عالم البنات النسائي كل ما يخص المرأة العربية من ازياء وجمال والحياة الزوجية والمطبخ
➡ مرحبا يا معشر الحوامل:)
.
.
لأني لاحظت منكم ما شاء الله كل وحده تحب لأختها الفراشه ما تحب لنفسها ومثل ما استفدت من الكثير قلت لازم أرد بعض من جميلكم ..
😆 🙂
وقلت انقل لكم بعض الاشياء اللي حسيتها فادتني جدا فترة نفاسي ولها نتيجه رااائعه الحمدلله
😐 🙂 😳
.
.
.
قبل كل شي:-
اذا قربت ولادتك أنصحك بعدم صب كل تركيزك على الولادة فقط اقرئي أيضا عن كيفية تعاملك مع مولدك الجديد خاصة الأمهات البكريات حتى ما تعانين من الوضع الغريب اللي بتكوني فيه
ولأنك الآن أم وقتك 24 ساعة لطفلك حتى لو كنت عند اهلك فترة الأربعين لازم تتهيئين للمسؤولية
وطبعا الكتاب اللي قرأته وفادني كثييييييير هو “موسوعة الفراشه للعناية بالأم والطفل” الغني عن التعريف
كتاب راائع انصح كل حامل فيه حتى لو عندها اطفال قبل..
**********************
انا راح اتكلم عن بعض المواضيع مو كلها وان شاء الله نصائحي تفيدكم
في البداية بقولك عن الـــرضــاعــــه:-
.
كلنا نعرف ان الرضاعة الطبيعيه هي افضل خيار لك لتغذية طفلك وخاصة في الاشهر الست الاولى عموما الرضاعه الطبيعيه في بدايتها راح تتعبين شوي بس لاتملين حاولي اكثر من مره صدقيني انا الحين اشكر امي كثيير انها ضغطت علي وخلتني ارضع البيبي طبيعي
هي صحيح متعبه لكن اذا تعودتي عليها بترتاحين غير فوائدها لك ولطفلك اللي ما تخفى على احد
بالنسبه للرضاعه الصناعيه واللي ممكن تضطرين لها في بعض الاوقات في اشياء لازم تعرفينها عنها
انتي قبل ماتطلعين من المستشفى اسألي دكتور الاطفال الاسئله التاليه:-
بالنسبه لوزن طفلي كم الكميه اللي تكفيه بالرضعه الواحده؟
اسم افضل حليب تنصح فيه لطفلي؟
كم عدد الرضعات باليوم الواحد؟
بين كل رضعه والثانيه كم ساعه؟
اذا ترضعين طبيعي اسألي
كم دقيقه لازم ارضع الطفل عشان اتاكد انه شبع؟
نصيحتي لك ان تحاولي كذا مره انك ترضعين طفلك ولا تتعبين وتقولين ما اقدر حتى لو طفشت من صياح البيبي وحسيتي نفسك حوووسه خلي امك تساعدك
ترا من حقوق طفلك عليك ان ترضعيه طبيعي
واحتسبي الاجر
اما للمعاناه العظمى وهي النـــــــــــــــــــوم:
النونو راح ينام بشكل متقطع يعني كل ساعه بيقوم بالكثير ساعه ينامها متواصله
انصحك اذا ماعندك مساعده نامي وقت ماينام واصحي اذا صحي
اما اذا عندك احد يساعدك جهزي رضعه او اثنين وغيري حفاظه ولفيه زين واعطيه امك او اختك او احد تثقين فيه وروحي نامي بغرفه ثانيه لو ساعتين صدقيني بتفرق معك وتريحك طوال اليوم بس لاتعتمدين على امك طول الوقت لان مصيرك ترجعين لبيتك لوحدك
انا كذا سويت وارتحت شوي
كمان اقرأي كيف تعتنين بالبيبي من عدة نواحي:
الحبل السري والطهار اذا ولد
تحميم الطفل ومتى المفروض يتحمم بعد ولادته
تغيير الحفاظ وتنظيف الطفل
تغيير اللبس
عدد ساعات النوم الضروريه للطفل ونموه
…
كل هذي الاسئله واكثر انا لقيت اجاباتها واضحه في
كتاب موسوعة الفراشة كل مايخطر ببالك موجود فيه ما شاء الله
بالنسبه لعنايتك بنفسك:
كل النصائح اللي قرأتها بالمنتدى هنا حلوه صراحه
اكثر النصائح اللي حسيتها مهمه واستفدت منها كثييييييير هي:-
في اول اسبوع ريحي نفسك قد ماتقدرين وتدفي زييين في هالبرد
😈
……
داومي على سفوف النفاس موجود عند العطارين
واللي اختصرته في
(حلبه–حبه سوداء–حبه حلوه–قرنفل–ماش)
2ملعقه كبيره على الريق
وربيبة الارحام وهي (تمر معبوط مع حبة بركة و رشاد وشوية سمن او زبده) رووعه وتنظف الرحم
والشاهي اللي يطرد الغازات مكون من(مراميه– اعواد شيخ–كمون–حبة سوداء–قيصوم–قشر قهوه–نونخه–دارسين–ينسون)
كلهم جــــــــــــــدا” مهمين ومعروفين
……
التزمي بالاكل الصحي قد ماتقدرين
والمشروبات الدافئه
😎 😉 😆 hy:
😆 hy: 😡
🙁
و ابتعدي عن ال”جنك فوود” والمشروبات الغازيه
كثري من الفواكه (غير الحمضيات) مثل العنب والتفاح والخضار الورقي عشان تتجنبين الامساك
صراحه العنب انا جربته رااااائع
……
اذا ولادتك طبيعي مثلي التزمي بتعليمات الدكتوره زيــــن من ناحية المطهر وغيره
…..
ما انصحك تتنقعين في اول اسبوع واذا طاحت الخيوط تنقعي بمويه وملح خشن بيريحك من الاتهابات البسيطة
….
بالنسبه لشد البطن
وهذي النقطه مهمه
في اول اسبوع شدي بمشد مطاط من الصيدليه
خفيف ولا يضر وبلم عظمك عالخفيف ويريحك
اما المشد الاندنوسي فخليه بعد اسبوع
.
والمشد الاندنوسي هذا سالفته سالفه
اذا كنتو تحسبونه لف ترا غلطانين
.له طريقه غريبه بس رووووووووعه وانا اقول ليه الاندونيسيات ينفع معهم الربط وامهاتنا لأ
والله من اول يوم ربطت فيه كل خواتي لاحظو الفرق
بطني دخلت جواا
حتى السره سبحاااااان الله كانت تحت و زعلانه 🙁
ومن ثاني يوم لقيتها بنص بطني مثل اول
راااائع كلمة رائع قليله عليه
عموما اذا حسيت في تفاعل علمتكم الطريقه الصحيحه بالتفصيل الممل
وشوو كمااان؟؟
اووووووووو اهـــــــــــــــــم شي تمارين كيجل وهي” الضغط على العضلات المتحكمه بالبول مده بسيطه ومن ثم ارخاءها” لاااااااااتفوتكم سووها عالأقل مية مره باليوم
بعد ما تطيح الخيوط
واسأل مجرب
…
هذي نصائحي لكم ان شاء الله تفيدكم
دعواتي لكم بالولاده الميسره وتقومون بالسلامة ياااااارب
😡
