عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف حالكم يا فراشات قرات في احدى المنتديات قصة واقعيه ترويها صاحبة القصة عن التوكل استفدت منها كثير وحبيت كمان انتم تستفيدوا لاني احبكم في الله
السلام عليكم ورحمة الله وبركاته …
اشحالكم واخباركم .؟؟
قبل لا اكتب هالقصة اترددت واااايد وقلت ماراح اكتبهااا ولكن قلت ليش ؟؟
خل الكل يحب الله مثل ما انا احبه ويتوكل عليه مثل ما انا توكلت عليه …
الله يسلمكم …
انا قبل صح كنت اقووول انيه متوكله على الله لكن والله ما كنت اقولها من القلب .. كنت وااايد
اخاااف ان الشي اللي توكلت فيه على ربي ما يصير .. لكن بعدها ب سنتين حياتي انجلبت فوق تحت صرت احب الله وااااااااااااااااااااااااااااااااااااااااااااااااا اااااااااايد واتوكل عليه واااااااااايد
بدت قصة توكلي بعد ما شفت محاضرة الدكتور عبد المحسن الأحمد واللي كانت تتكلم عن التوكل على الله … هي ست دقايق لكنها كانت بالنسبة لي ست سنين من حقيقة الفايده اللي ظهرت منهاا
اول موقف صار لي ..
رسبت مرتين في مساق من المساقات وبقتلي اخر محاولة وبعدها الجامعة اتوقفني سنة كامله … صح اولها قلت ليش وليش …ما دريت الا اني اقول لنفسي يابنت ترااا هالرسوب فادج وكملي باصرار وبقوة … ولي املج بالله كبير وخذت المحاولة الاخيرة وانا كنت متوكلة على الله هالمره بصدق …
والله وما اجذب عليكم حسيت اني مستمتعه بالمسااق وكأني اول مره اخذه … وبعدها يا امتحان الميد تيرم … ودرست وكنت اناجي ربي وكلمه … ويوم ظهرن النتااايج كنت اعلى درجة في كلاسين من الكلاسات اللي المس ادرسهن وهي وااايد استانست … وبعدها
كنت ابااا امتحن امتحان ايخليني اخذ هالمساااق بسرعه لكن الله ما كتب ما زعلت قلت يمكن الله بيكرمني بدرجة حلووة وبالنجاح .. وياااا امتحان الفاينل .. ولله الحمد نجحت بدرجة ما توقعتها وكله بفضل منووو بفضل ربي حبيبي …
ثاني موقف صار لي …
صح السمعه طيبه لكن لازم في شي يشينهاااا … في ناس كلمو امي وقالولها نبغي نخطب وحده من بناتكم …
صحيح كلنا حلوات لكن دووووم ايقوولوون لي اني اقل جمالا من خواتي الثانيات .. وانا اقووول ربي ما خلق حد مش حلووو …
وبعد ما شاافوونا اختااارووني اناا … فالناس قالت لانج اني جامعيه وانا قلت لا لان الله يبيهم لي ويبيني لهم …والعلم موو كل شي … ويا وقت السؤال .. وهنيه انا مت من الروووعه وقلت لو دروااا عنه ما راااح يرضوون فيني … لكن ما يأست قمت بالليل وكلمت اللي عيونه ما تنام وقلت يارب مسألتي عندك وانت اللي تدري فقدر اللي بيكون خير لي …
والله يا خوات ويااا خوان يومين والا هم متصلين ويقولون هذا شي عادي المهم عندنا البنت ..
وصارت امور الخطوووبه ان الرجاجيل جووو وتفقوا على المهر وغير وغيره وكل مره ايصير موقف
ما اكلم حد غير ربي وثاني يوم ربي يريحني … وشوفوا للحين ما صارت الملجه وانا كنت اقووول لامي يمكن الناس غيروا راايهم فيني … وبعدها حسيت امي وخواتي ما يعطوني حل ولا كلام منطقي … رحت ودعيت ربي وناجيته وقلت يارب طمني … وبالفعل والله على ما اقووول شهيد اول ما جيت من الصالون الا ان اختي اتقووول يا فلااانه ترااا بكرة عمتك جااايه يبغون يحددون موعد للملجة ..
ملخص قصتي …
حبواا الله وكلموووه ولا تلجأوون الا اله هو … والله الناس ما همها غير انها تسمع لكن الحل ربك يدبره … خله هو مصلحك الاجتماعي بقووول لكم حكمة تعلمتها من استاذي (( تدبيري تدميري .. وتدبيرك تعميري ))
انا قبل لا يجووون هالناااس مرييييييييت بضروووف محد يعرف فيهااا غير الله … لكن كنت اقووول لكل شي حكمة … وبالفعل ربكم كريييييييم
والله والله والله يشهد على قولي … من عرفت ربي ما خسرت شي ولا زعلت على شي لاني اعرف ان الله ما يبغالي الا الخير
حبووااا الله لان الله يحبنااااا … وادعووولي ان الله يسر اموووري للاخر
ما عرفت كيف اووصل حبي لله لكن اتمنى ان رسالتي وصلت بما فيهااا …
وعد وعدته اني اخبر الكل عن حقيقة توكل … وها قد ابلغتها فانتفعوا بهااا
قصة توكل عشتهااا وسأعيشهاا
اختكم في الله
:: ن ف ا ف ه ::
