في ذمتكم قد شفتوا تسلط زي كذا ..

بنات انا مليت من كثر مشاكلي اللي شاب منها رأسي ..

مرات مع زوجي ومرات مع امي ومرات مع اهل زوجي ..

مشكلتي اللي بوضحها الان مع امي ..

يا بنات انا متزوجه من 5 سنوات وعندي بنت سنه و4 شهور ..

يا بنات امي سلبت شخصيتي وتسلطت عليا كثير .. والله يا بنات اني اعيش في رعب ..

اقسم بالله كل كلامي اللي اقوله صدق وبدون مبالغات .. احس ان امي تكرهني او فيها شيء

تبغاني زي الرموت بيدها تتحكم فيني زي ماتبغى .. صح انا فداها وانفذ كل اللي تبيه بس هي تتحكم بأشياء خاصه فيني ..

مثلا لو رحت زياره عند عماتي او بنات عمي او وحده من صديقاااتي .. تعالو شوفوا الاتصالات اللي تجي ع جوالي ..

كلها كلام جارح .. يالله ارجعي البيت لا تكون اعجبتك الجلسه .. يلا ارجعي .. كل 10 دقايق تتصل ونفس الكلام تعيده ..

والله انحرج اطلع مكان .. لازم تعذبني .. تبيني بس اطلع عند خواتها ( خالاتي ) او خوات زوجي ..

غير كذا ماترتاح اذا طلعت مكان …

مرة كنت بزور صديقتي وكنت بحط بنتي عند اهلي .. طبعا عند الشغاله .. المهم قالت امي لا والله ماتروحي ..

والله كذا بدون اسباب .. قلت لازم اروح .. قالت اجل ماراح نمسك بنتك .. والله يابنات بغيت اموت
اخذت بنتي وطلعت ..

الشيء الثاني لما خواتي يجو عندي البيت .. تحقق معهم كيف بيت اختكم نظيف او لا غرفة النوم وش فيها .. والمطبخ كيف .. تحقق معهم هم تعبوا من هالسالفه ..

وكمان انا وبنتي متعودين ننام العصر شوي ساعه او ثنتين .. تجي تتصل عليا وانا نايمه .. تقول

يلا اصحي قومي انتي بس نايمه مافيك خير .. حتى في بيتي مارتاح بنومي ..

والحين اختي بتتزوج وهي تنصح اختي وتقول لها لا تصيري مثل اختك الكبيره خليك احسن منها

لا تكوني زيها ابد .. والله يا بنات اتضايق .. بس نفسي افهم ليه تقول كذا والله اني حاطاها فوق رأسي
ومستحيل ازعلها بشيء .. والله اني حريصه على برهـا .. بس هي تعاملني بقسوه وتسلط ..

وكمان احيانا تسولف مع عمااتي تقول لهم اني شينه باخلاقي وان اختي افضل مني بكثير وانها تضايق مني وتحلف قدامهم وتقول والله لأدوس عليها مثل النمله ..

في ذمتكم فيه ام كذا .. انا تعبت قسم بالله اني حريصه كل الحرص على رضاها واني اسوي اشياء عشانها بس ..

ولو جيت اعاتبها تصيح وتقول انتي وانتي وانتي ….

والله لو اشوف رقمها يتصل على جوالي اتضايق .. مع ان المفروض اي بنت ترتاح باتصال امها ..

احسها تكرهني كلامها جااارح مرررهـ وتقول للناس كلام مو حلو عني وكأني مو بنتها ..

وكل شوي تحقيق واتصالات وكلام يجرح القلب ..

انا والله تعبت صبرت وصبرت وصبرت .. صح ان فيها محاسن بس مساوئها جااارحهـ مرهـ ..

لا تقولون لي تحمليها هذي امك .. والله اني متحملتها كثير مايحتاج توصوني ..
بس انا تعبت والله بنفجر ولو اعاتبها واصارحها ما تتفاهم تقول كلام ماله داعي ..