عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياأحلى اعضاء المنتدى ^^
المهم انا بكتب لكم قصه ابتعآثي لاأستراليآ
طبعآ قدمت على بعثة خادم الحرمين الشريفين قبل العام
والحمدلله جاء قبولي قبل 4 شهور
وطلعت الفيزا وقبولي بالمعهد بسرعه بسرعه ^^
فقآلو لازم تختـآرين مرافق معآكي
طبعآ اخترت اخوي الكبير لاني ماعندي احد غيره
صرت انا المبتعثه وهوآ المرآفق
طبعآ رحلتي لسدني كانت كالتآلي
الريـاض ==> دبي ==> سدني
وكانت الرحله من دبي الى سدني 16 ساعه
وجهزنـآ اغراضنا وكل شيء فودينا الشنط قبل رحلتنا بيوم
طبعآ قبل الرحله بيوم ماقدرت اناام كنت افكر وراسي بينفجر من التفكير^~^
تعرفون خلاص الواحد بيبعد عن اهلهآ وبنفس الوقت كنت مره زعلانه
عشاني ببعد عن امي وابوي الله يخليهم لي
طبعآ جاء الفجر وصليته ودعيت ان ربي يتمم سفرتنا ع خير
يوم جات الساعه 7 الصبآح قال اخوي يلا الحين بنتاخر عن المطآر
المهم جهزت حالي بس يوم كنت ابي اطلع من باب بيتنا قمت اصيح
عشان شفت امي تبكي وحاولت اهديها انا واخوي والحمدلله هدت اخر شيء
وقلت لها ان شاءالله قريب بنرجع وقالت الله يوفقكم يآرب
ووصت اخوي علي قالت انتبه ع اختك
قال اخوي ولايهمك ومايصير خاطرك الا طيب ^^
المهم طلعت وركبت انا واخوي سيارة عمي لان هو اللي بيوصلنا للمطار
المهم وصلنا المطار ولقينا قدامنا خالي ع اسااس انه بيودعنا
وان عااد اكرره شيء اسمه ودآآع
بعدها سلمت عليه وركبنا الطياره الساعه 8 ونص
والا قالو لنا اربطو الاحزمه الطايره سوف تقلع الان
اخوي ربط حزامه بالغلط ههههههههههه
عاد يوم اقلعت الطياره الا واخوي بووووم ع وجهه
خبط خبطه على وجهه الا بعدها قمت اضحك عليه 😛
وتجي المضيفه هنديه اصلهاا قالت لاخوي ??Can I help you
اخوي استحى وقال لها No thanks
بعدها مشت الامور تمـآم
افطرنا ونمنا شوي ووصلنا لدبي الساعه 11 الصباح
وبعدهآ نزلنا من المطار وخلصنا شغلنا وكل شيء
وحجزنا فندق نرتاح فيهآ لان رحلتنا لسدني مو بنفس اليوم قالو لنا بكره
وارتحناا
والساعه 2 الظهر طلعت تمشييت باأسواق دبي
واشتريت لي شوية حاجاات
بصراحه مرآ استانست
ورجعت الفندق الساعه 6 المغرب واخوي كان نايم
عاد انا اخانق فيه اقول النااس تتطلع تتمشى وانت نايم لسى ههههههه
يقول شسووي مانمت زين بالطياره
وبعدهآ قام اخوي وتوضا وصلي وراح للمطعم بيجيب عشاء
ومن حسن حظنا كان المطعم قريب من الفندق
واخذ عشاء وتعشينا وخلصنا
والا شوي واخوي يرجع يناام هههههه
قلت له ياخي حرام عليك ارحم نفسك شوي
تووك صاحي من النووم
تووك صاحي من النووم
رد علي يقول مو شغلك هههههههه
وربي رحمته قلت له اوكيه نوم العوافي
بس نام زين واشبع نوم
عشان بكره ماتناام بعد بالطياره ➡
المهم وتصير الساعه 10 ورحت نمت وصحيت الفجر
وصحيت اخوي معي
وصلينا وجهزنا حالنا عشان بنروح للمطار
لان رحلتنا الى سدني الساعه 9 تبدآ وصلنا المطار تقريبا 8
وخلصنا كل اجراءتنا
وركبنا الطياره وجلسناا وقالو لنا اربطو الاحزمه
وقلت لاخوي انتبه لاتربطه بالغلط مثل ذيك المره هههههههه
وقعد يضحك
وكانت خدمات الطياره الاماراتيه مرره روووعه بصراحه
المهم جلسنا 16 ساعه بالطياره بس ماحسينا بالوقت
لان نمنا بالطياره
وصحيت وانا مادري عن الوقت
وناديت المضيفه وقلت لها اي ساعه نوصل ؟
قالت باقي ساعه ونص
قلت لااخوي يووه نمنا نوم بصراحه مو بسييط
قال اخوي تصدقين احس اني ماشبعت نووم
قلت له بعذرك انت اصلآ كلك درزن نووم 😐
المهم مرت هالساعه ونص بسرعه وبدينا ننزل لمطآر سدني
بسررعه النزوول كااان مرره يدووخ 
نزلنا لمطار سدني وخلصنا كل الاجراءات بالمطار
وعلى طوول حجزنا فندق وارتحنا شوياات وكاان جو سدني مرره باارد
والحمدلله كنت ماخذه احتياطي انا واخوي وجبنا ملابس شتويه
واللي بعدها بدت دراستي اسبوعين من يوم وصولنا لسدني
وطبعآ انا مخلصه ثانوي من اربع شهور
من خلصت ثانوي على طول سافرت لسدني
وصارلي الحين 4 شهور في سدني
واخوي بيكمل ماستر هندسه معماريه
والحين انا واخوي ندرس معهد لغه انجليزي
عشان نقدر ندخل جامعه ونكمل
وناويه اكمل دراستي عشان اقدر ادخل طب باأذن الله ^^
وان شاءالله بنزل صور بنفس الموضوع عن سدني بشكل عام
دعواتكم لي انا وأخوي بالتوفيق
ترا من الطفش كتبت لكم قصتي 
يلا اهم شيء تستانسوون 😆 hy:
واتمنى يكون عجبكم موضوعي ^_^
