قصةولادتي ببنتي

هلا فراشات وكروشات رجعت لكم بقصة ولادتي
الي معاي في تجمع الشهور الاخيره يدرون بقصتي
الله يسلمكم انا من نهاية السابع وانا اعاني لان بنتي كانت جالسه في بطني والدكتوره قالت لي ان البيببي مقعدي وقالت لي احبي بس قالت لي لاتمشين لان المشي ينزل البيبي في الحوض ويسرع الولاده
المهم انا حبيت ووتعبت ولا في فايده ودخلت الثامن وكل مره اروح تقول لازال على وضعه وفي نهاية الثامن نزل معاي دمورحت مستشفى المانع بلحسا طوارئ واكشفت على الدكتوره المناوبه القابله وشافت الدم واتصلت على الاستشاريه وقالت لها عن حالتي وان البيبي مقعدي وقالت لهم جهزوها عمليه
انا هنا مت خوف جلسوا يجهزوني وجابوا لي دكتورالتخدير وماباقي الا تجي الاستشاريه ويدخلوني غرفة العمليات بس الحمد لله لما جا الاستشاريه الدكتوره منال وكشفت علي قالت بناجل العمليه لاني توقعت الدم اكثر من جذي المهم حطوني تحت الملاحظه يوم كامل وخف الدم وتنيمت ثلاث ايام وبعدها طلعت بس الدكتوره قالت لي لاتمشين عشان ماتنزل الرجول في الحوض
المهم كل موعد اروحلها فيه تقول لي البيبي على حاله وانا نفسيتي تعبت لاني ماابي عمليه ولما مابقى الا اسبوعين على التاسع قالت لي تعالي ونسوي لج تدليك بس انا خفت وقلت لها ماابي بس في النهايه استسلمت ورحت وسوى لي دكتور الفر بس بنتي عنيده ماانفرت وقال لي الدكتور مبقادر افرها لان الماي ناقص اشوي وماابي اعورج ولا اعور الي في بطنج خلاص ماافي الا عمليه
انا خلاص عرفت ان مافي امل تفتر وان الحل الوحيد اهو العمليه وحددت لي الدكتوره موعد عشان العمليه وعشان ماتبي يجيني طلق ويتنزل رجل وحده ولا يتعور ظهر بنتي وتوكلت عل الله ورحت وسووا لي العمليه والحمد لله ولدت بلسلامه وجبت بنوته وسميتها جيهان
ولماشفت بنتي نسيت كل التعب وهان على الم العمليه
ونصيحتي لكل وحده في مثل حالتي لاتستنى الى ان يجيها الطلق لان الطفل المقعدي ولادته صعبه ومخيفه لان احتمال تزل رجل وحده بس ويتعور البيبي ولا يتعور العمود الفقري ولا يتوفى لاسمح الله فاتكلي على الله وسوي العمليه ولا يروح تعبج بلفاضي
والله يهون على كل حامل يارب بولاده سهله
اختكم فاقده الذاكره