فوق هذا الوفاء.. فيه وفاء ماأظن والله…؟ الله يرحم الحال بس

مالي بالمقدمات بصراحه… بس بقول لكم القصه… وعطوني الحل…

لي صديقه عرفتها من النت من 3 سنوات تقريبا …صديقه لو احكي عنها الين الف سنه مااقدر اوفيها حقها…

انسانه ذوق ..حساسه. رقيقه..صادقه.. تعاملها مع الكل رااقي وراقي جدا…هي كاتبه ومصممه وعندها مواهب كثير ماشاءالله تبارك الله عليها…انسانه ورب الكون منتهى الطيبه والوفاء….وهنا المشكله..( وفائها)

هي من عضوات الفراشه… وتكتب هون.. بس مو كثير..حكم انها تكتب بمنتديات كثير.. وتنشغل من التواجد هون…

والبنت لها حضور قوي بكل موقع تسجل فيه وتشارك…لها شخصيتها الحلووه الجذابه…

ادري بتقولون طولتيها بس لاتلوموني وبتعرفون لما احكي لكم حكايتها…

هالبنت كانت تكتب بموقع كبير وقووي… وانشهرت بقوه هنااك وصار الكل يتقرب منها… ويبي يتعرف عليها…

وو…ووو

وكتب ربي ان وحده تتعرف عليها ويحكون مسن… وتطورت العلاقه بينهم بشكل عجيب من ايامها الاولى…

العضوه الي تعرفت عليها كانت مره مرره تهتم فيها ..وتكلمها كثير.. ودخلتها بحياتها بقوه… وتحكي لها تفاصيل حياتها… وصديقتي ذي تجاوبت معاها لان حست بمشاعر قويه تجاهها وبادلتها هالشعور واكثر…

وكل يوم يزيد تعلقهم ببعض… وتكبر علاقتهم… ودامت سنوات…

والله لما كانت تحكي لي عن كل شي تسويه لها انصدم اقول مجنونه… ومو كلامي بس بروحي حتى صديقتها هذي كل يوم تستغرب منها هالوفاء وهالحب…

معاها طول اليوم ياجوال يامسن… تعلقت فيها كثير كثير كثير.. والثانيه اشد….

والله من شدة حبهم لبعض كانت تصور كل مشوار تطلع له… المطاعم… المنتزهات.. بيتهم.. اهلها.. حتى غرفتها بحوستها وفوضويتها ترسل لها مقاطع الصور عالمسن …

كل عضوات الموقع عرفو بعلاقتهم . ويغبطونهم … كانت تعاملها بشكل ميزها عن الغير.. حتى لما ترد بمواضيعها كانت تبديها اول حتى لو كان ردها الاخير….

دايما كان هذا اسلوبها انتي غير…. ومالوم البنت لو تعلقت بصديقتي كذا…

الي صار.. ان صديقتها من سنه وشوي تغيرت… وكل ماسألتها صديقتي شفيك.. قالت ظروف.. تعبانه ووو..

ولا تقول تفاصيل.. مع ان البنت كانت تقول ادق ادق تفاصيل حياتها وحتى مشاكلها مع اهلها.. ماكانت تخبي ابد عن صديقتي…. وصديقتي مع الوقت صارت عصبيه بشكل ماتتحمل شي من الي حولها ومن صديقتها لانها صارت بارده في تعاملها مع صديقتي…

صديقتها كانت متعوده تكلمها حتى برا عند خواتها او مع اي قريب لها.. او حتى لو كانت بزياررره ماكانت تبطل اتصالات ..ابد ابد مااكانت تستغني عنها لحظات.. او تمر الساعات ولا تسمع صوتها…

يعني البنت كانت جدا متعلقه بصديقتي برضه… لكن من لاحظت تغيرها صارت حتى لما تطلع وتدق عليها صديقتي تقول انا عند ناس اكلمك بعدين….

