عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم وش اخباركم …. اخيرا لقيت وقت عشان اكتب فيه لكم عن قصتي بيوم ولادتي
طبعا كل شي ملخبط من بعد الولاده مافي نووووووووووووووووووم ابد والدنيا حوسه يبغالها وقت للتنظيم الله يسهلنا يارب
اول شي الدكتوره محدد لي موعد بيوم 31 ديسمبر ولادتي ولكن انا ولدت قبلها باسبوعين بيوم 18 ديسمبر الدكتوره حدد ت لي موعد مع الطلق الصناعي لان حجم الطفل كبير تقلي مع اني مااشوف انها كبير ولا شي بسم الله عليها
المهم انا صراحه كنت طفشانه من الشهر التاسع وفيني طفش شنيع كان وابي اولد واخلص لاني تعبت حيل والضغط ضاغط علي من اسفل وكنت تعبانه حيل المهم قالت لي حددي لي موعد اولدك فيه لو ودك فكرت وقلت خلاص يوم 18 ديسمبر يوافق يوم واحد محرم المهم قالت اوكي وحجزت لي موعد مع المستشفى . وكنت استخير لين قبل اروح للمستشفى
قبل لا اولد بيومين اخذت لي علقه ساخنه طحت في بيتي طيحة جامده وتعبت اكثر مااقدر اتحرك ولا احرك ركبتي ولا امشي ولا انام الليل من الالم ركبتي اتجلطت كلها واصباع يدي التوى من قوة الطيحه ويدي اليمين من جهة الكوع بعد ماسلم المهم اني تعبت وقتها وكنت خايفه لا سمح الله صار شي للبيبي وكنت اراقب الحركه
نمت وصحيت ثاني يوم لقيت سدادة عنق الرحم نزلت علي خفت في البدايه بس فرحت قلت يمكن اولد طبيعي بس ماحصل هالشي بس ثاني يوم رحت لموعدي كان يوم الجمعه اول يوم بمحرم قالت لي الدكتوره الساعه 7 ونص اكون بالمسشتفى يومها بالليل ما نمت زين وافكر واحاتي وزوجي ما نام غير الساعه 6 الصباح والساعه 7 طلعت ورحت المستشفى المهم دخلوني غرفة الولاده وقالو لنا خذو راحتكم انا وزوجي وجات المد وايف تسوي لي بعض الاجراءات وكشفت على البيبي وقالت انها مبسوطه هههههههه المهم سالتني قالتلي فطرتي شي قلت اكلت زيتون ضحكت وقالت تحبين تاكلينه قلت لا بس اليوم قالت اجيب لك فطور وجابت لي لوزوجي وفطرنا شوي المهم جات الدكتوره الساعه 8 الصباح وحطت لي الجل حق الطلق الصناعي وطلعت وجلست من 8 ونص لين 12 ونص وانا مااحس باي شي فرحانه اقول هوه ذا الطلق الصناعي ياسلام ههههههههه المهم جابو لنا غداء وما اتغدينا انا من الخوف وكل شوي اقلهم ابي ابرة الظهر من الخوف الساعه 11 ونص جاني دكتور ابرة الظهر وركبها لي وصار يجيني كل نص ساعه او 10 دقايق يشيك على مستوى التخدير عندي مسكين تعب حيل معاي هههههههه مو راضي يمسك فيني التخدير مدري ليش. المهم الساعه 12 ونص تجي الدكتوره وتفتح موية الراس بجل وربي كان عذاب حيل بس الحمد لله على كل حال
من 12 ونص وانا اعاني من الطلق يروح ويجي وكنت اكل تمر وادعي واستغفر الحمد لله ما كنت اطلع صوت ولا شي كنت ادعي واون شوي وحق ابرة الظهر كل مايجي يشوف مستوى التخدير يلقاه انه يبيلي جرعه اكثر ويزيد ويروح ويرجع يلقاني تعبانه ويحط لي تقريبا حط لي 15 جرعه واخر شي حط لي نوع ثاني الحمد لله خفف وماسرت احس بالالم وكان مره يضحك كل ما دخل شافني اتالم يقعد ينكت ويسولف مع زوجي واخر شي قال انا الظاهر جيت اعالج ركبتها هههههههههههه
المهم من الساعه 12 ونص لين 6 ونص وانا احس بالطلق مع ابرة الظهر اخر شي من بعدها ماحسيت قعدت ساعه ما حسيت بالالم والبيبي ماشاء الله راسها مو ثابت في الخوض وبس تتحرك وفي نفس الوقت مكسله شكلها ما ودها تطلع للدنيا
المهم الساعه 7 وربع كانوا المد وايف يقولون لي اسوي بوووووش وكنت اسوي تقريبا اكثر من 20 مره وكانت كل ماتجي طلقة يمسكون البيبي ما تتحرك وادفع طبعا انا مااحس بنفسي من اسفل ورجولي فكانوا هم يقولون لي وقت الطلق ادفعي وانا مااحس بنفسي ابد
المهم كلموا الدكتوره وقالت الدكتوره انها بتجي تشوف الوضع يوم جات وشافت قالت لي طالما البيبي بتتحرك وحجمها كبير وماهي راضيه تساعدنا بالطلوع >>>>> عاد انا وقتها قلبي طاع خفت تقلي عمليه بعد هذا التعب كله
قالت بنحاول نشفطها قلت سوي اللي تبيه بس خلصيني تعبت حيل المهم جات الدكتوره وسحبتها بس وربي سحبهم حلووووو وخفيف مره ولا حسيت بشي ابد وكانت تقلي سوي بوش يوم شافت الراس بس سحبته على خفيف وبعدين كملت هي سحبت البيبي بيدها وما حسيت الا وهي فوقي الله يحميها صح حسيت بنزلتها على خفيف بس اهون وطبعا مااحس برجلي ولا بشي ابد وبدات تخيط لي وانا العالم كلها تتصل علي ومافيني خلق اكلم احد والدكتوره شغاله خياطه
بس جاني الم بالعصعص لين الحين بس الحمد لله على كل حال الله يخفف ويهون علينا وجلست بالمسشتفى اربع ايام كلها كانت تمام الحمد لله ورعاية كانت رائعه جدا
يالله عقبالكم يارب
