قروؤوب ختم القرآن الكريمـ

هنآ ستكون زاويتنا اللتي نتفق من خلالها على التعاون من اجل التقرب من الله
وارضائه سبحانه…
هنآ سيكون ملجأنا اذا ضاقت دنيانا لاي سبب كان….
فراشاتي…
انا من خلال تجربتي بهالحياه…
سمعت كثييييير….وشفت كثيييير..
ومافي احلى من التقرب من الله والأتكال عليه… والثقه فيه سبحااانه…
هنا سنتعاون من اجل ختم القرآن بنية
الزواج… الطلاق<<تقصد نفسها….الذريه…تيسير الامور…الاستخاره…الرزق…او من اجل اي شي يتعلق بالحياااه وماذكرته…
انا ماكتبت هالموضوع الا بعد ماجربت هالشي بنفسسسي…
انا تزوجت من اقرب شخص وكنت اعرف تقريبا كل شي عنه
لكن اكتشفت اني مابعرف الا القشووور
ذقت الضيم سبع سنوات … الحمد لله على كل حال
ولما قررت اني اتطلق منه رفض
وماكان لي طريق الا الخلع
وتخيلو يابنات 3 سنوات وانا رايحه راده ع المحاكم ولا في اي شي تيسر
دايم تتقفل بسبب
المهم …. قبل شهر بس
قابلت وحده من بنات خالي
هي كانت من مدينه بعييييد عننا
لدرجة اني ماعاد اعرف اخبارها
المهم… البنت كانت متزوجه من واحد نفس زوجي ومايتخير عنه وكان يضربها الين تدخل بغيبوبه
المهم البنت هربت لاهلها
وطلبت خلع وصار لها نفس قصتي من مماطلة المحاكم والدوائر الحكوميه وغييييييره
المهم تقول صديقتي ملتزمه قالت لي اختمي القرآن طبعا قراءه مو حفظ…<< للتوضيح
تقول فعلا بديت اقرا كل يوم جزء
واراجع خلال هالشهر
وتقول والله والله والله مع نهاية اخر جزء الا ورقتي جاتني…
بعدها قررت اختمه بنية الزوج الصالح…
وفعلا قرأته وجاها ولد خالتي وخطبها وهي الحين زوجته وببيته ومهنيييها
عاد انا مالي اقرى الحين الا 15 جزء
والله يابنات ان اموري اللي كانت مستعصيه تيسسسرت وبدون جهد بعد
والحمد لله يوم السبت اخر جلسه واخذ الصك …
لا والحين كثييير يتكلمون علي وينتظرون طلاقي…
يابنات انا ابي افيدكم
بس قبل كل شي ثقي بالله.

,,,,,,,,,,,,,,,,,,,,,,,,,,,,,,,,,,,,,,,,

وبعد يافراشااااتي….
هنا اللي تبي تنظم لنا تاخذ الشعار وتحطه بتوقيعها
والله يسمعنا الاخبار الحلوه
وهنا نبي نكون اخوات سرنا واحد وهمنا واحد وحزننا واحد وفرحنا واحد…

والله يعيننا على رضااااااااااااه
وامانه اي وحده يتغير بحياتها شي تجي تبشرنا هووون