قصة ولادتي الأولى

ما تتخيلون يا بنات قد ايش كانت مخاوفي كبيرة من الولادة ومن اللي اسمعه عنها بس صراحه الكلام شي والتجربه شي ثاني بس الحمد لله ربي سهل
المهم في يوم 17 شهر 6 من سنه 1428 كانت ولادتي بأحلى عبدالعزيز اللي طلع عيني وشفت الموت بولادتي
وانتوا تعرفون طبعا البكريه
من الساعه 6 الصباح تقريبا وانا ابكي وكنت عند اهلي وامي تقول ما راح اوديك المستشفى تدري اني بكريه وما راح أولد بسرعه
وامشي بممر البيت وانا ابكي ومعي اختي اللي اصغر مني وتبكي معي وتترجى امي توديني المستشفى وامي مو راضيه
وظليت على الحاله الى الساعه 10 الصبح امي لما شفتني اتأزمت وبديت أحس بآلام في ظهري وبطني ودتني مع اخوي المستشفى شافتني الطبيبه وقالت فيك ولادة ودخلوني الغرفة وعطوني الاكسجين والأبره والله يا بنات موقف اعوذ بالله وابكي بقوة والممرضه تهدي فيني وتقول انتي مو مسلمه قولي لا اله الا الله انا اللي استغربته انها فلبينيه بس الظاهر الا اكيد مسلمه
وبعد معاناه سبع ساعات جبت احلى ولد الله يهديه يا رب ويحفظه بس هو الحين مع امي شافتني تعبانه ابي ارتاح واخذته مني وحاولت انام وما جاني نوم قلت ادخل المنتدى واتسلى مع احلى فراشات وعقبال كل الحوامل يا رب
انتظر ردودكم