فكره خطيييييره بالمره لا تضيعيها على نفسك؟؟…تجربتي الشخصيه أنا سلمى؟؟

بنااااات عندي لكم فكره سويتها أنا في البيت و حابه انكم تستفيدون و تسون مثلها خصوصا في هذي الأيام العشر المباركه

الفكره الله يسلمكم هي كالأتي:-

*-* جيبي حول 10 أوراق أو أكثر(العدد الي يناسبكم)

*-* وجيبي كمان أقلام ملونه (ولو فلومستر عريضه يكون أحسن)

*-* أكتبي في الأوراق بخط واضح الكلمات العظيمه هذي

((( الله اكبر…الله اكبر…الله اكبر…لا اله الا الله…الله اكبر…الله اكبر…ولله الحمد )))

*-* شدي الهمه و وزعي هذي الأوراق في البيت كله (طبعا تلصقينها)سامعتني كله لا تخلي مكان ماتحطين فيه هذي الأوراق

(*(غــرف النوم – صاله – مقلط – عند برادة المويه – عند الغساله – المطبخ – >> عاد وانتي ماشيه ;))*)

والله يا بنات من تجربه شخصيه اني لقيت نتيجه رهييييبه والحمدلله تخيلوا (أبويه وأمي وأخواني وأخواتي وشغالتنا) (الله يحفظ العيله الكريمه ما شاء الله تبارك الله )الكل يردد هذي الكلمات في هذي الأيام العظيمه الي يسن فيها التكبير والتسبيح والتهليل

وهذي طريقتي معاهم والحمد لله من العام الله ينفع فيها ويكتب لي أجرها.

*-* يعني هذي الطريقه هي شغلة تذكير للغير لا أقل و لا أكثر

*-* المهم يا بنات الي حابه تسوي هذي الطريقه في بيتها أنصحها انها من اليوم تبدء تسويها (تستعجل) عشان تلحق أكبر قدر من هذي الأيام المباركه

*-* أخر حاجه ربي يسعدكم الي تسوي الطريقه ياليت تخبرنا عن ردة فعل أهلها (منها نسولف مع بعض ومنها كمان نرفع الموضوع >>وهذا الأهم عشان الكل يستفيد )

وترى يا بنات فكرتي هذي *-* حـــلال *-* على أي وحده تبغى تنقلها لأي منتدى بدون ما تذكر المصدر