وبليله اتصلت صديقتي عليها كلمتها البنت على عجاله قالت لما ارجع البيت اكلمك…

وفعلا بعد ساعه رجعت
وكلمتها وقال بنام مافيني حيل اجلس معاك اكثر… المهم قفلو من بعض… صديقتي صارت تبكي… وتتألم…

البنت كانت تكلمها حتى وهي بفراشها الين تناام…. وش الجديد..؟؟ وش الي صار…؟

صديقتي وبلحظة غضب مسجتها وكتبت مسج قووي تدعي عليها.. لانها تغيرت حيل ومو مثل اول…

البنت من بعدها زااد تغيرها 180 درجه…وكل ماتصلت صديقتي كانت تكلمها بمنتهى البرود وتصيح فيها انتي جرحتيني لما دعيتي علي وو..ووو

صديقتي اعتذرت منها كثير… مسجتها عالجوال بالهبل تعتذر وكتبت كلام كثير انو كلنا نخطي وكل علاقه تمر بمشاكل… وانها ندمت انها دعت وعصبت عليك كذا.. وياليت تعذريني كانت لحظة غضب ولا راح تتكرر…

وصديقتها ولا اهتمت بكلامها ولا مسجااتها ولا اتصالاتها.. كانت تدق ولا ترد الثانيه… عشر اتصالات لا..وبالنادر ترد وانا ردت عصبت عليها وقالت خلاص ماعاد ابي هالحب.. بلا مسخره ووو.. وكلام كثير يجرح….

وصديقتي تقول بتحمل دام اخطيت بحقها هي حبيبتي وصديقتي ودنيتي كلها….

والله العظيم يابنات ظلت شهرين بالضبط وهي تركض وراها وتعتذر.. تطلب منها السمااح والثانيه رافضه …

مسجتها ..اتصلت.. ارسلت ايميلات تبي السماح وانها تحبها ولاراح تقدر تعيش من دونها وو..,و

واحيانا ترد عليها لما تتصل وصديقتي تبكي مثل الطفل… تبي تسامحها لكن هذي رافضه كلش…

بعدين هالشهرين حن قلبها ولان…بعد مانشبت صديقتي تترجاها تسامحها

مسجتها ( سامحتك لكن انا تغيرت مو الاولانيه)

صديقتي فرحت قالت يمكن كلام ولما نرجع نحكي تنسى ونرجع زي اول… لكن المصيبه ان البنت نفسها عند كلامها … فعلات تغيرت اكثر وصارت تعامل صديقتي بمنتهى الرسميه والبرود..

تخيلي نفسك انتيِ مع شخص كنت كل حياته وبفتره وبسبب خطأ بسيط يتبدل هالشعور ويعاملك وكأنك شخص عادي! والله صعبه ومريره هاللحظه….

كلمتها بيوم صديقتي وهي على برودها ..وسالتها قالت وش اعني لك انا؟ قالت بمنتهى القسوه شخص عادي بحياتي… صديقتي انهارت ..بكت قدامها.. واستأذنتها وقفلت منها…

وعلى طول قالت دام صرت شخص عادي بحذفها من المسن وماقصرت فيني …

المهم البنت رغم ان صديقتي احذفتها لكن هي ماحذفتها وبعد كلامها هذا بشهر مسجت صديقتي وقالت كيفك..؟ طمنيني عليك..

صديقتي ردت وقالت انا بخير على بالها ندمت وتبي ترجع وتكلمها وتحسسها بقيمتها لكن الثانيه ماسوت شي.. ورجعت صديقتي لحزنها وخيبتها وألمها…..

وبعد شهر ثاني حذفتها صديقتها من المسن…

وبعدها بكم يوم صديقتي تعبت اكثر وحنت لها ومسجتها وقالت والله ماتهون علي العشره.. ابي افتح صفحه جديده معاك… بعيد عن المشاكل والحزن.. توافقين…

مسجتها وقالت اوك خلاص….

