قبل نص ساعة بس كانت منطقتي الحساسة غامقة ؟؟؟ أما هلأ تعالي وشوفي شو صار معي(مجربة )

واليوم جايبتلكم وصفة انا قرأتها اكتر من مرة بس حرفت فيها شوي واستخدمتها بطريقتي وشوفي شو صار معي 😳

انا عندي المنطقة الحساسة شوي غامقة ولونها بيختلف عن لون جسمي يعني رجلي بيييييييض وهي لونها على بني .. وكتير معقدتني وبنحرج كتير قدام زوجي 😥

اليوم قررت اوضع حد لهالمشكلة 🙁 وقلت لازم اتغلب عليها 🙁

طولت عليكم بعرف . شوفو شو عملت
أولا : جبت زيت زيتون دافي ودهنت المنطقة فيه وبعدين جبت ليمونة قطعتها لنصفين وغمستها بالملح وصرت افرك المنطقة ، وبعدين مسحتها بقطن وغسلتها .

ثانيا : جبت 4 ملاعق نشا + 4 ملاعق ماء ورد + كاس ماء صغير وحطيتهم على النار لحد ما تماسكو شويييييييية / وخلي بالك انهم ما يتماسكوا كتر لحتى تقدري تفرديهم ، واستنيت لحتى بردت الخلطة شوييييييييية مو كتير ، يعني كانت دافية لما حطيتها على جسمي ، وبعد هيك دهنت المنطقة الحساسة فيها وخليتها ربع ساعة وجلست استغفر ، وبعد هيك غسلت والنتيجة كانت 😈 وااااااو عنجد فرق
هلأ انا ما بحكي انها صارت بيضا متل التلج متل رجلي ، لا ، بس بالنسبة لاول مرة بستعمل هالخلطة النتيجة كتير رووووووعة ، السمار خف بطريقة ملحوظة ، وان شالله رح استمر على هالخلطة لحد ما يروح السمار على الااااااااااااااااااااااااااااخر 😈
ورح اضل متابعة معكم واول ما احصل على النتيجة النهائية رح احكيلكم ، ادعولي

انا بس حبيت اكتب هالطريقة هلأ لحتى يللي بتحب تبلش معي وتحكيلنا شو صار معها وان شالله الله بوفقنا
ااااااااااممممميييييييييييييييين يا ارحم الراحمين

بس كمان حابة احكيلكم شغلة ،،، ازا حابين تتحقق كل امانيكم وتتوفقوا بحياتكم ضلكم استغفروا على الطالعة والنازلة لا تخلي لسانك يوقف استغفار وشوفي كيف كل شي بدك اياه بصير