قصةة ولادتي بكتوتي الشيخ عزوز

كيفكم

الله يهون على كل حامل

..۔

طبعا انا والدة لي 3 شهور

بس توني افضى
..۔

بسم الله نبدأ

صحيت يوم الاثنين 11/ 8 الساعة 11 ونص الظهر كالعادة بروح للحمام وانتم بكرامة

ورحت ورجعت بنام والا مغص ويادوب اخذت لي غفوة ويرجع

طبعا بينهم فترات طويلةة

ومستمر عيا يوقف ودخلت هنا الفراشةة اسأل فالتجمع وماقصروا البنات

واستمر وقمت شربت قرفةة و اكلت رطب وشووي وارجعه كله

الى المغرب واروح للمستشفى وسبحان الله ما اخذت الشنطةة معي

واروح والقى دكتورتي اللي اتابع عندها وتكشف علي قالت 1 ونص لسى بدري عليك

روحي امشي وسويلك مغطس دافي

واروح لواحد من المولات والطلق فيني ماوقف بس فترات متباعدة وافررر فيه شوي واخذ عشاي وارجع البيت

واقوم وانظف واغسل الملابس ما ابي اولد وبيتي مو نظيف واخلص واسويلي مغطس دافي مايل للحرارة

واطلع واريح اغفى واقوم من الالم ومن بعد الساعةة 2 صار بين الطلقة والثانية 7دقايق وبدت تقل لين صارت

ورآ بعض وصابرة وزوجي معي ودخلنا الغرفةة بنآم عالساعةة4 وتوني حطيت راااسي وتجيني طلقةة وتنزل

المويةة معها

واقوووم مفجووعةة تنزل بشكل مو طبيعي تخوووف وادخل الحمام واخذ شآور و زوجي لبس ويصحي اهله

ونطلع للمستشفى وتكشف الدكتورة قالت 4 سانتي بغيت اسوي حفلة من الفرحةة 😈 حسيت ان

الفرج قريب ويطلعوني لغرفةة الولادة ويحطون لي الحقنة الشرجية 😛 وسألوني تبين ابرة الظهر قلت ايه

ويجي دكتور ويشرحلي ويتكلم عنها والاوراق علشان اوقعها

وقعت وجاء الاخصائي وحطها لي والحمد الله ارتحت بعدها ماعاد حسيت لدرجةة حط كيسةة فيها ثلج ما

حسيت فيها

ورآحوآ وعالساعةة 6 تجي الدكتورة تكشف 4 والطلق شغال مبين عندهم فالجهاز وطبعا خلوو عندي ممرضة

تقوم فيني حتى المويةة اقولها ما ابي << من القلللق قامت عطتني بالقوة

وجت الساعةة 9 وتجي تشيك لقته 4 ولا زاد ولا سانتي والطلق خف 😳

قآمو عطوني صناعي ويجووون الظهر وتكشف الا هوو 4

لحد ما جات الساعةة 4 يعني كملت 12 ساعةة عندهم وعيا يزيد عن الاربعة

وتجي الاستشاريةة وتكشف قالت مارح ينزل البيبي خلاص عمليةة 💡

عاد انا طووول صابرة بس قالو عملية 😛

مافي الا زوجي جنبي واهله اهلي بعيدين عني

وماعمري سويت عملييةة قالت جهزوها ويجهزوني وبما اني ماخذة ابرة الظهر زودوها شوي يعني مو بنج

امل واقول لزوجي ابيك معي ويلبسوووونه ويدخل معي

4 وربع دخلت وبدت الدكتورة تفتح طبعا قالوا لي لا حسيتي علمينا ونعطيك كامل ووصلت لمرحلة حسيت

بألم واقولهم وماعاد حسيت الا يوم صحيت من البنج الساعةة قدامي 5 ونص واسأل عن صغيري

ويجيبوووووووونة ماني قادرة اشوفه زين وقامت وطلعت له صدري وخلته يرضع شوي وانا في دنيا ثانيةة

وبعدها طلعوني غرفتي ويجي زوجي ويبوس راسي ويدخلون اهله۔

قعدت بالمستشفى 4 ايام وبصراحةة مستشفى ولا اروع عنايةة اهتمام نظافةة حرص

طبعا مستشفى سعد التخصصي

والحمد الله على سلامتنا

ملاحظآت

1/ جهزي شنطتك مو على اساس انه طبيعي انا سويت كذا وتوهقت صار ناقصني ملابس

2/ ابرة الظهر الحمد الله نعمة ورحمة من رب العالمين يكفي ريحني من الم الطلق والحمد الله ماعانيت من

اي اثار جانبييةة

3/ مستشفى سعد رجعوآ لزوجي حق الابرة بس مو كامل رجعوا له 1100

…..۔