فوزيه ميرنا غريبه + ورق عنب .. للي مافهموا معاناتنا !!

يابنآت بالنسبه لموضوعي حق : ورق العنب :d

http://satfrequencies.com/girls/alfrasha28/thread1551415/

اللي فيه بعض العضوات مافهموا علينا ، حبينا نكتبه من جديد بـ تفاصيل أسهل وأكثر <مطوله ..

المهم .. آعرف المشكله آكبر بكثييييييييير من ورق العنب بس هذيك اللحظه كنت رايحه آسويه ووصلت معي ..

للي اول مره يشوفون موضوعي ، الأسماء اللي بالسالفه بس عشان تفهمون آكثر مو غير ..

أنا وأختي ريم اعمارنا بحدود بداية العشرين وأخونا محمد كذلك .. وأمنا منيره الله يطول بعمرها ويهديها

وأختنا غريبه ” من الابو ” وصديقتها فوزيه والثانيه اللبنانيه ميرنـا<.. صاكين ال27

اقولكم ..

فوزيه أبوها متوفي وأمها متزوجه ومسافره برى الكويت مدري وش سالفتها المهم آن امهآ لبنانيه

وميرنا مطلقه من زوجها ومن فتره طويله عايشه بالسعوديه وهم صديقات غريبه من الإبتدائي

ومشالله الخوات مايطلعون من بيتنا ! مع ان الله مغنيهم هم وغريبه عندهم فنادق في قطر ومدري ويين

وكل وحده كل يوم شكل ولبس وقصه !! وطايحآتن عندنا ، وأمي تحترم غريبه آحترام ياليتها ما أحترمتها < لاتفكرون آمي تسوي هالشيء عشان فلوسها ، آمي راتبها مكفيها وأخواني مايقصرون والحمدلله

لكن آمي طيبتها حادر لها وادي !!!

غريبه وصديقاتها ” هوّس ورق عنب ” وكل يوم ذابحينا بالعزايم ونسوي لهم آنا وريم

وآمي إذا قلنا لا عصبت ! وإذا قلنا الشغالات يسوونه عيّت ورفضت وزعلت علينا !!

تقول هذي آختكم آحترموها وسووا اللي تطلبه وتحتاجه ولا تعارضون ، آنا طفشت طفشت طفشت !!

غير آنهم جالسين فبيتنا ليل ونهار وعشاء وفجر وحاشرين آخوي محمد وأعطيهم بالوجه إني ما آخذ راحتي آنا وريم ومحمد وخوآتي كلهم الا آنهم يكركرون ويطلبون ورق عنب على آي حال ..

تخيلوا آن فوزيه من كثر قلة الحيا اللي فيها .. جابت عمّال يغيرون سريرها اللي فبيتنا لأنه موب مريحها !!!!!!!!!!!!!

ومحمد شافها وعصب وطرطعت معه وهاوش وراح لأمي شكالها ، وغريبه هاوشته وأمي قامت مع غريبه تهاوش آخوي !!!!!!!!!!!! وش ذا !! 🙁

ولا تقل ميرنا عنها .. بقلة الادب والحشريه والميانه اللي طاقتها مع آخوي ! حتى فوزيه طاقتها ميانه بعد .. والسواق إذا آحتجناه لقيناه معهم ..

باقي يشلحونا من بيتنا بعد !!!!! .. وغريبه آمس سوت حركه عصبنا منها آنا وخواتي يعني لدرجه ماتتصورونهآ يانااااااااااس ..

جالسه بالصاله بكل أريحيه مع السلايق اللي معها ، وتشاورهم بـ صالتنا ، تقول : وشرايكم آغير الأثاث ؟ عطوني رايكم بالألوان اللي بختارها !!!!!

بالله وش هالحركه ! لو وحده فيكم بمكاني وش بتسوي مع هالبلاوي !! تعبنا آنا وخوآتي

ماناخذ راحتنا ، ونطبخ لهم .. وحاشرينا !! ونعطيهم بالوجه [ غثيتونا .. آطلعوا برى ] لكن .. يتضاحكون ولا همهم ولا عليهم !!

تعبت تعبت تعبت ..