عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اول مره اكتب بهالقسم ومره اتاثر لاقريت قصص ناس حملوا بعد سنين من الصبر والانتظار بس اهم شي عدم الياس
القصة لاخد العظه والعبرة وهيا لجدتي
جدتي يابنات تزوجت يوم كان عمرها اثناعشر سنه لان امها وابوها توفوا وزوجتها عمتها وظلت المسكينه 20 سنه ماحملت وكانت دايمن تدعي وتتهجد وتستغفر وعمرها ماياست وكانت كافله ايتام ودايمن تفعل الخير هيا وزوجها وكان زوجها يحبها وصابر الي ان جا يوم من الايام وانقتل اخو جدي وجوا لجدي على اساس يطلبوا منه عفو ومن دا الكلام وكان عندهم مره عيب ادا سكت عن دم اخوه يطيح من عين الناس
وكان جدي مصر انه القاتل ينقص وكانت جدتي تترجاه يعفو عنه وتترجاه وسبحان الله يوم القصاص والناس مجتمعه وحان وقت القصاص نادي جدي انه سامح القاتل وكبروا الناس وفرحوا ودعوا له الله يحقق الي فباله ووالله تحلف جدتي انها حملت بنفس الشهر تعبت وماكان ببالها حمل ابدا ولما راحت للدكتورة قالت شكله حمل وفعلا جابت امي حبيبتي بعد 20 سنه وبعدين الله رزقها كمان 3 بنات وولد ماشالله الله يرحمها كانت دايمن تحكينا حكايتها وتقلنا دايمن خلوا حاجه ببالكم ان الله قادر علي كل شي حتي لو مرت السنين وفقدتي الامل ماتدري ايش يصير سبحان الله ياريت الكل يكون رحيم عشان الله يرحم بحاله والله يرزقكم كلكم يارب امييييييييييييييييييييييييييين وكل وحده تدخل وتكتب قصتها
ادعولي الله يثبت حملي ويرزقني طفل سليم ومعافى
