عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كيفكم من زمان عن هالقسم 
وخلال هذا الشهر فكرت أسوي اشياء بسيطه وماحبيت أبخل عليكم فيها لان أكيد في ناس مثلي تبي تسوي إنجاز خلال هذا الشهر 
قريت أشياء كثيره وجمعت أللي ابي اسويها وبعضها بدأت فيها من يومين وبإذن الله أنتظر الى العيد وأقابل الناس وأشوف وش يطلع لان أللي عندي يحطموني ومايشوفون التغير لانهم مقابليني 24 ساعه 😆 hy:
طولت عليكم يلا نبدء بسم الله
أول شي كنت أقرا عن البصل وكثير يكحلون عيونهم فيه وتميت أقرا له يمكن اكثر من شهرين متردده أنه اسويه او لا
وقررت أنه استخدمه وماما تقول إذا انعميتي انا مالي دخل 
وقلت زين ماعليك 😀
المهم قبل شوي رحت المطبخ وأخذت البصل الاحمر وجبت عود أسنان وقلت بسم الله وغرزت العود في البصل وكحلت أول عين وماقدرت افتح عيوني من الدموع وحرقان بسيط والعيون حمرت وقلت يالله دور الثانيه وسويتها مثل أختها بس دقيقه وأختفى كل الحرقان وعيوني أحس انها نظفت وبعدها غرزت عود ثاني ومررته على رموشي من فوق الى تحت وحرقني شوي بس على طول بردت وأحس عجبتني وبإذن الله بكمل الى العيد
(ملاحظه:اللي تقول ابغى اعصر البصل وتحطه بعلبه وتستخدمه كل يوم ما ينفع لان يتأكسد على حسب الكلام وممكن يضر العيون يعني لازم كل يوم وحده جديده..
الفايده:تقويه النظر وتطويل وتقويه الرموش وأي مشكله في العين ممكن تنحل ان شاء الله
والشي الثاني المضمضه بالزيت..
أنا استخدمت زيت زيتون أحس افضل لان قرأت كثير وهذا اللي أستنتجته
صار لي يومين أستخدمه على معده فاضيه أهم شي يعني مثلا قبل الفطور أو قبل الغدا تقدري تستخدميه قبل كل وجبه يعني باليوم 3 مرات أنا عن نفسي استخدمه مرتين قبل الفطور والغدا
وتجهزي كاس ماي فيه ملح بعد ماتنتهي تتمضمضي فيه وبعده تغسلي اسنانك بالمعجون عادي
الطريقه:تتمضمضي بالزيت وبعده تطلعيه ماتبلعيه واذا قدر الله وغلطتي وبلعتيه عادي مافي ضرر ان شاء الله وبعده كاس الماي مع الملح وبعده تغسلي اسنانك بالمعجون
الفايده:تقويه وتبيض الاسنان وأذا كان ضرسك يعورك يخف الالم ان شاء الله وأزاله الريحه الغير محبوبه
وتنظيف البطن سبحان الله وأزاله الاسمرار من أنحاء الجسم مثل حول الشفايف والركب والاكواع وأي اسمرار بالجسم ان شاء الله
وأيضا تنظيف البطن فيه ناس ماتمشي بطونهم كل يوم (أكيد فهمتو قصدي 😡 )
على حسب كلامي مع دكتوره أنه على الاقل دخول الحمام مرتين لعمل (الغائط) حتى لو تحسي مافيك شي أقعدي وانتظري نص ساعه لان أغلب الناس بطونهم منتفخه وهم ماياكلون كثير والسبب انه مايدخلون الحمام وأنتو بكرامه كثير لعمل الغائط على الاقل مرتين يوميا للجسم السليم
وللمساعده:اشربي ماي كثير حتى تحسي نفسك شبعانه وان شاء الله تقدري تعملي
لان الماي ينظف الجسم ويطلعه على أكثر من طريقه سبحان الله
وطبعا أغلبكم يعرفون فوائد الماي <قولي لنفسك 😈
الشفايف صار لي 4 ايام مداومه على لابيلو الفراوله لونه مايل على برتقالي(اول واحد بالصوره)
واحس شفايفي حلوه كثير مع انه كثير قايلين أنه يسمر ويخلوني انقطع عنه بس حسيتها مجرد كلام ورجعت له وان شاء الله اداوم عليه واشوف النتيجه لان الجفاف سبب السمار وبعد العض على الشفايف وتقشيرها سبب السمار حاولي قد ماتقدرين ماتسوي هذا الشي
لنفخ الوجهه:وضع الحلبه المطحونه مع الخميره حق العجين وشوي ماي
سوي مقدار يكفيك طول الشهر وحطيها بعلبه قزاز واحفظيها بالثلاجه وكل يوم حطي شوي في صحن وماي دافي شوي وحطيها على وجهك لين تنشف غسلي وجهك بماي بارد
(هذي الطريقه من صديقتي مشاء الله اغيب عليها شهرين او 3 وارجع القا وجهها منتفخ وقالت لي عليها )
وبس واللي حابه تشترك ونشجع بعض طول شهر رمضان تحط هذا الشعار أهم شي الألتزام وانا ان شاء الله أشتري باقي الاغراض الناقصتني وأبدء أول يوم برمضان أطبق كل شي
تنبهيات:مثل المضمضه أفضل يكون قبل الفطور بشوي يعني إول ما يأذن اتمضمضي فيه عشان لا قدر الله بلعتي شي عادي 😛
اما الكحل عادي أي وقت وانا ان شاء الله بحطه مرتين باليوم
قناع الحلبه عادي أي وقت حطيه
المرطب اي وقت أهم شي لاتاكليه
(الاستغفار الكثير أيضا سبب في إشراق الوجه)
وأيضا أحرصو اول ماتفطرون على تمره مهم هالشي
وان شاء الله نطلع بشكل غير بعد رمضان
لكل وحده تدخل
