عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
توي اتفضى اسرد لكم مسلسل ولادتي..(متاثره بمسلسلات رمضان ههههههه)
المهم…بدت بوادر الولاده عندي من قبل رمضان بيوم اللي هو يوم الاربعاء
بدا ينزل معي نقط الدم (الهانم بكريه وخوافه ههه على طول سحبت زوجي وعلى طول للمستشفى)
قالو لسى يابت بدري عليك
وظليت على هالحال لغاية يوم الجمعه…
كنت اسوي الفطور(قسم فاضيه تخيلو …الطلوق تجيني وتشتد معي وانا اطبخ الشوربه خخخ
ومع العلم حطيت كرسي عشان لاجاني طلق جلست …وبعدها ارجع اكمل فطوري)
والله حاله من قعد زوجي وهو يابنت خلي الفطور ماني ميت جوع هههه(وانا حاسه اني اليوم ولادتي)
قلت خليني بنت شقرديه(ولاخر لحظه كان همي زوجي)
ويادوبني خلصت الفطور وبعدها قلت له ماودك تسير…عشان انا اروح بيت هلي
المهم نزلني بيت هلي ومن جيتهم وانا حاله تشتد معي الطلوق
وظليت لغاية الساعه 12 اتحمل وبعدها قالت مرت اخوي لازم تروحي دامك كذا تعبانه
المهم رحت وهي معي
وماحبيت اعطي زوجي خبر لما اتاكد اني بولد…ومن رحت طبعا انا تبع الحرس
من دخلت غرفة الفحص قالت ي السسترحالتك ولاده…قبل يكشف علي احد
لانه يبان من التخطيط تبع الطلق..وبعد الكشف قالو منفتح معي الرحم خمسه سم(زين مني صبرت)
وبعدها قالو اذا تبغي ابرة ظهر بالاول رفضت وبعدها فكرت باللام وانا اصلا خايفه من سوالف الولاده ياكثر ماسمعتها طلبت الابره ووقعت عليها
وبعدها ودوني غرفة الولاده…والحمدلله كانت السستر معي روعه مره باهتمامها فيني(يمكن لاني كنت اهذر معها انجلش استانست الاخت ههههه ماني بحالها بس ابيها تهتم فيني زين)
وعقب طلبت مرة اخوي تجي معي بنفس الغرفه(وبعد عرفت اثاري زوجي جاي)
دخل وتطمن علي وبعدها طلع وجلست معي مرت اخوي(اعتبرها اخت لي وربي ماقصرت معي
الله يخليها يارب)وجاء دكتور تبع الابره وخلصنا بهدوء…وبعدها ارتحت من الم الطلق…وظليت على حالي هذا من ليلة السبت لغاية ماجاء الصبح الساعه 9 قالو منفتح 7سم وبعدها خوفوني قالو نبض الجنين واذا مافتح معك الرحم بنسوي عمليه …وبدا يقلب وجهي الوان من الخوف وانا طول الوقت ادعي ربي يسهل علي ولايحتاجو للعمليه…واعطوني طلق صناعي لغاية فترة الساعه 12 الظهر عقب بيقرو اذا فتح الرحم او لا…والحمدلله فتح الرحم 10سم وقالو يالله شدي حيلك وطلعي النونو …((جاء الجد يامضاوي هههههه))وابدا الدفع على قولتهم وماكنت احس بشي لغاية ماقب راس النونو يطلع والسستر تقولي قربتي يالله وانا خفت اكثر ههه هذا شلون بيطلع هههههههه)المهم جت الساعه 2 ونص الظهر وبعدها شرف احلى نونو وشافته عيني …:frcvbhagi
وسلامتكم جميع…..وعقبال باقي الحوامل يقومو بسلامه:fragghagi
عن gamelrchad
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …