قصة ولادتى !!!!!!!!!!!

السلام عليكم ورحمة الله وبركاته
اخيرا انتهت الرحلة الجميلة بما فيها من تعب والم بس تعب لذيذ جدا عقبال كل جميع المحرومات يارب
قبل محكى القصة هقولكم انى بحبكم جدا جدا فى الله كنتم أحلى صحبة وخير عون لى مع انى اشتراكى فى كثير من المنتديات الا انى بحب منتدى الفراشة جدا ولازم كل يوم ادخل عليه بسم الله أبدا القصة
من أول دخولى الشهر التاسع وانا بهتم بالمشى الكثير وأكل التمر ومع النشاك فى شغل البيت وطلوع الدرج كنت قلقانه جدا لانى فى حملى السابقى دخلت العاشر ب15 يوم وولدت بطلق صناعى كنت خايفة جدا اتاخر عن التاسع وخصوصا ان أخر حمل لى كان من 8 سنوات كنت شديدة القلق بداء المشى وتمرين القرفصاء دى رائع جدا جدا ومفيد انصحكم بيه
قبل الولاده بيوم كان فى ألم بيسط مثل ألم الدورة مع تعب فى الظهر المهم قلت لسه أكيد مش ولادة قمت الصبح حضرت الاولاد للمدرسة وبعد مخرجوا قلت أنام شوية وأقوم أعمل شغل البيت لان اليوم كان معاد وصول زوجى من السفر
نمت من الساعه 8 بعد ربع ساعة وجدت كمية رهيبة من المياة نزلت منى حسيت برعب شديد لان الكمية كانت كبيرة ومن غير اى الم بسرعة جهزت نفسى للخروج واتصلت بالطبيب من غير مقول لاى حد حتى امى وأخواتى ذهبت لوحدى