ولما رجعوو عالمسن وبعد كم شهر صديقتي تعبت اكثر ..ياليتها تركتها ولا رجعت… لان صديقتها كانت بارده في اسلوبها مو الاولى ابد ابد ابد….

وبيوم حزين سألتها صديقتي قالت شفيك انتي تعامليني برسميه كذا.. حتى كلمة وحشتيني حرمتيني منها….. انا مانكر اني غلطت بحقك بيوم وسامحتيني ليه كذا وو…انا للحين مابي غيرك ولا راح احد يعوضني لما افقدك وكلام قوي كتبته صديقتي…

ردت الثانيه وقالت انا بصراحه هالحب عافته نفسي… خلي علاقتنا عاديه!!!!!!!!!!!!!!!!!!

صديقتي تقول والله لحظتها كأن احط عطاني كف… مو انتي الي كنتي متعلقه ولو تفقدني دقايق تجننت .. واليوم مو مثل امس.. اختلف.. اختلف كثير يابنات بينهم….

صديقتي خلاص بعد هالكلام قررت تنسحب بكرامتها .. وتتركها للايام…. مسجتها وقالت تركت الكل وجيتك وعلى بالي للحين فيه امل تحبيني وصداقتنا ترجع زي اول لكن استااهل الي سويتيه فيني.. وقفلت جوالها 17 يوم بالضبط.. ماتقدر تظلم البنت يمكن مسجت… يمكن اتصلت لكن بعد هالـ17 فتحت جوالها ولا رجعت تدق البنت او تمسجها… غابت صديقتي عن المنتديات والنت بكبره 3 شهور واكثر وصديقتها ابد ماخافت عليها وحسستها انها فقدتها وهي تعرف انها سبب تعبها… ولا ندمت ورجعت ودقت لان صديقتي كرهت كل شي بعدها…. وغابت تقول يمكن انساها… لكن مانستها لو لحظه.. بالعكس للحين وفيه لها والي عطته لها لو جاء بعدها الف ماراح تعطيهم زي ماعطتها من حب ووقت.. ومشاعر…

و فوق هذا ماحذفتها مسن هالمره رغم ان الجرح قوي..لكن تقول ايميلها يحسسني انها للحين معاي… 😛

وصديقتها تتواجد كل شهر مرره وتغيب شهور… واكتشفت صديقتي انها تركتها بالايميل المهمل…. يعني عندها ايميل ثاني تدش منه وتتكلم مع صديقاتها يوميا وعايشه حياتها عادي..

تعبت اكثر… لانها ماقدرت تنساها.. وتبدلها بغيرها.. وتعيش حياتها بدونها…

كل توبيكاتها عن الغياب والشووق والفقد.. وصديقتها تدخل وتشوفها لكن ماهمها… ولا فكرت تكلمها وتحس فيها…

هاوشناها كثير انا وباقي صديقاتها قلنا لاتبينين لها حبك وتعبك… قالت مااقدر اكذب بشعوري وانافق.. هذي طبيعتي.. ومشكلتي وفيه وصادقه.. لو حبيت حبيت… مااخون ولا ابيع صاحبي… حتى لو باعني…

صديقتها حذفتها فتره من المسن ورجعت واضافتها بس ماتحكي معاها تشوف صديقتي تحط توبيكات أليمه لكن بدون احساس ولا فكرت ولا ندمت على الي سوته…بالعكس مره حطت توبيك كاتبه فيه وحشتيني يافلانه ( تقصد صديقتها الثانيه) شوفو القهر لكن صديقتي تحملت وسكتت وكانت تبكي بصمت تقول الكلمه الي كتبتها باخر يوم لها (ليه ماعاد تقولين وحشتيني الان كتبتها لغيري وبالتوبيك وكأنها تبي تزيد ألمي ألم…

