عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بما ان هذه اول زياره لي و بما انني عضوه جديده
اخترت ان ابدأمشاركاتي هنا في زاوية الشعر الذي اعشقه كثيرا
وانتقيت هذه القصائد التي اتمنى ان تنال اعجابكم للشاعره تذكار الخثلان واعدكم ان شاء الله ان اقدم المزيد ,,
يابخت كل من لاضاق يكتب قصيد
مير البلا ليمن غدا شعرنا هم
نكتب ونرجع ماكتبنا نعيده
احساسنا… مهما شرحناه ماتم
لا الجرح يبرا ولا المعاني تفيده
تبكي الحروف وتنتثر همومنا دم
**********************
لا…. تعاند…!!!!
لاتعاند ثم اسويها واغيب
ولاتهددني ترى كلي….. عناد
يعني ..وش يعني تكون اول حبيب
او تكون انت الوحديد بها المداد
ما ابالي ان غدا دربي صعيب
وما اخاف ان كان موتي في البعاد
ولا تظاهر بالجفا وانت قريب
وانت في بعدي ..يجافيك الرقاد
ورغم ذا لا انا ولا انتا نستجيب
انتا في وادي وانا مثلك في واد
اعرفك واعرف شعوري ما يخيب
لو بعدت احلف بان… الحب زاد
وخايفه من اللي توقعته يصيب
العناد ثم الموادع ……. والبعاد
*****************
ساعة الفرقى
رح لاتزود همومي هم وارحمني
وابعد وسافر وخل النوح للورقى
رح ما ابي لك وداع ولاتودعني
مافيه داعي تصير عيوننا غرقا
وش لي بدمع الوداع اللي يعذبني
دامه يخلد في قلبي آآآهة الحرقا
بالله سافر بكل هدوءك وطعني
ما ابيك حتى دقيقه واحده .. تبقى
سافر وخلني اقول بكل ماتعني
كلمة توكل وروح بدون ما ..اشقا
تبي الصراحه؟ بقولك شي واسمعني
الله يقطع محبه بعدها .. فرقى
************
دفوف ….. واعراس
ادري بقلبك ساكن انسان غيري
وادري بانه صار لك أقرب الناس
توي دريت انه تحدد مصيري
ونامت عيوني في ذرى خيمة الياس
غدين غصن ضيعه ناي طيري
يبكي وحوله ضحكة دفوف واعراس
ياما عطيتك كثر الله خيري
اني عطيتك قلب وشعور واحساس
ايه انكسرت وصار قلبي كسيري
يالله تفاخر وارفع بكسري الراس
ما انكر انك كنت اول اسيري
واني احسك مثل روحي والانفاس
ومادام قلبك راح لانسان غيري
اعرف بانك صرت من ساير الناس
*****************
الهرج كثره نقص والصمت حكمه
والعقل قله بالهروج الكثيره
كم لاجل كلمه واحد سال دمه
وكم ساكت كل الملا تستشيره
********************
وسلاااااااااااااااااااااااامكتم
ااختكم الفراشه **الحنونة**
