قصة حملي مع ولادتي ………………………..

حبيباتي الفراشات انا حملت بكتكوتي بعد ثمان شهور من الانتظار
وعرفت اني حامل فية يوم ثالث عيد الفطر المبارك
كنت انتظر الدورة انها تجيني يوم العيد بس ما شرفت
فقلت احسن جان استانس يوم العيد والله يسهل لثاني العيد مع ان دورتي منتظمة
المهم سويت تحليل في البيت وطلعت حامل بشرت زوجي بعد اذان الفجر كنت مصحيتة حق الصلاة
المهم
وطافت ايام الحمل
وانا دخلت احين
تقريبا بداية الشهر الثامن
وكل اموري ما شية الحمد لله

وكنت رايحة ذاك اليوم حق الدكتورة وطمنتني ان كل اموري تمام
وامور البيبي عال العال

كان يوم الاربعاء
رجعت من الموعد قلت خلني اريح شوي وبعدين اصير خير
قعدت من النوم

واهني بدت القصة
مااحس ان البيبي يتحرك

احين بنتظر بجوف
احيين بيتحرك كتكوتي ومااحس تميت استعيذ من الشيطان الرجيم
وانا موسوسة
ولاني من النوع اللي يحاتي
اتصلت في امي وقلت لها بجييك
ورحت على بيت اهلي
وتميت ليوم ثاني وانا كل اشوي اقول البيبي ما يتحرك

يوم الخميس العصر قررت اني اروح المستشفى اجوف شنو سالفت كتكوتي ياانه يرقد حزت اللي اناارقد ويقعد حزة اللي اناارقد
فرحت دخلت على الدكتورة سوت لي
الترا سوند قالت لي ان الماي مال المشيمة ناقص ولازم تتنوميين

