عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم اخواتي وشهر مبارك على الجميع ,,,
فيه ناس من قرايبي طرحوا مشروع من وجهة نظري ونظر الكثير بالوقت الراهن يعتبر من مشاريع هذا الزمن
المرررربحه واغلب اللي اشتغلوا بهذا المجال حصلوا خير كثيررر واصبحوا مليونيرات ,,, قبل ما احط واظيف
عرضهم بمشاركتي هذه متوقعه اجد ردود تهكميه وساخره وتأفف واستنكار واستعلاء ولكن ماعلينا 🙁
العرض نقلته بدون تعديل وهو الاتي :
السلام عليكم وشهر مبارك وكريم للجميع …
الاخوه الاعزاء / راح اعرض مشاركتي وعرضي ,,, انا من سكان الرياض واللي يقدر يوفر سيارات نقل دينا محجبه ومخزن كبير او مستودع او حوش بس يكون مسقف وعمال لديهم رخص قياده نقل ومبلغ تحت بند المصاريف المبدئيه للفتره الاوليه فقط
فانا مستعد ادير المشروع من الالف للياء بجميع حذافيره من اول وظع الخطط للمناطق المستهدفه
لتجميع الفلوس المرميه بالشوارع ( المخلفات ) بانواعها المختلفه والتوجه لها وتحميلها لمكان التجميع وفرزها كلا على حدا مثلا : الورق يفرز لحاله والكراتين لحالها والبلاستيك لحاله والمعادن لحالها والزجاجيات لحالها والملابس ايظا لحالها وكل شيئئئئئ يفرز لحاله ( كل شيئ له سعره بالسوق الكراتين والاوراق لهم سعر والحديد السكراب والخرده لهم سعر والالمنيوم وعلب المشروبات الغازيه لهم سعر والملابس المستعمله لها سعر … الخ ) ,,
الى خطوة العرض والبيع والتفاوض مع المشترين والموضوع له تفاصيل اكثر ممكن التطرق والتوسع به ولكن لكل حادث حديث ,,, اكيد البعض بيقول طالما اساس هيكلة المشروع بنوفرها اجل ايش لازمتي انا ؟؟؟ صح ؟؟؟ امعن النظر بالمشروع
وتطبيقه وتنفيذه وادارته وبلاويه وتعبه ومرمطته ومسئوليته وانتم تعرفوا الاجابه لان ممكن يتوفر عند اي شخص اساسيات قيام مشروع بس الاهم من كل هذا كيف يتنفذ ومين ينفذه بجديه وأمانه والتنفيذ هو عصب اي مشروع ليكون موجود على ارض الواقع ويكتب له النجاح بعد مشية الله وتوفر النيات الطيبه ,,, على كلا كما ذكرت سابقا الموضوع مفتوح للمناقشه والرد على الاستفسارات ,,, والله الموفق .