هي عندها صديقات بالهبل…. واجتماعيه جدا… لكن الكل ماعوضها غياب صديقتها.. كل حديثها عنها… وقتها كله تفكر فيها وغصب عنها تقول كل شي يذكرني فيها… محتفظه بكل هداياها… حتى كراتينها وقراطيسها… وشريحه طلعتها لها زماااااااااان صديقتها من خمس سنوات وانكسرت لكن للان محتظفه فيها.. حتى ملعقة ( النسكافيه ) الي شربته معاها للحين محتفظه فيها رغم مرور اربع سنوات..حتى رسائلها الي عالخاص من عام ال2004 للحين بصندوقها الخاص ( بصراحة كرهت مثاليتها وتمسكها بوحده مثلها قست ونست)

جوالها الي كان هديه من صديقتها رغم انه قديم لكن للان تستخدمه… وتحبه… وتحتفظ بكل التفاصيل فيه..

شافو بعض اكثر من اربع مرات تحلف بالله مانست هاللحظات تذكرها كل يوم وتبكي ..

تعرفت على بنات كثير لكن نفس الحال مااحد طلعها من هالجوو رغم ان كل الي حولها عطوها حب واهتمام… وقتهم كله بما فيهم انا… لكن كل وقتها تحكي عن صديقتها ذي رغم انها جرحتها لكن تقول والله ولو بعد مليون عام ماراح انساها ولا راح احب احد كثرها….

عجيبه هالبنت رغم ان فراقهم الان له اكثر من سنه وشهرين الا انها يوميا تبكي عشانها وتحن لها …وتتمنى ترجع وتعوضها عن ايام الحزن والضياع الي عاشتها بدونها…

لدرجه اني رحمتها كثير وقلت عطيني رقمها وبتفاهم معاها يمكن ترجع لك.. وزعلت وعصبت..قالت انا عندي كرامه

خليني اتعذب.. خليني ابكي واموت من شوقي عليها لكن ماارجع لها.. لو تبيني بتجي…انا ماسويت لها شي…

بالعكس عطيتها شي ماعطيته حتى اقر الناس لي…. صدقت معاها حتى بعد فراقنا…

يابنات سنه وشهرين… واخرتها امس كلمتني تبكي وتتألم… تشتاق لها…وتعبت من هالوفاء ..تعبت كثير…

رغم انها من افترقو مارجعت للمنتديات الي تشارك فيها عشان ماتشوف مشاركاتها وتتعب اكثر.. وكان على بالها تنساها لو مافتشت وراها لكن الي حصل انها للان بقلبها وكلها معاها…

البنت لو كانت تعاني فراغ عاطفي كانت قدرت تملاه بوجودنا حولها وااهتمامنا المبالغ فيه انا وصديقاتها…ط

سوينا كل شي حتى تنساها لكن فشلنا.. تعبنا معاها…وضاع عمرها على ذكرى أليمه ومع انسانه نستها تماما… ولاحول ولاقوة الا بالله…

وتقولون ماعاد فيه صداقه.. ووفاء.. ومشاعر صادقه..

والله ان كل ماقرأت مثل هالكلام اذكر صديقتي واذكر صدقها ووفائها وابكي….

ست سنوات مررت من عمرها من عرفت هالبنت لكن الغلا هو الغلا… مانقص… حياتها كانت لـ ( منى) ومنى نست هالحب والعلاقه بكبرها وعاشت حياتها بدونها لكن الله يرحمها برحمته ويخفف عنها.. ويشفي جراحها…..

لاتنسونها بالدعاء…. جدا تعبانه وحزينه…والله صوتها يتعبني من كثر الحزن الي فيه… يارب هونها عليها وصبر قلبها…

كلامي كثير وملخبط وحوسه بس اعذورني لان ماقدرت اتحمل الي تمر فيه قلت اطرح عليكم مشكلتها ووقصتها مع صديقتها وتدعون لها واحنا بأيام فضيله لاتنسونها بالدعاء ربي مايحرمكم الاجر اللهم امين…