وقت وقالت لي لازم ترتاحين لمدة يومين وماتسوين اي مجهود قبل السفر أنا هنا خفت وتحمست بنفس الوقت
قلت دامها تحذر أجل الولادة قريبة يعني ماني مطولة>> مسكينة مادري أني بعوشر 
ههههههههههههه المهم ماطولت جهزت اغراضي وبعدها بيومين سافرت الشرقية ورحت مستشفى الحرس اللي هناك وفتحت ملف وخلصت أوراقي كلها وخذيت موعد متابعة وقلت خلاص كلها أسبوع أو اثنين وأولد وكنت كل أربعاء اروح موعد المتابعة وكان كل مرة عند دكتورة غير وصار هالشي من صالحي كل دكتورة تعمل لي سونار اسألها عن جنس البيبي تقولي ماقالولك من قبل اقولها لا 
هههههههههه العب عليهم عشان يأكدون لي الجنس بس عشاني أكذب بنتي البطه ماتوضح
مرة مقفلة رجلينها ومرة مو واضح مالكم بالطووويلة مرت الايام والساعات >>قصة حياتها مو ولادتها خخخخخ حتى المغص يابنات اختفى وجاء نهاية شهر 4 اللي هو نهاية التاسع الكل طفش وهو منتظر بما أنه اول حفيد لاهلي كانوا منتظرين على جمر وكان خالاتي يدقون وبنات عمي وانا موطايقة أحد كلهم يسألون نفس السؤال مااااااااااااااااااااولدتي >>أنا هنا أنتهيت 😉واستنتجت >>تكفيييييييييين ماأقدر يالفيلسووفة ان سبب تأخيري هو سؤالهم هههههههه ويأست وطفشت قلت خلاااااااااااااااااص شكلي ماعد راح أولد وبنتي عاجبتها الجلسة داخلي وبتعيش ببطني علطوول وكنت كل يوم أمشي ساعة وواطلع الدرج وأنزل ومن قوة التعب والثقل والطفش امشي وابكي والله وصلت حدي من اليأس وبالاسبوع الأخير من التاسع جيت عند مامي وقلت لها ابي أشرب زيت خروع قالت لي لا مافيه انتي حتى الرحم مومفتوح انتظري الفرج من ربك ولا تسوين شي تندمين عليه انا طنشتها ودخلت الغرفة ودقيت على زوجي قلت له بشرب زيت خروع خلاص انا بالاسبوع الاخير ترى عادي أشربه يمكن يفتح الرحم وأولد وارتاح قال لا وقتها تقفلت الابواب بوجهي وجلست ابكي 😆 🙄 واقوله انتم تكرهوني محد حاس فيني انا تعبااااااااانة >> حامل ونفسية دمااااااار
قالي خلاص هدي نفسك انا بجي بعد يومين وبطلع نتمشى ونغير جو أنتي نفسيتك تعبانة المهم جلست يومين بعدها وصل زوجي يوم الاربعاء باليل وكان التاريخ 4/28 ونمنا ذاك اليوم بدري ماشاء الله 💡 عشان نطلع نتمشى يوم الخميس من الظهر وطلعنا تغدينا عالبحر ورحنا الواجهة البحرية بالدمام وجلسنا نمشي الين الساعة 11 باليل وكان فيها مهرجان الزهور جد وناااااااسة وبديت احس بمغص بس ضغطت على نفسي وجلست اقول لي شهر كامل ماولدت يعني ماراح تجيني الولادة الا اليوووم وبتخرب الطلعة خليني ساكتة احسن لي ومامي كانت حاسة دقت علي تتطمن وتحلفني اذا صار لي شي أدق اقولها عشان تلحقنا للمستشفى او ارجع البيت اخذها معي وانا اقولها نااااااامي يايمه ماراح اولد اليوم مافيني شي وقفلت وقلت لزوجي جوعانة وجاب لنا بيتزا وجلسنا تعشينا وبعدها خلاص ماعد قدرت امشي رجليني تألمني وعالساعة 12 رجعنا البيت أخذت شاور ونمت علطوول من التعب وصحيت الساعة 2 ونص وانا أحس بمغص وألم غريب اول مرة احس فيه قلت أكيد مو طلق بس تعب وأجهاد من المشي بس خليني احسب الوقت طلع كل 5 دقايق وبعدها كل 3 انا انجنيت وحسيت ان الجد جاء >> واللي قبل كان لعب والا ايش 😈 ..ماعلينا المهم حاولت انام مااااااااافيه اتقلب يمين يسار ماقدرت كل ماله يزيد وابو الشباب نايم مايدري وش الطبخة وانا اتعصر يمين ويسار وبعدها كأنه هدأ شوي قمت بسرعة للمطبخ سويت لي كوب حليب مع عسل وأنا فرحانة جالسة اقوول كم ساعة بس واشوف النونو بحضني
ورجعت عشان اريح شوي الين الصبح وبعدها اروح المستشفى اغمض عيوني غصب تفتح من حالهم قلت خل اقوم امشي يمكن مو طلق ولادة ولما اغير الوضعية يروح طلعت للحوش ومشيت نص ساعة وكل ماله يزيد والمصيبة حسيت بشي دافي مسحت بمنديل لقيت دم ومووويه بدت تنزل شوي شوي انا عيوني طارت 
