فيني ضيقه تهد جباااااااااال

اول شي بجد كنت حابه اشكر كل البنات اللي هنا
لاني احس كانكم اهلي وصحباتي واثق في بنات هالمنتدى فوق ماتتصورون

عندي طلب
دخيلها اللي تبغا تقولي كلام مو حلو والله مو ناقصه انا حدي متضايقه

ويمكن اطول في كلامي استحملوني
بس عنجد ودي افضفض وتعبااانه حيل

بداية موضوعي
اناشخص عادي
حبوبه وطيوبه ودلوعه
وعندي اهل وصديقات احمد ربي عليهم وخصوصا امي ربي يحفظلي هي(والله مو مصربني على الدنيا غيرها)
ويمكن لو فضفضت لاي احد فيهم ممكن يساعدني
بس انا من النوع الكتومه وما احب اتكلم واشيل احد اي هم

زمان انا كنت عاديه اخاف ربي واصلي ونادرا ما اسوي اي غلط واذا سويت غلط ولو كان قد النمله احس نفسي سويت مصيبه واستغفر ربي

لدرجة انه كانو يسموني في البيت (الملاك)
كنت روح البيت وتفائله
لدرجة لو اي احد كان مهموم كان يجيني انا ويشتكيلي
امي اختي اخويا حتى ابويا
كنت اشوف الدنيا شي حلو نعمه من ربي ليش ما نعيشها بحلال وصح
دام ما نغلط اكيد ربي بيرضى علينا
ومافي شي يستاهل في هالدنيا الواحد يكدر خاطره عشانه

وكنت طول الوقت متفائله ومبسوطه ومافي شي يكدر مزاجي

حتى مرحلة المراهقه امي ماحست فيها وماتعبتها زي باقي اخواني

انا دحين عمري 20

والموضوع بدا معايا من 19 اونهايتها
بس كان على خفيف

يجيني شويات مو كثير

بس زاد

انا عمري ما كنت احس بضيق

صرت طول الوقت اتضايق وحس باكتئااااااااااب فظيع
وطول الوقت طفشانه

وامنيتي الوحيده ( لو ماكنت جيت عالدنيا اصلا)

انا اعرف كل اللي فيني هذا من ايش

انا يابنات ابتديت اقطع في صلاتي
وما انتظم ابدا

وجد جد هذا الشي يضايقني فوق ما تتصورو
نفسي انتظم زي زمان
بس مو قادره احسها ثقيله
ويوم اصلي احس بضيق اقول متى بخلص

مع اني والله احب ربي واخاف منه وما احس بالراحه الا لمن ادعيله

اصلا صرت خايفه انه من كثر ذنوبي ربي ماراح يتقبل مني
نفسي اتوب بس اخاف كالعاده

اتوب فتره وارجع ثاني وارجع اتوب وارجع ثاني
ودواااااامه

اصلا انا صرت اكره نفسي ودنيتي

اكره شكلي وجسمي وكل شي فيني صرت ما اقدر اطالع في المرايه احس اشوف شي غريب مرعب

واجلس ابكي

ما ادري كذا ماصار في امل في حياتي

احس بس ودي انام عشان اهرب من الدنيا ومافيها

وصرت يوم اغلط ما احس بالذنب

زمان ماكنت اكذب ابدا لو اموت
ولو كذبت اجلس ابكي واستغفر واستسمح الشخص اللي كذبت عليه
دحين ماصارت تفرق معايا

صرت بس اغلط وارتكب ذنوب(استغفر الله يارب تسامحني ادعولي يابنات)

واقول يعني انا ما ارتكبت كبائر وشوفو الكفار كيف يغلطو ويذنبو وحياتهم حلوه
وانا ادري انه حياتهم كلها مشاكل بس ما ادريكذه افكر انه هم عندهم الجمال وعندهم حياتهم وهما كل حياتهم ذنوووب
استغفر الله اقولكم صارت تجيني افكار ووساوس غريبه عجيبه _يارب اهديني واغفر ضعفي وغبائي وزلاتي_

نسيت النه الذنوب راح تتراكم وتصير كبيره مررررررررررره

اه والله تعبت وضاقت فيا الدنيا
وصرت اسمع اغاني بصوره فظيعه

والبرامج الدينيه بعد ما كنت احبها واشوف اي معلومه جديده اجري لماما واقولها هي

حتى ماما مؤخرا صارت زعلانه تقولي ليش يا بنتي ماصرتي زي زمان

والله صرت يوم اشوف اي شي ديني اتضاااااااااااااايق

واعرف انه هذا خطا
ومن جوه اتعذب
لاني ابغاااه
بس ما اقدر
يوم اسمعه اتضايق

والله من كثر ما ابكي احس المخده تنعصر تطلع مويه
ودايم ادعي ربي انه يهديني دايمااااااااااااااااااااااااااااااااااااا

بس احس مافي فايده

عشان كده قاعده اقول يمكن ربي طبع على قلبي وما يبغا يتقبل مني

ادعولي يابنات انه ربي يهديني

وانصحوني

وامانه لا تقولولي كلام جارح
ادري اني مخطئه
بس والله متضايقه