قصة حب ربما تهلكني وتهلك من أحبه

أبي أحكي لكم حكايتي عسي أن تساعدوني وش أسوي لاني مو قادرة أفكر

انا بنت عمري 22 عام من الرياض وانتهيت دراستي الجامعية
عندي ماشاء الله اخوان واخوات وكلهم متزوجين وانا اخر العنقود وماتزوجت للحين بالرغم من الخطاب ال تقدموا لخطبتي لكن كل مرة ارفض لاسباب اما غير مناسب او اسباب اخري

في يوم ابوي قرر ان نروح جده نقضي الاجازة فيها وحجز لنا بالفندق والطيران وكل شيء وطلعنا كلنا انا واهلي
تعرفت علي شاب مصري مقيم في جده
شاب مؤدب ومحترم و مدري وش أقولكم عنه ربما اكون مبالغه لكن هذه الحقيقه ال اشوفها فينه
هو يعمل مهندس بشركه بتروكيماويات وماشاء الله عليه وسيم
قعدنا في جده لمده اسبوع و كان كل يوم اشوفه ويشوفني لكن اكيد من بعيد حتي اهلي مايشعرون

طلب مني انه يتواصل وياي كأصدقاء وبالفعل عطيته ايميلي ومدري كيف عطيته كاني مو داريه وش بسوي لكن من حالي وبدون اسباب عطيته الميل وهذه اول مرة شاب يعرف اميلي حتي اهلي مافي احد يدري عنه غير اخواتي او صديقاتي وقت الجامعه

رجعنا علي الرياض واول شيء سويته اول مادخلت بيتنا فتحت الميل وكنت خايفه انه ينسي يضيفني
لكن حصلت ضايفني وكتب لي اتمني اكون من اصدقائك

يومين وحصلته اون لاين وصرنا نكتب لبعض ونتكلم كل يوم ممكن بالساعات والله وهو ماتخطي اي شيء من حدود الادب والاحترام
مع الايام حصلتي روحي متعلقه فينه مرررة وهو كمان نفس الشيء متعلق فيني بطريقة غير معقوله وماصرح لي بحبه لي ولا انا صارحته بإعجابي به

في يوم كنا نكلم بعض و قالي ابي اقولك علي شيء مااقدر اخفيه اكتر من كذا

قلتله وش فيك قول

قالي أنا بحبك و ماأقدر أعيش من دونك
انا سمعت هاالكلام وانا قلبي كاد ان يوقف ويخرج من صدري

قلت له وش تبيني اسوي
قال انتي عرفتي مشاعري لك الحين وابي اعرف وش عندك انت
ماقدرت اخفي عنه وصارحته اني احبه

قالي تقبليني زوج لكي وكنه مايدري عادتنا وتقاليدنا قلتله مستحيل هنا يوافقون
اهلي رفضوا عرسان كتار قبل وماراح يوافقون وانا من قبيله معروفة جدا
هو شاب من عايله محترمه ووالده يعمل دكتور في مصر ووالدته دكتورة جامعية وميسور الحال
الحين مر علينا اكثر من 6 شهور علي علاقتنا
يااخواتي انا احبه ومااقدر اعيش من غيره ورفضت بسببه عرسان
هو كمان اهله اكيد ماراح يوافقون انه يتزوج من خارج بلده لكن هو قالي انا مستعد احارب علشانك اي احد ولو تبيني اكلم اهلك انا بيجي اليوم بيتكم واكلمهم
ابوي عصبي جدا واخواني واخاف عليه يسوا فيه شيء سوء
حاولت اقول لامي ولو اني المح لها من بعيد وحصلتها ماتمانع لكن تقولي وش اقول لابوك لو دري

ساعدوني يا اخوات

انا مااقدر اشوف روحي مع رجال تاني غيره
هذا اول شاب احبه بحياتي كلها وهو يموت علي وللحين ماتزوج بسببي واهله تعبوا من كتر الكلام معه بخصوص زواجه وهو رافض بسببي

دموعي تنزف من عيوني كل مااشوف عريس جاي بيتنا يبي يخطبني