السلام عليكم و رحمة الله و بركاته ..
هلا بأحلى فراشات ..
أكيد عارفين الاستغفار و ما له من فوائد عظيييييييمة
و ربما سمعتوا قصص عن الاستغفار و آثاره
الفكرة
اطبعي بالكمبيوتر أو اكتبي بيدك بخط حلو (بس طباعة الكمبيوتر بتكون أحلى) .. اطبعي كلمة “أستغفر الله” و قصيها بشكل حلو (دائري أو مستطيل أو مربع .. زي ما تحبين) .. بعدين غلفيها حراري أو مثلآ لفي عليها اللصق الكبير الشفاف عشان تحافظين عليها .. المهم في وقت يكون فيه زوجك مروووق و راح يطلع بالسيارة .. قبل ما يطلع أعطيه مقدمة بسيييطة و سريييعة عن الاستغفار و فوائده .. بعدين قولي له عندي لك شي بسيط عشان تتذكر إنك دايم تستغفر و عشان نعين بعض و نكثر من الاستغفار .. و قدميها له بابتسامة حلوة .. و قولي له حطها مكان البوري في سيارتك ..
طبعآ لازم تكونين مجهزة معها مثلا اللصاق .. ولا كيف بيثبتها ؟
أو إذا كانت من الورق اللي يلصق أساسآ ..
إن شاء الله الفكرة أعجبتكم ..
و ممكن تحطينها في أي مكان مناسب في بيتك عشان تتذكرين و تكثرين من الاستغفار ..
الله يغفر لنا جميعآ .. و يسعدنا و يوفقنا