وزوجي كان نايم وراه سفر واهلي كلهم نايمين صبرت الين الساعة 6الصبح وصحيت زوجي بلا سفر بلا هم اللي انا فيه حياه ومووووت قلت له قوووووووم بولد مسكين انفجع ماعرف وش يسوي هههههههههه قالي صحي أمك واروح طيران قلت لها يمه فيني مغص وطلق ونزل دم ومويه ماشفت الا غبرتها تدور عبايتها قالت البسي عبااااااااتك 
عشان سيارته جديدة عطيته نظرة حسابك بعدين لان مافيني اهاوش وبعدها مشينا وفي الطريق مامي وزوجي يسولفوون معي يعنني يغيرون الجو وانا ودي اسكتهم مابي اي احد يكلمني الين وصلنا الطوارئ وكان يوم الجمعة4/30 جات الفلبينية تفحط بالعربية يالله اجلس وانا اقولها ابعدي بمشي لحالي وامي تقول يابنت الحلال اجلسي وانا مابي يعني مابي جاء زوجي وبعد مشاورات وهوشات رضيت وجلست عنيدةحتى بيوم ولادتي ههههه ودخلوني وجت الدكتورة باكستانية الله يسعد خشتها وقاست طلع 2 سم قلت لها دامه 2 وانا بكرية يعني باقي مطوله بطلع للبيت قالت لا ممنوع انتي بكرية وينزل عليك دم ومويه قلت نادوا امي جات امي احسبها بتساعدني قالت خلوها لاتطلعونها واستسلمت للامر الواقع وهجدت وودوني غرفة التنويم وراحوا مامي وزوجي وانا جلست لحالي الين الساعة 9 الصبح جت دكتورة سعودية قالت لي بنخليك 6 ساعات اذا مافتح الرحم بنسوي لك خروج انا من شفت الالم قلت ماعد ابي اطلع ابي اولد واخلص الدكتورة طلعت من هنا وانا البس عباتي واطلع من هنا تمشيت بالمستشفى كله واذا جت الطلقة اتسند عالجدار الين تروح مافيه الا عاملات النظافة يطالعوني خايفين واذا راحت اكمل مشي الين تعبت رجعت الغرفة حالتي حالة تعبانة وجوعانة وفيني النوم وجالسة ابكي 
جت الممرضة تقول أبدل ملابسي بدلت وحطت لي المغذي وودتني لغرفة الولادة الساعة 11 ونص الليل وانا ميتة خوووووف ركبوا جهاز التخطيط حق البيبي وجابت الكمام حطته جنبي وفتحت كيس المويه صح انا ماقلت لكم رفضت ابرة الظهر بصراحة خفت منها بس طلبت الكمام وابرة مسكن بالورك.. وزوجي دق على مامي وقالها فديت قلبها الله لايحرمها الاجر ويجزاها الجنة هي وجميع امهات المسلمين رجعت المستشفى ودخلت عندي غرفة الولادة وظلت معي وانا كل ماتجي الطلقة اشفط من هالكمام الين حششت وسكرت حتى مامي ماحسيت فيها ولما فتح 10 سم قالولها اطلعي خلاص ولادة وطلعت فديتها وجينا للمهمة الصعبة تقولي دفي انا ادف تصارخ غلط ماما انتي مايعرف >> وانا وش عرفني تراني بكرية وجلسنا هوشة مرة احس فيهم ومرة لا كله بسبب هالكمام الله يجزاه خير ياأنه
رجال طيب 😆 idea: اخر شي حسيت اني دااااااااايخة وماعد شفت او سمعت شي بعدها صحصحت بصراخهم سوت
توسيع وجت ممرضة ثانية وظغطت على بطني وقالوا خلاص دفي رأس بيبي واعطيهم ذيك الدفة القوية وشرفت
بنتي ** دااااليا ** للدنيا يوم السبت 5/1 الساعة 3 الفجر بعد ماسوت فيني الهوايل سحبوها وحطوها على بطني تخيلوا خفت المسها بس جلست أطالع فيها وخذوها ونظفوها وقامت تبكي لما سمعت صوتها ماعد قدرت أتحمل جلست أبكي احساس رووووووووعة الله لايحرم كل أم منه ومامي دخلت شافت حفيدتها وجلست تبكي هههههههه سوينا حفلة بكاء نونتي وأنا ومامي ,, تعذبت شوي بالخياطة بس اللهم لك الحمد والشكر على كل حال كل شي بأجره
ان شاء الله…
صوووووح نسيت اتكلم عن المستشفى أنا ولدت بمستشفى الحرس اللي بالشرقيه أسمه :
<< مستشفى الامام عبد الرحمن الفيصل >> بصراحة كلمة روووووووعة قليلة فيه لانه اهتمام ونظافة واسلوب وتعامل بجد أشكر كل البنات اللي ردوا علي بخصوص المستشفى ومدحوه لي .