امي كانت معاي قلت لهاان الدكتورة اتقول جذي جذي
قالت لي اوكيه احسن لج واحسن حق البيبي عشان ما تحاتيين بعد
اتصلت على زوجي وقلت له تعال لي المستشفى
لان برقدوني
فقاللي ليش وشنو صاير قلت له ان ماي المشيمة ناقص وان بخلوني تحت الملاحظة
وقلت له لا تجي الا معاك لبس حقي
ومسكين جه ومافي شيء يناسب الثاني كل شيء غير
المهم
خلوني تحت الملاحظة وكل شوي تخطيط وتصوير عشان يتاكدون ان البيبي امورة تمام
فقالت لي الدكتورة بعد ثلاث ايام ان دقات قلب البيبي تمام
فتقدرين اتروحين البيت
بس لازم تحاسبيين حق تفسك
وان كل يومين تجينى
المهم تمييت كل يومين امر عليهم
وبعدين يوم جريب ادخل شهر بكم يوم رحت
قالت لي الدكتورة الماي وايد ناقص فلازم انسوي لج طلق صناعي
واذا احتاج الامر قيصرية
طلعت حق زوجي وانااصيح
اقول ل ه خلي اشقون بطني كامل بس اطلعون ولدي صاحي مو مهم انا
ما فهم ولا شيء من اللي قلت راح حق الدكتورة وقالت له شنو صاير
المهم قالت لي المفروض اتكون اغاضك واغراض البيبي جاهزين
فقلت لها بلا كل شيء جاهز
فقالت لي خلاص روحي البيت ريحي وتعالي لي بالليل
قلت لها خاص
اتصلت على امي وقلت لها ماما خلاص بولد
وبمااني بكرية امي فهي مستانسة انها راح اتصير جدة جديدة
المهم رحت البيت وجهزت ورحت المستشفى وانااضحك
خلاص راح اجييب كتكوت صغير
كان يوم الاحد بالليل
يوم الاثنين جت الدكتورة سوت لي تخطيط قالت لي ان امور الكتكوت مستقرة
وراح ان شاء الله انهياك حق الطلق الصناعي بكرة
يعني يوم الاثنين
وانا مستانسة خلاص راح اولد
يوم الاثنين بالليل تميت اتمشى بالقسم
قلت خلاص اليوم دخلت شهري خلني اولد بسرعة احسن
يوم الثلاثاء جتني الدكتورة قالت لي مستعدة عشان اهياك حق الطلق ضحكت وقلت لها اي مستعدة
جك جك جك
سالتني ما حسيتي بالم
قلت لها شوي
ما يالمك ظهرك
قلت لها بلا شوي
بس لاني ماشية وايد امس وخلاص دخلت شهري
فقالت لي عموما انتي ما تحتاجيين طلق صناعي
لانك انفتحتي خلاص
يعني بعد امشي شوي وراح تولدين ان شاء الله
ما صدقت خبر سيدة اتصلت على زوجي خلاص بولد
بس مو احين يبي لي شوي
مصدقة روحي بسرعة بولد
المهم
تميت امشي شوي
فقلت شكلي ما بولد احيين خلني ارقد والصباح رباح
رقدت
وجت الصبح والالم اروح واجي
وانا مستانسة بولد خلاص
ماادري شنو جايني في الطريق
المهم جات الساعة 11 الصبح جتني الممرضة وقالت لي يالله جان تستعدين بنودييك غرفة الولادة
رديت عليها والضحكة مليانة وجهي صج
قالت لي اي
فقلت لها عطيني 5 دقايق اتسبح شوي
ضحكت وقالت لي اوكيه
بس لا تتاخرين
اتصلت على زوجي وقلت لها تعال بودون غرفة الولادة
واتصلت على امي وعلى ابوي
لانه كان يوم مميز
يوم حفل تخرج اخوي الصغير من الابتدائي
واختي من الاعدادي
واخوي الكبير من الثانوية
المهم ودوني غرفة الولادة
واحيين تبدى القصة
الفراشات اقولون لي عنبوووووووه كل هذا وما بدت قصة الولادة
المهم استقبلتني الدكتورة وانا اضحك
وقالت لي اول مرة اجيبون لي وحدة بتولد وتضحك
قلت لها انا
المهم قالت لي اجين ببط جيس الماي اسرع لك واسهل لك بالولادة
وكنت وكتها 4 ونص سانتي
المهم فتحت الكيس
واول سؤال سالتها كم يبغى لي عشان اولد فقالت لي 7 او 8 ساعات
فقلت اوكيه يالله نصبر
المهم سالت الممرضة زوجي جه فقالت لي واقف برة
فقلت لها خليه يدخل
ودخل زوجي
اول مااستقبلته رجعت عصارة بطني كلها
وبدى الام
واناافتر يمين يسار من زود الالم
فقلت ابد ما يسمع مني ولا صوووت
بجم طاقتي حق الولادة
ولاااااااااااااااا بدى الالم يزيد يزيد وانا كل شوي ارجع الله يكرمكم
وكل شوي اقول حق الممرضة ابي ماي
بعد مرور ساعة قالو حق زوجي يطلع برة
عشان بيجوفون جم صرت
وانا تمسكة ولااصيح بس كل شوي اخ واخ
من غير صراخ
عطوني ابرة مهداة عشان اريح
وحطو علي السيلان
فتحت عيوني من زود الالم وقالت لي الممرضة ان امك برة مع ابوك
فقلت لها خلي بس امي تدخل
دخلت امي وقلت لها من زود ما احس ان روحي بتتطلع ومافيني ابد قوة اني اسوي شيء
اني خلاص راح امووت
وان ولدي امانة عندك ربية وعلمية ولا تعطينة عندي
وقلت لها نادي ابوي
ودخل ابوي
ونفس الشيء مسكت ايدة
وقلت له
بابا انا راح اموت خلاص
قررت جني الموووت في يدي خخخخخخخخخخ
اني خلاص راح امووت
ولدي امانه في رقبتك الى يوم الدين
ربة وعلمة ولا تعطيه احد
حتى ابوووه انت ربة خله اذكركم فيني
اسوي جذي عشان اكسر خاطرهم
خخخخخخخ
المهم
جت الدكتورة وقالت لهم حلاص طلعو برة
طلعو برة
خواتي ثنتينهم اصيحوون برة يوم سمعوني اوصي
دقيقة ولا الدكتورة اتقول خلاص عدلو السرير حاله ولادة
وتمت الممرضة اتقول لي عصري مع الالم
واناارد عليها مافيني قوة
اتقول لي حاولي واناارد مافيني شدة خلاص
بعدين اتقوللي البيبي بيتعب
طلعت الامومة خلاص بعصر
وتمييت والا احي حرارة شديدة فتحت عيوني لدرجة حسيتهاانها بتطلع برة
واهي اتقولي عصري بسرعة راس البيبي بيطلع
وعصرت عصرة لحد احيين اذكرها
وطلع كتكوتي وعطوني اياه
تمت دمووع الفرح تنزل بدون شعور
عطوني البيب يعلى صدري وانااقول حق الدكتورة جوفي حبيبي اشابهني

مصدقة روحي بحالته ووصخة واقول اشابهني

فياحبيباتي
نصيحة من فراشة اتحبكم
ابد لا تستنزفزن طاقتكم في الصراخ
اذا وتو جذي ما بتصير عندكم طاقة للدفع
استقبلو الولادة بالضحك
انا كل ما يجيني الم كنت اقول لا بعد بصبر اكيد بيجيني الم ازيد
والحمد لله انتهييت من الولادة بعد ساعتين من دخولي غرفة الولادة
يعني كل وحدة لازم اتهيا روحة صح
وانا بعد بعد ما ريحت
يعني ولدت الساعة 1:38
البنات اللي جوني الساعة 8 كنت اقول لهم عندي استعداد اعيد التجربة مرة ثانية
والحمد لله احين انا توني حامل شهر ونص الله يثبت لي حملي
ويرزقني الطفل الصاحي المعافى هذا اهم شيء
والله يرزق الجميع ان شاء الله

واسفة يا بنات طولت عليكم